Франческо Ајец

Франческо Ајец
Francesco Hayez
Autoritratto a 88 anni by Francesco Hayez - Venice.jpg
Автопортрет на возраст од 88 години
Роден(а)10 февруари 1791(1791-02-10)
Венеција
Починал(а)21 декември 1881(1881-12-21) (воз. 90 г.)
Милано
НационалностИталијанец
Познат(а) посликарство
Правецромантизам

Франческо Ајец (италијански: Francesco Hayez; 10 февруари 179121 декември 1881) — италијански сликар од периодот на романтизмот, познат по своите велелепни историски дела, политички алегории и исклучителни портрети.

Живот

Ајец е роден во Венеција како најмладиот од петте сина на релативно сиромашно семејство. Татко му бил со француско потекло, а мајка му била од Мурано. Малиот Франческо израснал кај тетка си од мајчина страна, омажена за богат бродопоседник и колекционер. Уште од мали нозе покажал дарба за цртање, па тетин му го испратил да го учи занаетот кај реставратор на слики. Подоцна, Ајец продолжува да го учи сликарството кај уметникот Франческо Маџото во текот на три години. Во 1806 г. се запишува на Новата ликовна академија и учи кај професорот Теодоро Матеини. Во 1809 г. го освојува конкурсот на венецијанската Ликовна академија за едногодишни студии на познатата академија „Св. Лука“ во Рим. Останал во градот сè до 1814 г., па се преселил во Неапол, каде добил значајна нарачка од кралот Жоашен Мира да наслика историско дело на тема „Улис на дворот на Алкиној“. Кон средината на 1830-тите го посетувал салонот „Салото Мафеј“ на Клара Мафеј во Милано (која ја насликал на портрет) и таму, во 1850 г. е назначен за директор на академијата „Брера“.

Ајец живеел долго и уживал плодно творештво. Сликите имаат историско-митолошка тематика во неокласичен[1], а потоа романтистички стил. Претставените ликови и настани се преземени од Библијата или класичната антика, понекогаш со родољубив карактер.

„Бакнеж“ (1859)
Other Languages
azərbaycanca: Françesko Hayez
български: Франческо Айец
brezhoneg: Francesco Hayez
čeština: Francesco Hayez
español: Francesco Hayez
Esperanto: Francesco Hayez
français: Francesco Hayez
hrvatski: Francesco Hayez
íslenska: Francesco Hayez
italiano: Francesco Hayez
lietuvių: Francesco Hayez
lumbaart: Francesco Hayez
Nederlands: Francesco Hayez
português: Francesco Hayez
română: Francesco Hayez
Simple English: Francesco Hayez
српски / srpski: Франческо Ајез
srpskohrvatski / српскохрватски: Francesco Hayez
Türkçe: Francesco Hayez