ငါးလိပ်ကျောက်

မြန်မာဝစ်ရှင်နရီ
မြန်မာ ဝစ်ရှင်နရီ တွင် ဤစကားလုံးအတွက်
အဓိပ္ပါယ်ဖွင့်ဆိုချက် ရှိသည် -
ငါးလိပ်ကျောက်
Dasyatis americana bonaire.jpg
Southern stingray (Dasyatis americana)
သိပ္ပံနည်းကျ အမျိုးအစားခွဲခြင်း
လောက:Animalia
မျိုးပေါင်းစု:Chordata
မျိုးပေါင်း:Chondrichthyes
Subclass:Elasmobranchii
မျိုးစဉ်:Myliobatiformes
မျိုးရင်း:Dasyatidae
Genera

Dasyatis
Himantura
Pastinachus
Pteroplatytrygon
Taeniura
Urogymnus


ငါးလိပ်ကျောက်သည် ငါးမန်းနှင့်အတူ မျိုးစဉ်တစ်ခုတည်းဝင်ပင် ဖြစ်သော်လည်း ငါးမန်းနှင့်အသွင်ကွဲ၏။ ကိုယ်ရော ခေါင်းပါ ပြားရုံမက ရင်ဆူးတောင်များသည်လည်း ပြားပြီး ဘေးတဖက်တချက်သို့ ကားထွက်နေသည်။ ပုံသဏ္ဌာန်အားဖြင့် ငါးလိပ်ကျောက်သည် ကစားစရာ စွန် နှင့်သော်၎င်း၊ ယပ်တောင်နှင့် သော်၎င်း တူ၏။ အခြားငမန်းများနှင့် မတူသော ထူးခြားချက် မှာ ယင်း၌ ကျာပွတ်နှင့် တူသည့်အမြီးပါရှိခြင်း ဖြစ်သည်။ ယင်းကို လိပ်ကျောက်မြီးဟု ခေါ်သည်။ ကျောဆူးတောင်သည် အမြီးရင်းနား တွင်ရှိ၍ စအိုဆူးတောင် အလျှင်းမရှိချေ။ လိပ်ကျောက်မျိုးဝင် ဖြစ်သော လိပ်ကျောက်တံခွန်၏ အမြီး၌ ရန်သူပြင်းထန်စွာ အဆိပ်တက်အောင်ထိုးနိုင်သော လိပ်ကျောက်ဆူးရိုး တစ်ချောင်း ဖြစ်စေ၊ နှစ်ချောင်းဖြစ်စေ ပါရှိသည်။ ဆူးတချောင်းသာ ပါရှိလျှင်၊ တပင်တိုင်ဟု ခေါ်ပြီး၊ နှစ်ချောင်းပါလျှင် နှစ်ပင်တိုင်၊ သုံးချောင်းပါလျှင် သုံးပင်တိုင်ဟု ခေါ်သည်။ သုံးပင်တိုင်ပါသော ငါးလိပ်ကျောက်များသည် အဆိပ်အပြင်းထန်ဆုံး ဖြစ်သည်။ သုံးပင်တိုင်ဆူး စူးမိလျှင် အကြောများ သေသွားသည်အထိ ခံစားရတတ်သည်။[၁] လိပ်ကျောက်ဆူးကို မြန်မာတို့ ဆေးဖော်ရန် အသုံးပြုကြ၏။

လိပ်ကျောက်မျိုးတွင် လိပ်ကျောက်တံခွန်၊ လိပ်ကျောက်တင်မဲ၊ လိပ်ကျောက်နှာမောင်းတို၊ လိပ်ကျောက်ထမနဲ၊ လိပ်ကျောက်စွန်၊ လိပ်ကျောက်စွန်မောင်ရှင်၊ လိပ်ကျောက်စွန်မီးသောက်တို့ ပါဝင်ကြသည်။

ငါးလိပ်ကျောက်များသည် အသက်ပြင်းလှသောကြောင့်၊ စက်လှေပေါ် ရောက်သည့်တိုင် ချက်ချင်း သေဆုံးတတ်လေ့ မရှိဘဲ ကော့လန်၍ ရေလုပ်သားများကို ဆူးဖြင့် လိုက်လံ ထိုးနှက်တတ်သည်။[၂]

လျှပ်စစ်လိပ်ကျောက်ဟူသော လိပ်ကျောက်မျိုး၏ ထူးခြားချက်မှာ ရန်သူကိုသော်၎င်း၊ စားမည့် သားကောင်ကိုသော်၎င်း လျှပ်စစ်ဓာတ်လိုက်သွားအောင် ပြုနိုင်ခြင်းဖြစ်သည်။ လျှပ်စစ်လိပ်ကျောက်မှ လွှတ်သော လျှပ်စစ်ဓာတ်အားသည် လူတစ်ယောက်ကိုပင် သေစေနိုင်လောက်သည်။[၃]

  • ကိုးကား

ကိုးကား

  1. မြိတ်ရွှေစင် (၂၀၁၅-၂၀၁၆). ပင်လယ်ပြင်ခရီးလမ်းနှင့် ဖြစ်ရပ်ဆန်းများ ၂၀၁၅-၂၀၁၆. မြိတ်တက္ကသိုလ် နှစ်ပတ်လည်မဂ္ဂဇင်း, ၆၇. 
  2. မြိတ်ရွှေစင် (၂၀၁၅-၂၀၁၆). ပင်လယ်ပြင်ခရီးလမ်းနှင့် ဖြစ်ရပ်ဆန်းများ ၂၀၁၅-၂၀၁၆. မြိတ်တက္ကသိုလ် နှစ်ပတ်လည်မဂ္ဂဇင်း, ၆၇. 
  3. မြန်မာ့စွယ်စုံကျမ်း၊ အတွဲ(၃)
Other Languages
Afrikaans: Dasyatidae
беларуская: Хвастаколавыя
català: Dasiàtid
Cebuano: Dasyatidae
čeština: Trnuchovití
dansk: Pilrokke
Deutsch: Stechrochen
español: Dasyatidae
euskara: Bastanga
فارسی: پوماهی
français: Dasyatidae
עברית: טריגוניים
íslenska: Stingskötur
italiano: Dasyatidae
日本語: アカエイ科
한국어: 색가오리과
Bahasa Melayu: Ikan Pari
Nederlands: Pijlstaartroggen
Diné bizaad: Łóóʼ adishishí
polski: Ogończowate
português: Dasyatidae
română: Dasyatidae
српски / srpski: Жутуље
svenska: Spjutrockor
українська: Хвостоколові
Winaray: Dasyatidae
ייִדיש: סטינגרעי
中文: 魟科