Espania
English: Spain

Rena de Espania
Reino de España
Flag of Spain.svgEscudo de España (mazonado).svg
EU-Spain.svg
Informa jeneral
Capital:Madrid
Lingua ofisial:Espaniol, catalan. euscara,
galego, ositan, aragones,
asturian
Dirije
Governa:Monarcia parlamental
- Xef de stato:Felipe 6
- Xef de governa:Pedro Sánchez
Otras
Area:505,990 km²
Popla:46,815,916
Densia:92
PIB:$1.566 triliones
Mone:euro
Zona de ora:UTC+1
Numero de telefon:+34
Interede:.es
Spain-Location-Map(2013)-UNOCHA-no-logo.png

Espania (España en espaniol), ance nomida Rena de Espania, (Reino de España) es un pais autonom e membro de la Uni European, constituida en un stato sosial e democrata de cual sua forma de governa es la monarcia parlamental. Sua teritorio es organizada en des-sete comunias autonom e du sites autonom, en ajunta a sincodes provinses. Sua capital es la site Madrid.

Esta pais es situada en Europa Ueste e en Africa Norde. En Europa lo ocupa la plu de la penisola iberian (conoseda como Espania penisolal) e la arcipelago de la isolas Baleare (en la Mar Mediteraneo ueste); en Africa es la sites Ceuta e Melilla, la isolas Canario (en la Mar Atlantica norde-este), la Isolas Txafarina (Mar Mediteraneo), la Roca de Vélez de Gomera (Mar Mediteraneo), la Isolas Alhucema (golfo de la Isolas Alhucema) e la Isola de Alboran (Mar de Alboran). La munisipa de Llivia en la Pirineos constitui un enclave ensircada par Frans. Un serie de isolas e isoletas completi la colie a lado de la costas penisolal.

La area es sirca 504 782 cilometres cuadrida, e la pais es la numero cuatro de la plu grandes de la continente, pos Rusia, Ucraina e Frans. Con un altia media de 650 metres, lo es un de la paises la plu montaniosa de Europa. La cuantia de abitores, en la anio 2015, ia es sirca 46 439 864 persones. La teritorio penisolal ave fronteras con Frans e Andora en la norde, con Portugal en la ueste e con Jibraltar en la sude. En sua teritorios african Espania ave fronteras con Maroco. Lo divide con Frans la domina de la isola de la Fasianes en la boca de la rio Bidasoa.

Seguente la constitui espaniol, castelian o espaniol es la lingua ofisial de la stato, e tota la espanioles ave la debe de conose lo e la direto de usa lo. En 2006, lo ia es la lingua madral de la 89% de la espanioles. Otra linguas, ance espaniol, como catalan, galego e euscara es reconoseda como coofisial en diversa comunias autonom, seguente la Leges de Autonomia.

Istoria

Preistoria

La teritorio espaniol corente conteni du de la locas la plu importante per la preistoria european e mundal: la Montes de Atapuerca (do on ia trova la spesie Homo antecessor e la serie la plu completa de osos de Homo heidelbergensis) e la cava de Altamira (do a la ves prima on ia identifia la arte paleolitica).

La situa spesial de la penisola iberian como "ueste estrema" de la mundo mediteranean ia determina la ariva de influes cultural diversa de la Mediteraneo este – spesial la relata con la neolitica e la Eda de la Metales (cultiva, seramica) – un prosede cual ia culmina con la colonias istorial de la milenio prima aec. Par sua loca favorente la comunica, sua posibles per cultiva e sua ricia de minerales, la areas este e sude ia es los cual ia developa plu (Tartesos, iberianes). Lo ia ave contata con Europa Sentral (celtas).

Eda antica

La Dama de Eltxe, un esemplo de arte iberian.

