Dewan Kaamanan Pasarikatan Banso-Banso

Ruang basidang Dewan Kaamanan

Dewan Kaamanan Pasarikatan Banso-Banso (bahaso Inggirih: United Nations Security Council) adolah salah satu organ utamo Pasarikatan Banso-Banso nan batangguangjawab untuak manjago kaamanan jo kadamaian internasional, sarato manarimo anggota baru Pasarikatan jo manyatujui parubahan pado Piagam Pasarikatan Banso-Banso. Kuasonyo tamasuaklah manjalanan operasi panjago perdamaian, pangadoan sanksi internasional, jo otorisasi parang atau tindakan militer lain lewat Resolusi Dewan Kaamanan Pasarikatan Banso-Banso; dewan ko adolah satu-satunya badan PBB nan punyo kuaso maikek taadok saluruah anggota Pasarikatan. Dewan ko partamo kali basidang pado 17 Januari 1946.

Cando PBB, Dewan Kaamanan didirikan sausai Parang Dunia Kaduo untuak manggantikan organisasi lain, Liga Banso-Banso, nan dianggap gagal dalam manjago perdamaian dunia. Kutiko awal-awal tagak, badan ko banyak tapngaruah dek perpecahan Parang Dingin antaro Amerika Sarikat jo Uni Soviet dan sakutu-sakutunyo, walaupun masih dapek mamarintahan intervensi di Parang Korea jo Krisis Kongo sarato operasi panjago perdamaian kutiko pacah krisis di Tarusan Suez, Siprus, jo Papua Barat. Sasudah jatuahnyo Soviet, operasi panjago pardamaian PBB batambah banyak dan bapangaruah, sainggo Dewan ko dapek mamarintahan misi panjago perdamaian nan intensif di Kuwait, Namibia, Kamboja, Bosnia, Rwanda, Somalia, Sudan, jo Republik Demokratik Kongo.

Dewan Kaamanan terdiri ateh limo baleh anggota. Kuaso alam nan mamanangan Parang Dunia Kaduo: Rusia, Inggirih, Parancih, Cino, jo Amerika Sarikat, adolah anggota-anggota tetap. Anggota-anggota tetap ko bisa mamveto sadoalah resolusi, tamasuak panarimoan anggota baru atau calon Sekretaris Jenderal. Dewan ko juo punyo 10 anggota nan indak tetap, dipiliah tiok wilayah salamo duo tahun. Kapamimpinan Dewan Kaamanan digilia tiok bulan antaro anggota-anggotanya.

Resolusi-resolusi Dewan Kaamanan biasonyo ditagakkan dek Panjago Pardamaian Pasarikatan Banso-Banso, pasukan militer sukarelawan nan disadioan dek anggota-anggotanya dan dibiayai dek anggaran utamo PBB. Pado 2013, 116,837 panjago pardamaian jo personil lain sadang ditugaskan di 15 misi di saluruah dunia.

Other Languages
беларуская: Савет Бяспекі ААН
беларуская (тарашкевіца)‎: Рада Бясьпекі ААН
føroyskt: Trygdarráð ST
مازِرونی: امنیت شورا
norsk nynorsk: Tryggingsrådet i SN
پنجابی: بچاؤ پریہا
srpskohrvatski / српскохрватски: Savet bezbednosti Ujedinjenih nacija
slovenščina: Varnostni svet ZN
татарча/tatarça: БМО Иминлек Шурасы
українська: Рада Безпеки ООН
Bân-lâm-gú: An-chôan Lí-sū-hōe