ബൈസിക്കിൾ തീവ്‌സ്

ബൈസിക്കിൾ തീവ്‌സ്
ഇറ്റാലിയൻ പോസ്റ്റർ
സംവിധാനംവിറ്റോറിയോ ഡി സിക്ക
നിർമ്മാണംഗിയുസെപ്പേ അമാറ്റോ
രചനScreenplay:
വിറ്റോറിയോ ഡി സിക്ക
സെസാരെ സവറ്റിനി
സുസോ സേച്ചി ദ്‌അമികോ
ഗെരാഡോ ഗ്യുറീയേറി
ഒരെസ്റ്റേ ബിയാകോളി
അഡോൾഫോ ഫ്രാൻസി
Story:
ല്യൂഗി ബാർട്ടോലിനി
അഭിനേതാക്കൾലാമ്പർട്ടോ മാഗ്ഗിയോറനി
എൻസോ സ്റ്റായിയോള
ലിയനെല്ലാ കാരെൽ
വിറ്റോറിയോ ആന്റോനുസ്സി
സംഗീതംഅലേസ്സാണ്ട്രോ ഗിക്കോഗിനി
ഛായാഗ്രഹണംകാർലോ മോൺട്യുയോറി
ചിത്രസംയോജനംഎറാൾഡോ ഡാ റോമ
വിതരണംഇറ്റലി:
Ente Nazionale Industrie Cinematografiche
യു.എസ്. എ.:
Arthur Mayer
Joseph Burstyn
റിലീസിങ് തീയതിനവംബർ 24, 1948
(ഇറ്റലി)
ഡിസംബർ 12, 1949
(യു.എസ്. എ.)
സമയദൈർഘ്യം93 മിനിറ്റ്
രാജ്യംഇറ്റലി
ഭാഷഇറ്റാലിയൻ
ബജറ്റ്$133,000

വിറ്റോറിയോ ഡി സിക്ക 1948-ൽ സം‌വിധാനം ചെയ്ത ഇറ്റാലിയൻ നവറിയലിസ്റ്റിക് ചലച്ചിത്രമാണ്‌. ലാദ്രി ഡി ബൈസിക്ലെറ്റേ (Ladri di biciclette) (ഇംഗ്ലീഷിൽ ദ ബൈസിക്കിൾ തീഫ് അല്ലെങ്കിൽ ബൈസിക്കിൾ തീവ്‌സ് എന്ന പേരിൽ ഇറങ്ങി). ആ പ്രസ്ഥാനത്തിന്റെ വിജയ വൈജയന്തിയായി കൊണ്ടാടപ്പെടുന്ന സിനിമ. തന്റെ ജോലി ആവശ്യത്തിനുപയോഗിക്കുന്ന കളവു പോയ ഒരു സൈക്കിളിനു വേണ്ടി റോമിന്റെ തെരുവോരങ്ങളിൽ തിരയുന്ന ഒരു ദരിദ്രമനുഷ്യന്റെ കഥയാണ്‌ ഈ ചിത്രത്തിൽ ആവിഷ്കരിക്കപ്പെടുന്നത്. ല്യൂഗി ബാർട്ടോലിനി ഇതേ പേരിൽ എഴുതിയ ഒരു നോവലിന്റെ ചലച്ചിത്രാവിഷ്കാരമാണ്‌ ഈ ചലച്ചിത്രം. ലാമ്പർട്ടോ മാഗ്ഗിയോറനി അച്ഛനായും എൻസോ സ്റ്റായിയോള മകനായും ഈ ചിത്രത്തിൽ അഭിനയിക്കുന്നു.

നിരൂപകരുടെയും , സം‌വിധായകരുടെയും ശ്രദ്ധ വളരെയധികം ഈ ചിത്രം പിടിച്ചു പറ്റി. 1949-ൽ അക്കാദമി ഹോണററി പുരസ്കാരം ഈ ചിത്രത്തിനു ലഭിച്ചു. 1952-ൽ സൈറ്റ് & സൗണ്ട്സ് എന്ന മാസിക ചലച്ചിത്ര നിർമ്മാതാക്കളുടെയും,നിരൂപകരുടെയും ഇടയിൽ നടത്തിയ അഭിപ്രായവോട്ടെടുപ്പിലൂടെ എക്കാലത്തെയും മികച്ച ചിത്രമായി ഈ ചലച്ചിത്രം തിരഞ്ഞെടുക്കപ്പെട്ടു.[1] പിന്നീട് 2002-ൽ ചലച്ചിത്ര പ്രവർത്തകരുടെ ഇടയിൽ നടത്തിയ മറ്റൊരു അഭിപ്രായ വോട്ടെടുപ്പിൽ എക്കാലത്തെയും മികച്ച ചിത്രങ്ങളിൽ ആറാമത്തേതായി ഈ ചലച്ചിത്രം തിരഞ്ഞെടുക്കപ്പെട്ടു.

വിശദാംശങ്ങളിൽ പോലും പ്രകടമാകുന്ന ജീവിതാവബോധം, ഉള്ളുരുക്കുന്ന നൊമ്പരങ്ങൾക്കിടയിലും സ്വയമരിയാതെ ചിരി വിടർത്തുന്ന നർമ ബോധം, വാക്കിലോ പ്രവൃത്തിയിലോ പ്രതികരണങ്ങളിലൊ കൃത്രിമത്വത്തിന്റെ ലാഞ്ചന പോലുമില്ലാത്ത യഥാർത്ഥ മനുഷ്യരുടെ ചിത്രീകരണം, അഭിനയമെന്നു പേർ ചൊല്ലി വിളിക്കാൻ മടി തോന്നും വിധം യഥാതഥമായ അഭിനയം ഇങ്ങനെ ഒട്ടേറെ സവിശേഷതകൾ ഉള്ള സിനിമയാണു ബൈസിക്കിൾ തീവ്‌സ്‌. ഇച്ചിത്രത്തിന്റെ ആകർഷണരഹസ്യങ്ങളിൽ ഏറ്റവും പ്രധാനം അതുൾകൊള്ളുന്ന പ്രമേയം തന്നെയാണു. സാധാരണക്കാരന്റെ പ്രത്യാശകളും നൊമ്പരങ്ങളും സമൂഹവും വിധിയും ഒരൊത്തുകളിയിലെന്ന പോലെ അവനെ പരാജയപ്പെടുത്താൻ നടത്തുന്ന ശ്രമങ്ങളും നാമിവിടെ കാണുന്നു.

Other Languages
čeština: Zloději kol
dansk: Cykeltyven
Deutsch: Fahrraddiebe
Bahasa Indonesia: Pencuri Sepeda
Lëtzebuergesch: Ladri di biciclette
Bahasa Melayu: Filem Bicycle Thieves
srpskohrvatski / српскохрватски: Kradljivci bicikla
svenska: Cykeltjuven