La data la plu antica de un aveni istorial en Espania es la fundi lejendal de la colonia fenisia de Gadir (la Gades roman, cual es oji Cadiz), cual, seguente fontes roman (Tito Livio), ia aveni a 80 anios pos la Gera de Troia, ante lo de Roma mesma. Esta situa lo a 1104 aec e conforma con la referes la plu antica a la fundi de un site en Europa ueste. La refere cual Herodoto ia colie de contatas elinica con la rena de Argantonio es situada en la anio 630 aec. La atestas arceolojial de fundas fenisia (Ebusus, Sexi, Malaka) permete parla de un monopolio fenisia de la vias comersial sirca la Streta de Jibraltar (incluinte la Mar Atlantica, como la via de la stanio), cual ia limita la coloni elinica a la norde de la Mediteraneo (Emporion).

La colonias fenisia ia es controlada par Cartago de la sentenio 6 aec, un periodo en cual ance Tartesos ia desapare. Ja en la sentenio 3 aec, la vinse de Roma en la Gera Punica Prima ia stimula la interesa de Cartago per la penisola iberian, e par lo un colonia teritorial vera de Espania ia apare, creante un impero punica con sentro en Qart Hadasht (Cartagena), dirijeda par la familia Barca.

Un interveni roman ia aveni en la Gera Punica Du (218 AEC) cual ia comensa un concista gradal roman de "Hispania" (la nom par cual Espania ia es conoseda par la romanos), no completida asta cuasi 200 anos plu tarda. La defeta punica ia permete un concista rapida de la este e sude, cual ia es la area la plu rica e con un nivel de developa economial, sosial e cultural plu armoniosa con la sivilia roman. Multe plu difisil ia es la concista de la poplas de la Plano Alta, plu povre, cual ia esije un fronti a un tipo de gera diferente de la gera clasica (gerilias gidada par Viriato — asasinada en 139 aec; resistes estrema como lo de Numansia – vinseda en la 133 aec).

En la sentenio seguente, la provinses roman de Hispania – convertida a fontes de ricia per ofisiores e comersiores roman, de materias cru, de mersenarios – ia es entre la senas xef de la geras interna roman, con la presentia de Sertorio, Pompeio e Julio Cesar. La pasi (pax romana) ia es la intende declarada par Augusto Cesar, ci ia atenta reali un securia defininte par concista la cantabrianes e la asturianes (29–19 aec), an si sua romanis no ia reali.

En la resta de la teritorio, la romani de Hispania ia es tan profonda ce alga familias roman ia oteni un dinia imperal (Traiano, Adriano e Teodosio) e espanioles ia es entre la plu importantes de la inteletosas roman (la filosofiste Lusio Aneo Seneca, la poesistes Lucano, Quintiliano e Marsial o la jeografiste Pomponio Mela), an si, como Tito Livio ia scrive en tempo de Augusto, "an si lo ia es la provinse importante prima cual la romanes ia invade, lo ia es la ultima cual ia es completa dominada e lo ia resiste asta nosa epoca", atribuinte esta a la natur de la teritorio e a la carater de sua abitores.

La similia de la modo de vive roman, longa e custosa, ia ofre un diversia grande, variante de un grado avansada en Betica (Andalusia moderna) a un grado noncompleta e surfasal de la norde penisolal.

Eda medieval

Estoria de España par Alfonso 10 la Saja

En la anio 409 un grupo de poplas germanica ia invade la penisola iberian. En la anio 416, la visigotos, un popla ance germanica ma multe plu romanida, ia invade con la intende de restora la autoria imperal. Ma en realia los ia crea un rena visigoto con capital xef en Toulouse e plu tarda en Toledo, pos es vinseda en la batalia de Bouilé (507). Leovigildo ia crea un monarcia visigoto potiosa con la defetas de la xvabeses en la nord-ueste, e otra poplas en la norde, e la bizantianes en la sude-este (provinse de Spania, con sentro en Carthago Spartaria, oji Cartagena), cual no ia es completida asta la rena de Suintila en la anio 625.

