ഏഷ്യയിലെ ഭക്ഷണവിഭവങ്ങൾ

ഏഷ്യയിലെ പ്രധാന മേഖലകളായ തെക്കുകിഴക്കേ ഏഷ്യ, ദക്ഷിണേഷ്യ, മദ്ധ്യേഷ്യ, മദ്ധ്യപൂർവ്വേഷ്യ, പൂർവ്വേഷ്യ, പശ്ചിമേഷ്യ എന്നിവടങ്ങളിലെ ഭക്ഷണവിഭവങ്ങളെയാണ് പൊതുവിൽ ഏഷ്യയിലെ ഭക്ഷണവിഭവങ്ങൾ എന്നതുകൊണ്ട്‌ ഉദ്ദേശിക്കുന്നത്. അതതു പ്രദേശത്തെ സാംസ്കാരിക തനിമയും പാരമ്പര്യങ്ങളും ഉൾക്കൊള്ളുന്നതായിരിക്കും ഓരോ പ്രദേശത്തെയും ഭക്ഷണവിഭവങ്ങൾ. ജനസംഖ്യയിലും സംസ്കാരവൈവിധ്യത്തിലും മുൻപന്തിയിൽ നിൽക്കുന്ന ഏഷ്യയിൽ അതുകൊണ്ടുതന്നെ ഭക്ഷണവിഭവങ്ങളിലും വൈവിധ്യമുണ്ട്.[1]

ഭക്ഷ്യവസ്തുക്കളുടെ ഉപയോഗത്തിന്റെ കാര്യത്തിൽ തെക്കുകിഴക്കേ ഏഷ്യയിലും പൂർവ്വേഷ്യയിലും പൊതുവായ പ്രത്യേകതകൾ കാണാം. അരി, ഇഞ്ചി, വെളുത്തുള്ളി, എള്ള്, ഉള്ളി, സോയാബീൻ, പനീർ എന്നിവ അവയിൽ ചിലതാണ്. ആവിയിൽ വേവിക്കുക, വറുത്തെടുക്കുക, തീയിൽ പൊരിക്കുക എന്നിങ്ങനെയാണ് പാചകരീതികൾ.

എല്ലാ ഏഷ്യൻ മേഖലകളിലും പൊതുവായി ഉപയോഗിക്കപ്പെടുന്ന ഭക്ഷ്യ ധാന്യമാണ്‌ അരി. ഉപഭൂഖണ്ഡത്തിൽ ബസുമതി അരിക്കാണ് പ്രചാരം. എന്നാൽ തെക്കുകിഴക്കേ ഏഷ്യയിൽ ജാസ്മിൻ അരിക്കാണ് പ്രചാരം. ചൈനയിൽ നീളമുള്ള അരിക്കും ജപ്പാനിലും കൊറിയയിലും നീളം കുറഞ്ഞ അരിക്കുമാണ് പ്രചാരമുള്ളത്.[2]

പശ്ചിമേഷ്യ, തെക്കുകിഴക്കേ ഏഷ്യ, ദക്ഷിണേഷ്യ എന്നീ മേഖലകളിൽ ഭക്ഷണവിഭവങ്ങളിലെ ഒരു പ്രധാന ഇനമാണ് കറി. എന്നാൽ പൂർവ്വേഷ്യയിൽ കറി അത്ര പ്രച്ചരത്തിലല്ല. നാളികേരം, തൈര് എന്നിവയാണ് കറിയുണ്ടാകാൻ പൊതുവേ ഉപയോഗിക്കുന്നത്.

Other Languages
العربية: مطبخ آسيا
беларуская: Азіяцкая кухня
български: Азиатска кухня
English: Asian cuisine
Esperanto: Azia kuirarto
Bahasa Indonesia: Hidangan Asia
italiano: Cucina asiatica
Bahasa Melayu: Masakan Asia
Nederlands: Aziatische keuken
Türkçe: Asya mutfağı
українська: Азійська кухня