Antípatro de Sídon

Antípatro de Sídon fui un griego, que ye normalmente atribuído cumo l criador de la lista de las siete marabilhas de l Mundo Antigo. El era poeta i scritor.

Sue lista trataba d'eidificaçones eimensas, templos i sculturas çcomunales, pul tamanho, beleza, riqueza i percipalmente, pula magnitude de l'obra, mas era restrita la sou mundo coincido, ó seia, l mundo heilénico, l Médio Ouriente i l Norte de la África. Possiblemente biajou bastante, dedicando buona parte de sue bida nessas bejitando custruçones i coletando anformaçones. Assi se splica porque la Grande Muralha de la China nun antegrou sue relaçon. L qu'el cunsidrou séren las siete marabilhas de l mundo, cul nome i l respetibo anho de custruçon, éran la Pirámide de Quéops, ne l Eigito (~2600 la. C.) - la única que chegou até nuosso tiempo -, la Státua de Zeus, ne l Oulimpo (466-455 la. C.), l Templo de Diana (diusa tamien chamada de Ártemis ó Artemísia), na Turquie (~450-250 la. C.), l Colosso de Rodes, na antrada de l porto de Rodes, ne l Mar Eigeu, Grécia (287-274 la. C.) - i que yá nun eisistia an sou tiempo (la mais lendária de las siete marabilhas de l Mundo Antigo) -, l Mausoléu de Halicarnasso, na atual Bodrun, Turquie (353 i 350 la. C.), l Farol de Alexandria, na ilha de Faros, acerca de Alexandria, Eigito (~297 - 282 la. C.), i l Jardines Suspensos de la Babilónia, custruídos a las bordas de l Riu Eufrates, na cidade de Babilónia, situada ne l sul de la Mesopotámia (600 la. C.).

D'acuordo cun anformaçones qu'até hoije nun fúrun cunfirmadas, ls Jardines Suspensos de la Babilónia tenerien sido custruídos subre l palácio de Nabucodonosor II (que ls mandara custruir), Rei de l Segundo Ampério Babilónico (ó Ampério Neo-babilónico), famoso pula cunquista de l Reino de Judá, pula çtruiçon de Jarusalen i sou templo an 587 a.C. i por tener mandado custruir outras eidificaçones amponentes.

Alguns de sous poemas figuran na Antologie Palatina, cumo l segundo de l libro BII, an que cunsagra l'ilha de Ios cumo tierra adonde Homero morrera.

Other Languages