San Isidoro de Sevilla en sua Historia Gothorum loda ce esta re "ia es la prima ci posese la monarcia de la arena de tota Espania cual ensirca la mar, un cualia donada a nun de sua presedores". La natur elejable de la monarcia visigoto ia determina un nonstablia grande political marcada par rebelas continuante e asasinas. La uni relijial ia aveni cuando Recaredo ia converti a catolicisme, proibinte la arianisme cual asta alora ia distingui la visigotos, impedinte sua uni con la clases de dirijores espaniol-roman. La Consilios de Toledo ia converti se a un organo en cual, reunida en asembla, la re, la nobiles xef, e la bispos ia vota sur temas political e relijial. La Liber Iudiciorum publicida par Recesvinto (654) como lege comun per espanioles-romanes e visigotos ia es vasta difusada a pos.

En la anio 689 la arabis ia ariva a Africa norde-ueste, e en la anio 711, clamada par la partito visigoto enemin de la re Rodrigo, los ia traversa la Streta de Jibraltar e ia fa un vinse desidente en la batalia de Guadalete. La indica de la superioria ia converti la interveni, inisial limitada, a un forsa vera de potia en Espania, cual ia converti se a un amiria o provinse de la impero arabi nomida Al-Andalus, con capital en la site de Cordoba. La progresa muslim ia es rapida: en 712, los ia concista Toledo, la capital visigoto; la resta de la sites ia sede o ia es concistada, asta cuando en 716 la muslimes ia controla tota la penisola estra la norde.

En Septimania, a la norde-este de la Pirineos, la resiste visigoto ia manteni se asta 719. La progresa muslim contra la rena franco ia es parada par Carlos Martel en la batalia de Poitiers (732). La area norde-ueste de la penisola iberian, poca controlada, ia vide la nase de un nucleo de resiste cristian sentrida en la Montes Cantabrian, un area en cual la poplas nonromanida ia ave no interesa per la muslimes. En la resta de la penisola, la nobiles goto o hispano-roman, ia converti se a islam (muladis como la familia Banu Qasi, cual ia controla la vale de Ebro o ia es fidosa a la autorias muslim an si los ia es cristian (la mozarabis), e ia conserva sua grado economical e sosial e an un grado alta de potia political e teritorial (como Tudmir, cual ia domina un vasta area de la sude-este).

En la anio 718 en Asturias, un nobil nomida Pelayo ia revolta contra la islamistes ma la revolta ia fali e el ia es arestada. En 722 el ia revolta denova, e en la batalia de Covadonga, Pelayo e sua grupo de asturianes ia vinse contra la islamistes. Esta ia es la comensa de la Rena de Asturias e ance de la Reconcista, cual es la refundi de la potia cristian en la penisola de Iberia.

Pos la uni en 1492, Espania ia paia per la viaja de Cristoforo Colombo, cual ia descovre America per la europeanes.

Eda moderna

La sposa de Isabel e Fernando (1469) e la vinse de la partito cual ia suporta los en la Gera de Pasa de Rena Castelian, ia determina la uni dinastial de la coronas de Castelia e Aragon. La uni teritorial penisolal ia grandi con la Gera de Granada (1492) e la ajunta de Navarra (1512), e ia continua con la crese teritorial tra la norde de Africa e Italia.

La politica sposal de la Monarcas Catolica, ci ia sposi sua fios con la eritores de tota la casas real de Europa ueste (con eseta de Frans), ia lasa un consentra grande de renas per sua neto Carlos 1 de Espania e 5 de Deutxland, cual en ajunta a la grandia enorma teritorial de America resente descovreda (1492), convertida en un impero colonial vera, ia fa ce la Monarcia Espaniol ia deveni la plu potiosa de la mundo. En la mesma anio, on ia comanda la esclui de la iudis, e la Gramatica castelian de Antonio de Nebrija ia apare.

Eda contempora

2 maio 1808 en Madrid par Goya.

