ഫ്രെഡെറിക് ബാന്റിങ്ങ്

Sir Frederick Grant Banting
KBE MC FRS FRSC
ജനനം Frederick Grant Banting
1891 നവംബർ 14(1891-11-14)
Alliston, Ontario, Canada
മരണം 1941 ഫെബ്രുവരി 21(1941-02-21) (പ്രായം 49)
Near Musgrave Harbour, Dominion of Newfoundland
ദേശീയത Canadian
ബിരുദം University of Toronto
അറിയപ്പെടുന്നത് Co-discoverer of insulin
പ്രധാന പുരസ്കാരങ്ങൾ Nobel Prize in Physiology or Medicine (1923)
Flavelle Medal (1931)
ജീവിത പങ്കാളി Henrietta Ball (1912-1976)
ഒപ്പ്

ഫ്രെഡെറിക് ബാന്റിങ്ങ് (November 14, 1891 – February 21, 1941) കാനഡക്കാരനായ മെഡിക്കൽ ശാസ്ത്രജ്ഞനും ശരീരശാസ്ത്രവിദഗ്ദ്ധനും ച്ത്രകാരനും നോബൽ സമ്മാന ജേതാവും ആകുന്നു. അദ്ദേഹമാണ് ആദ്യമായി ഇൻസുലിൻ മനുഷ്യനിൽ ഉപയോഗിച്ചത്.

1923ൽ ആയിരുന്നു ബാന്റിങ്ങ് ജോൺ ജെയിംസ് റിക്കാർൺ മക്ലിയോഡുമായി ചേർന്ന് നോബൽ സമ്മാനം കരസ്തമാക്കിയത്. ബാന്റിങ്ങ് തന്റെ സമ്മാനത്തുക തന്റെ സഹപ്രവർത്തകൻ ചാൾസ് ബെസ്റ്റുമായി പങ്കുവച്ചു. വൈദ്യശാസ്ത്തിൽ നോബൽസമ്മാനം ലഭിക്കുന്ന ഏറ്റവും പ്രായം കുറഞ്ഞ ആളായിരുന്നു അദ്ദേഹം. 32 വയസ്സിലാണദ്ദേഹത്തിനു നോബൽ സമ്മാനം ലഭിച്ചത്. 2004ൽ ഏറ്റവും മഹാനായ കനേഡിയാക്കാരനായി അദ്ദേഹത്തെ തിരഞ്ഞെടുത്തു,

മുൻകാലജീവിതം

ഫ്രെഡെറിക് ബാന്റിങ്ങ് ഒണ്ടേറിയോയിലെ അലിസ്റ്റണിൽ വില്ല്യം തോമ്പ്സൺ ബാന്റിങ്ങിന്റെയും മാർഗരെറ്റ് ഗ്രാന്റിന്റെയും മകനായി 1891 നവംബർ 14നാണു ജനിച്ചത്. തന്റെ സ്കൂൾ ജീവിതത്തിനു ശേഷം ടൊറോൺടോ സർവകലാശാലയ്ക്കു കീഴിലുള്ള വിക്ടോറിയ കോളജിൽ ജനറൽ ആർട്സ് പ്രോഗ്രാമിനു ചേർന്നു. ആദ്യവർഷം തന്നെ അതിനു പരാജയപ്പെട്ടതിനാൽ അദ്ദേഹം വൈദ്യശാസ്ത്രബിരുദത്തിനു ചേരാൻ അപേക്ഷ നൽകുകയും അത് അനുവദിക്കുകയും ചെയ്തു. 1913ൽ അദ്ദേഹം തന്റെ വൈദ്യശാസ്തപഠനം തൂടങ്ങി. 1914ൽ കരസേനയിൽ ചേരാൻ രണ്ടുപ്രാവശ്യൻ ശ്രമിച്ചെങ്കിലും തന്റെ കാഴച്ചശക്തിയുടെ കുറവുമൂലം അതിൽ പരാജയപ്പെട്ടു. പക്ഷെ, 1915ൽ അദ്ദേഹത്തിനു കരസേനയിൽ ചേരാനായി. യുദ്ധസമയമായതിനാൽ സൈന്യത്തിൽ കൂടുതൽ ഡോക്ടർമാരെ ആവശ്യമായതിനാൽ ആ വർഷം ക്ലാസ്സുകൾ വളരെവേഗം നടത്തിയതിന്റെ ഫലമായി അടുത്തവർഷം തന്നെ ബിരുദം നേടാൻ സാധിച്ചു. ആ വർഷം (1916) ഡിസംബറിൽ തന്നെ സൈന്യത്തിൽ അദ്ദേഹത്തിനു റിപ്പോർട്ടു ചെയ്യാൻ കഴിഞ്ഞു. 1918ൽ കാംബ്രൈ യുദ്ധത്തിൽ അദ്ദേഹത്തിനു മുറിവേൽക്കുകയും അതു വകവൈക്കാതെ അടുത്ത 16 മണിക്കൂറോളം മറ്റൊരു ഡോക്ടർ നിർത്താൻ ആവശ്യപ്പെടും വരെ മറ്റുള്ളവരെ ശുശ്രൂഷിക്കുകയും ചെയ്തു. തന്റെ ധീരതയ്ക്ക് 1918ൽ അദ്ദേഹത്തിന് മിലിട്ടറി ക്രോസ്സ് ലഭിക്കുകയും ചെയ്തു.

ബാന്റിങ്ങ് തന്റെ സൈനികസേവനശേഷം കാനഡയിലേയ്ക്കു മടങ്ങിവരികയും ടൊറൊണ്ടോയിൽ ചെന്ന് തന്റെ ശസ്ത്രക്രിയയിലുള്ള പരിശീലനം പൂർത്തിയാക്കുകയും ചെയ്തു.

Other Languages
Bahasa Indonesia: Frederick Grant Banting
Lëtzebuergesch: Frederick Banting
Nederlands: Frederick Banting
português: Frederick Banting
Simple English: Frederick Banting
српски / srpski: Фредерик Бантинг
українська: Фредерік Бантинг
oʻzbekcha/ўзбекча: Banting Frederik Grant
Tiếng Việt: Frederick Banting