Gidsfossiel

Dit artikel is gesjreve in 't Sint-Joasters. 't Weurt gewaardeerd óm in dit artikel 't Sint-Joasters aan te hauwe of aan te gaeve welk anger dialek gebroek is.


E gidsfossiel is e fossiel det kan waere gebroeke veur 'n steinlaog te datere. 't Gebroek van gidsfossiele is gegrundj op de aannaam det versjillige steinlaoge die dezelvendje fossiele bevatte in dezelvendje periood aafgezatte zint gewaore. E good gidsfossiel is mekkelik te identificere en aafkumstig van 'n deersaort of plantjesaorte die 'n groeate verspreijing kós gedoerendje 'n kórte periood. Wie kórter 'n bestumdje saort laefdje, wie próntjer 'n steinlaog kan waere gedateerdj.

Veur 't Cambrium zint trilobiete de wichtigste gidsfossiele; veur 't Ordovicium en 't Siluur waere ouch graptoliete gebroeke en veur de periood van 't Devoan toet 't Kriet döks ammoniete.

Other Languages