Pausánias (geógrafo)

Pausánias (c. 115 - 180) fui un geógrafo i biajante griego, outor de la Çcriçon de la Grécia (an griego clássico: Periegesis Heillados), obra que presta un amportante cuntributo pa l coincimiento de la Grécia Antiga, grácias a las sues çcriçones de localidades de la Grécia central i de l Peloponeso.

Nun se sabe adonde Pausánias naciu. Julga-se que fui nua cidade acerca de l monte Sipilo, na Lídie (território atualmente pertencente a la Turquie). Antes de bejitar la Grécia, Pausánias biajou pula Ásia Menor, Síria, Palestina, Macedónia i por partes de la península Itálica.

Çcriçon de la Grécia

La Çcriçon de la Grécia, tamien coincida an pertués cumo Biaige a la Ruoda de la Grécia ó Itinerário de la Grécia ye cumpuosta por dieç libros. L'obra tenerie sido scrita antre 160 i 176, sendo dirigida al público de la Grécia Antiga. L cuntenido de l'obra baseia-se an ouserbaçones própias de l'outor i na coleta d'anformaçones persentes an obras d'outros outores. 


Other Languages
беларуская: Паўсаній (географ)
български: Павзаний
čeština: Pausaniás
Deutsch: Pausanias
Ελληνικά: Παυσανίας
eesti: Pausanias
հայերեն: Պավսանիաս
Bahasa Indonesia: Pausanias
Lëtzebuergesch: Pausanias (Geograph)
lietuvių: Pauzanijas
latviešu: Pausanijs
norsk nynorsk: Geografen Pausanias
română: Pausanias
srpskohrvatski / српскохрватски: Pauzanija (geograf)
Simple English: Pausanias (geographer)
slovenčina: Pausanias (geograf)
slovenščina: Pavzanias (geograf)
shqip: Pausania
українська: Павсаній