Список на повикувачки броеви на земјите

Ова е список на повикувачките броеви на земјите од светот, како што се дефинирани според ITU-T, препорака E.164.

Пристап до меѓународен телефонски сообраќај

Симболот „+“ пред кодот на државата го симболизира меѓународниот префикс кој е потребно да се избере за да се оствари меѓународен повик.

Кај одредени мобилни телефони можно е директно да се внесе симболот „+“ со притискање на копчето „+“ или пак со продолжено притискање на „0“ пред да се избере кодот на државата и претплатничкиот телефонски број на повиканиот. Кај фиксните телефони вообичаено ова не е можно и потребно е прво да се избере меѓународниот префикс.

Овој меѓународен префикс се разликува во одредени земји и мрежи. Во повеќето земји (и во Македонија) се користи префиксот „00“ кој е препорачан од Меѓународната унија за телекомуникации (ITU). На пример, за да се повика претплатник во Шведска (чиј код на држава е 46) од Македонија, потребно е да се избере број „0046ХХХХХХХХ“.

Во САД и Канада како меѓународен префикс се користи „011“, а во Русија и некои земји од поранешниот СССР вообичаено се користи „90“.


Other Languages
беларуская (тарашкевіца)‎: Сьпіс тэлефонных кодаў краін
kaszëbsczi: Telefónowi kòd
srpskohrvatski / српскохрватски: Popis pozivnih brojeva država