Flagg vun Russland

Flagg vun Russland

De Flagg vun Russland is en Trikolore in de panslawisch Farven.

Se besteiht ut dree gliek groot horizontal Striepen: baben witt, in de Midden blau un ünnern root.

Da eerste Mal wurr de Flagg up russisch Hannels- un Kriegsscheep 1896 offiziell bruukt un foot up de Flagge vun de Nedderlannen. De Flagg wurr inoffiziell wiels de provisoorsch Regeeren vun Russland, also nah den Stört vun den Zaren, un bit to de Oktoberrevolutschoon bruukt. Dornah hett man de Flagg vun de Sowjetunion bit 1991 in Gebruuk harrt. Nah blots minn Ännern 1993 wurr de Flagg weer bruukt.

Historie

As Zar Peter I., nömmt de Grote, 1699 in de Nedderlannen reisen dee, um mehr över den Schippbau to erfohren, kunn he de Notwennigkeit faststellen, dat Russland för sien Marine en eegen Flagg bruuken dee.

De nee russisch Flagg sull dat Vörbild vun de Flagg vun de Nedderlannen (dormals dree horizontale Striepen orange-witt-blau, aber ok root-witt-blau nah 1630) folgen, aber Farven ut Russland bruuken. Peter de Groote hett de Farven ut dat Wappen vun dat Fürstendom Moskau nommen: Up en rooden Achtergrund ritt en witten Ridder up en witt Peerd, hüllt in en blau Mantel un en blau Schild dragend. Later wurrn de dree Farven ok as Symbol för de dre staatsdragen ostslawischen Völker in dat russisch Zarenriek düüt: Witt för „ Wittrussen“, Blau för de „ Lüttrussen“ un Root för de „ Grootrussen“.

De witt Farv steiht för de Freeheit, de blau för de Goddesmoder un de root för de Macht vun den Zaren.

Disse Flagg wurr an' 7. Mai 1883 to de offizielle Natschonalflagg vun Russland verklort. As de Bolschewiki 1917 de Macht griepen deen, hemm se ok de Natschonalflagg. An' 22. August 1991 wurr de witt-blau-root Trikolore weer to de russisch Natschonalflagg bestimmt.

Peter I. geev dat Land ok en anner Flagg: de so nömmt „imperiale Flagg vun Russland“. Se besteiht ut en blau Andreaskrüüz up witten Grund. Disse Flagg wurr alternativ to de Trikolore bruukt, up de Slachtfelder un bi de Hannels- un Kriegsmarine weer se sogor domineerend. De Flagg is noch hüüd de offiziell Flagg vun de russisch Marine.

Hüüd wurrd de Symbolik vun de Farven anners begrünnd:

  • witt (russisch: белый) steiht för Gloov un Eddelmoot.
  • blau (russisch: синий) steiht för dat Haapen un de Ehrlichkeit.
  • root (russisch: красный) steiht för de Leev, Moot un Tapferkeit.

Historsch Flaggen

Flagg SV Datum Funktschoon Beschrieven
Flag of Russia (1668-1693).svg 2:3 1668 Eerst russisch Flagg Blau Krüüz, in de Ecken afwesselnd, in' Clocksinn Root un Witt
Flag of Russia.svg 2:3 1699–1858 Flagg vun dat Zarendom Russland un vun dat Russisch Kaiserriek Horizontale Trikolore in de panslawischen Farven Witt, Blau un Root
Romanov Flag.svg 1:2 1858–1883 Flagg vun de Romanow un vun dat Russisch Kaiserriek Horizontale Trikolore in den Farven Swaart, Gold un Witt.
Flag of Russia.svg 2:3 1883–1914 Flagg vun dat Russisch Kaiserriek Horizontale Trikolore in de panslawischen Farven Witt, Blau un Root
Flag of Russian Empire for private use (1914–1917) 3.svg 2:3 1914–1917 Flagg vun dat Russisch Kaiserriek Russisch Trikolore mit dat russisch Wappen in dat linke Bövereck för den apenlichen Gebruuk
Flag of Russia.svg 2:3 1917–1918 Flagg vun de Russisch Republiek Horizontale Trikolore in de panslawischen Farven Witt, Blau un Root.
Flag of the Russian Soviet Federative Socialist Republic (1918-1920).svg 1:2 1918–1937 Flagg vun de [[Russisch SFSR] Root Flagg mit de oltstiliseert kyrillisch Bookstaven РСФСР (RSFSR) an dat Mastenn'.
Flag of the Russian Soviet Federative Socialist Republic (1937-1954).svg 1:2 1937–1954 Flagg vun de Russisch SFSR Root Flagg mit de kyrillisch Bookstaven РСФСР (RSFSR) in verännert Schriftform an' Mastenn'.
Flag of the Russian Soviet Federative Socialist Republic.svg 1:2 1954–1991 Flagg vun de Russisch SFSR Ähnlich as de Flagg vun de Sowjetunion, mit en senkrechten blauen Striepen an dat Mastenn'
Flag of Russia (1991-1993).svg 1:2 1991–1993 Natschonalflagg vun de Russisch Föderatschoon Horizontale Trikolore in de panslawisch Farven Witt, Blau un Root.
Flag of Russia.svg 2:3 siet 1993 Natschonalflagg vun de Russisch Föderatschoon Horizontale Trikolore in de panslawisch Farven Witt, Blau un Root.
Other Languages
Afrikaans: Vlag van Rusland
العربية: علم روسيا
azərbaycanca: Rusiya bayrağı
беларуская: Сцяг Расіі
беларуская (тарашкевіца)‎: Сьцяг Расеі
বিষ্ণুপ্রিয়া মণিপুরী: রাশিয়ার ফিরালহান
brezhoneg: Banniel Rusia
bosanski: Zastava Rusije
čeština: Ruská vlajka
Cymraeg: Baner Rwsia
ދިވެހިބަސް: ރޫސީވިލާތުގެ ދިދަ
Esperanto: Flago de Rusio
עברית: דגל רוסיה
हिन्दी: रूस का ध्वज
hrvatski: Zastava Rusije
Bahasa Indonesia: Bendera Rusia
íslenska: Fáni Rússlands
lietuvių: Rusijos vėliava
latviešu: Krievijas karogs
македонски: Знаме на Русија
Bahasa Melayu: Bendera Rusia
Nederlands: Vlag van Rusland
norsk nynorsk: Det russiske flagget
Pangasinan: Laylay na Rusia
polski: Flaga Rosji
română: Drapelul Rusiei
русский: Флаг России
sámegiella: Ruošša leavga
srpskohrvatski / српскохрватски: Zastava Rusije
Simple English: Flag of Russia
slovenčina: Vlajka Ruska
српски / srpski: Застава Русије
Türkçe: Rusya bayrağı
українська: Прапор Росії
oʻzbekcha/ўзбекча: Rossiya bayrogʻi
vepsän kel’: Venäman flag
Tiếng Việt: Quốc kỳ Nga