Trip hop

Lombard Occidental Quel articul chì l'è scrivüü in Lumbard ucidental, cun l'urtugrafia ünificada.


El Tricky a un cuncert

El Trip Hop a l'è un gener de müsega eletroniga cugnussüü anca 'me el Sun de Bristol o Bristol Acid Rap perchè a l'è nassüü propi in quela cità inglesa là in de la metà di agn '90. La definiziun trip hop la ghe piaseva però minga ai prim artista del gener.
El Trip Hop el vegn del hip-hop (ma l'è un hip-hop che'l va propi adasi), del dub e del reggae, e anca alter gener de müsega eletroniga, rock (un quaj element de rock psichedelich) e jazz.
I canzun trip-hop a hinn cantaa o rapaa (cantaa cume i rapper) ma in manera adasi, anca sot-vus. La müsega a l'è de solit scüra, inquietanta, decadenta. De spess, i grüp dupren campiun de canzun vegg, magara de jazz o de film. Se dupren anca arch, istrüment a fiaa, utun e taster (suratüt Rhodes).
I prim müsicista del muiment trip hop eren i Massive Attack, el Tricky e i Portishead. Impurtant a l'è staa anca el DJ Tim Simenon, cugnussüü anca 'me Bomb the Bass. Dopu de 'sti chì hann scuminciaa a sunaa el Trip Hop anca gent che l'era minga de Bristol ma che sentiven l'istessa sensibilità: i Archive de Lundra, el prim disch eletronich di Goldfrapp e, fö del Regn Ünì, el cumpusidur australian Rob Dougan e l'american DJ Shadow. Anca la Bjork e i nurveges Ulver hann faa sperimentaziun trip hop.

  • artista principaj

Artista principaj

  • Björk (Principalment per Post e Homogenic)
  • Hooverphonic
  • Lamb
  • Massive Attack
  • Moloko
  • Morcheeba
  • Portishead
  • Thievery Corporation
  • Tricky
Other Languages
беларуская (тарашкевіца)‎: Трып-гоп
български: Трип-хоп
català: Trip hop
čeština: Trip hop
dansk: Trip hop
Deutsch: Trip-Hop
Ελληνικά: Τριπ χοπ
English: Trip hop
español: Trip hop
فارسی: تریپ هاپ
suomi: Trip hop
français: Trip hop
עברית: טריפ הופ
hrvatski: Trip hop
Հայերեն: Թրիփ֊հոփ
íslenska: Trip hop
italiano: Trip hop
ქართული: ტრიპ-ჰოპი
한국어: 트립합
Lëtzebuergesch: Trip-Hop
lietuvių: Trip-hop
latviešu: Triphops
Nederlands: Triphop
norsk: Trip hop
polski: Trip hop
português: Trip hop
русский: Трип-хоп
sicilianu: Trip Hop
Scots: Trip hop
Simple English: Trip hop
slovenčina: Trip-hop
slovenščina: Trip hop
српски / srpski: Трип хоп
svenska: Triphop
Türkçe: Trip hop
українська: Тріп-хоп
中文: 神遊舞曲