Марк Жексон

Марк Жексон (англ. Mark A. Jackson, 1965 оны дөрөвдүгээр сарын 1-нд Нью-Йорк мужийн Бруклин хотод төрсөн) — Америкийн зодог тайлсан мэргэжлийн сагсан бөмбөгчин юм.

Товчхон

Марк Жексон 1987 онд драфтын №18-аар Нью-Йорк Никс багт сонгогдсоноос хойш Лос-Анжелес Клипперс, Индиана Пэйсерс, Денвер Наггетс, Торонто Рэпторс, Юта Жаз болон Хьюстон Рокетс багуудад тоглож байлаа. Тэрээр зодог тайлсанаасаа хойш спортын ESPN болон ABC зэрэг томоохон телевизүүдэд Жефф Ван Ганди, Майк Брин нартай хамт тоймчоор ажилласан. Улмаар 2011-2014 онд Голден Стэйт Уорриорз багийн дасгалжуулагчаар ажиллаж байлаа.

Марк дуучин Дезире Коулмантай 1990 онд ханилж, дөрвөн хүүхдийн эцэг болжээ.