Hill-Sphäär

As en Hill-Sphäär (ok Hill-Ruum) warrt de Ümgegend von en Körper betekend, in welke de egen Gravitatschoon (oder Sworkraft) starker is, as de von en annern sworen Körper, de üm em ümlöpt. Sowat gifft dat in de Astronomie t. B. wenn en Maand üm en Planeten löpt. So en Sphäär hett ungefäähr de Form as en Kugel. Nöömt is se na den Mathematiker George William Hill, de sik mit de theoretschen Astronomie befaat harr.

De butenste Grenz von en Hill-Sphäär hingt af von:

  • de Gravitatschoon, de von den zentralen Körper utgeiht.
  • de Gravitatschoon, de von den ümlopenden Körper utgeiht.
  • de Zentrifugalkraft de op dat Betogssystem wirkt, in den de Körper kreist.

Innerhalf von de Sphäär is de Summ ut disse dree Kräft jümmers op den Zentralkörper richt. De Radius von den Hill-Ruum is jüst de Afstand bit to’n eersten oder tweeten Lagrange-Punkt.

Formel

Den Radius von en Hill-Sphäär kann man bereken ut:

Dorbi is r de Radius, a de Afstand von de Sworpunkten von beide Körpers, M is de Masse vun den Zentralkörper, un m de Masse von den Körper, de buten rümlöpt. e is de numerische Exzentrizität, de bi de meisten Planeten aver so lütt is (bi de Eer t. B. 0,0167), dat de Utdruck (1-e) ok weglaten warrn kann. De Formel vereenfacht sik denn to:

Other Languages
Afrikaans: Hill-sfeer
العربية: نطاق هيل
čeština: Hillova sféra
Deutsch: Hill-Sphäre
Ελληνικά: Σφαίρα Χιλ
English: Hill sphere
español: Esfera de Hill
français: Sphère de Hill
հայերեն: Հիլլի գունդ
italiano: Sfera di Hill
日本語: ヒル球
한국어: 힐 권
Lëtzebuergesch: Hill-Sphär
Bahasa Melayu: Sfera Hill
polski: Strefa Hilla
پنجابی: ہل جؤہ
português: Esfera de Hill
română: Sfera lui Hill
русский: Сфера Хилла
srpskohrvatski / српскохрватски: Hill sfera
slovenščina: Hillova krogla
српски / srpski: Хил сфера
svenska: Hillsfär
українська: Сфера Гілла
中文: 希爾球