Isam-ponina

Ny fiitatry ny isam-ponina eny amin'ny firenena mandroso sy ny eny amin'ny firenena ambany fandrosoana

Ny isam-ponina dia ny fitambaran'ny isan'ny olona

  • Miaina ao amin'ny faritany iray (tanàna, faritany, firenena, kaontinenta, tontolo).
  • Mahazo alalana ofisialy miaina eo amin'ny faritany iray.

Ny olana mahakasika ny isam-ponina dia dinihan'ny demografia na siansa mahakasika ny mponina. Dinihana amin'ny sôsiôlojia, amin'ny ekonomia ary amin'ny jeografia ny fihetsiky ny olombelona. Matetika ampiasaina amin'ny marketing ny data demografika.

Tamin'ny 2006, ny fiitatry ny isam-ponina erak'izao tontolo izao dia 1,14% monja.

Isam-ponina erak'izao tontolo izao

Araka ny kaontinenta

Fizarazaran'ny isam-ponina erak'izao tontolo izao
Kaontinenta Isam-ponina Isan-jaton'ny
isam-ponina
Azia 4 030 000 000 60,5 %
Afrika 965 000 000 14,0 %
Eoropa 731 000 000 11,3 %
Amerika latina sy Karaiba 572 000 000 8,6 %
Amerika avaratra 339 000 000 5,1 %
Oseania 34 000 000 0,5 %

18,3%n'ny isam-ponina eto an-tany no mipetraka eny amin'ny firenena mandroso, ary 81,7% mipetraka eny amin'ny faritany ambany fandrosoana.

Fivoaran'ny isam-ponina araky ny fandrosoan'ny taona

Ny isam-ponina teto an-tany tamin'ny 1800 hatramin'ny faminavinana ho an'ny taona 2100.

Vinavinaina ihany ny habetsaky ny olona eto an-tany. Ho an'ny isam-ponina talohan'ny taonjato faha 19, vinavinaina ny hakitroky ny mponina amin'ny alàlan'ny taham-pamokaran'ny tany volena.

Tanaty lahatsoratra iray tamin'ny 1995 (nohavaozina tamin'ny 2002), ny demografita Carl Haud avy amin'ny Biraom-panisan'i Etazonia, dia naminavina fa 106 miliara ny isan'ny olona niaina teto an-tany.

Ny faminavinana ny isam-ponina araka ny fandrosoan'ny taona dia mifototra amin'ny sentezy navoakan'nny Biraom-panisan'i Etazonia ho an'ny fe-potoanna manomboka amin'ny taona -10000 hatramin'ny taona 1940. Ny fandalinan'i Gregory Cochran mahakasikan'ny ADN ara-mitokondria dia ahafahana maminavina ny isam-ponina amin'ny taona mbola talohan'ny taona -10000.

Rehefa dinihana akaikyu ny isam-ponina, dia hita fa ambany ny fiitany, nandritry ny taonarivo maro dia maro. Tamin'ny fotoana maoderina ny isam-ponina no nanomboka niitatra : 650 tapitrisa tamin'ny 1750, lasa 1,2 miliara izy zato taona taoriana, ary 2,5 tapitrisa tamin'ny 1950.

Tratra tamin'ny volana Oktobra tamin'ny 1999 ny enina tapitrisa mponina.

Tantara

Noho ny voina lehibe nitranga (jereo ny voin'i Toba) tamin'ny taona faha 7 alina talohan'i Jesoa Kristy, nihavitsy ny isam-ponina teto an-tany. Taorian'io voina io hatramin'ny fanabeazana ny fambolena, vinavinaina eo amin'ny iraika tapitrisa eo ho eo ny isan'ny mponina miaina erak'izao tontolo izao. Ireo olona ireo talohan'ny fanabeazana ny fambolena, dia mitady sakafo amin'ny alàlan'ny fihazanana, ary ny fihotiana. Rehefa kely ny hakitroky ny mponina, dia mbola mahafeno ny kibo ny fihotiana sy ny fihazanana. Nitombo ny isam-ponina nandritry ny taonarivo faha 7 TJK hatramin'ny taonjato faha 4 : 55 tapitrisa tany ho any ny isam-ponina ao amin'ny Empira Romana. Taorian'ny fanonganana ny Empira Romana tamin'ny taonjato faha dimy, mijanona ny fitomboan'ny isam-ponina. Noho ny aretina tononina hoe pestan'i Jostiniana tamin'ny 540, nihidina ny isam-ponina tao amin'ny Empira Romana Atsinanana (Empira Bizantina). Io pestan'i Jostinina io dia pesta nahavono olona indrindra tao Eoropa alohan'ny Pesta mainty valonjato taona taty aoriana.

Other Languages
azərbaycanca: Dünya əhalisi
Esperanto: Monda loĝantaro
Bahasa Indonesia: Penduduk#Penduduk dunia
日本語: 世界人口
한국어: 세계 인구
македонски: Светско население
മലയാളം: ലോകജനസംഖ്യ
မြန်မာဘာသာ: ကမ္ဘာ့လူဦးရေ
Nederlands: Wereldbevolking
srpskohrvatski / српскохрватски: Svjetsko stanovništvo
Simple English: World population
Soomaaliga: Bulshada aduunka
ślůnski: Wjelość ludźi
Türkçe: Dünya nüfusu
українська: Населення Землі
Tiếng Việt: Dân số thế giới
中文: 世界人口
粵語: 世界人口