En 1805 en la batalia de Trafalgar, la marina franses-espaniol ia es vinseda par la Rena Unida, sinifiante la fini de la supremia de Espania en la mares e favorente la Rena Unida. Ma Napoleon Bonaparte, imperor de Frans, ia profita de la disputas entre Carlos 4 de Espania e sua fio Fernando e ia comanda la envia de un armada potiosa a Espania en 1808. Sua escusa ia es invade Portugal, aidada par la ministro xef espaniol, Manuel Godoy, a ci el ia promete la trono de un de la partes en cual el ia vole divide Portugal.

La imperor franses ia lasa la trono a sua frate Jose 1, comensante la Gera de Autonomia Espaniol cual ia dura tra sinco anios. En esta tempo on ia scrive la Constitui Espaniol prima, e un de la primas de la mundo, en la Cortes de Cadiz. Lo ia es publicida a 19 marto 1818, la festa de San Jose, e par causa de esta lo es conoseda como "La Pepa" (en espaniol, "Pepe" es un nometa per persones nomida "José"). Pos la defeta de la armada franses, cual ia culmina con la batalia de Vitoria en 1813, Fernando 7 ia reveni a la trono de Espania.

En la rena de Fernando 7 la monarcia espaniol ia esperia un cambia de la governa antica a un stato libriste. Pos sua ariva en Espania, Fernando 7 ia cansela la Constitui de 1812 e ia persegue la libristes constitual, comensante un periodo de asolutisme. Entretempo, la Gera de Autonomia Latina ia continua e, an con la labora de la defendores de la monarcia espaniol, a la fini de la disputa sola la isolas de Cuba e Porto Rica en America ia segue su la governa espaniol.

Pos la Decada Menasante e con la suporta de la politicistes libraliste per la Puni Pragmatica de 1830, Espania ia organiza se denova como un monarcia parlamental. En esta modo, ambos prosedes revoluiste ia gida a la statos nasional nova cual esiste oji. La fini de la rena de Fernando 7 ia marca ance la fini de la asolutisme en la mundo latina.

Organiza teritorial

Stato autonom

Espania es oji un "stato autonom", un pais formal unida cual funsiona como un federa desentrida de comunias autonom, de cual cada ave niveles diversa de autogoverna.

Oji, Espania es un de la paises european la plu desentrida, car tota sua teritorios maneja local sua sistemes de sania e instrui. Alga de los, como Euscaleria e Navarra, maneja sua finansia publica sin supravide par la governa sentral. Catalunia, la Isolas Canario, Euscadi, e Navara ave sua polisia propre.

Espania es divideda en 17 comunias autonom e du sites autonom.

Munisipas la plu poplada

Munisipas la plu poplada de Espania

Madrid
Madrid
Barselona
Barselona
Valensia
Valensia

MunisipaComuni AutonomPoplaMunisipaComunia AutonomPopla

Sevilla
Sevilla
Zaragoza
Zaragoza
Málaga
Málaga

1MadridComunia MadridModel:Nts 11AlicanteComunia ValensianModel:Nts
2BarselonaCataluniaModel:Nts 12CórdobaAndalusiaModel:Nts
3ValensiaComunia ValensiaModel:Nts 13ValladolidCastelia e LeonModel:Nts
4SevillaAndalusiaModel:Nts 14VigoGalisiaModel:Nts
5ZaragozaAragonModel:Nts 15GijónAsturiasModel:Nts
6MalagaAndalusiaModel:Nts 16Hospitalet de LlobregatCataluniaModel:Nts
7MurciaRegión de MurciaModel:Nts 17La CoruñaGalisiaModel:Nts
8Palma de MaiorcaIsolas BaleareModel:Nts 18VitoriaEuscadiModel:Nts
9Las Palmas de Gran CanariaCanariasModel:Nts 19GranadaAndalusiaModel:Nts
10BilbaoEuscadiModel:Nts 20ElcheComunia ValensiaModel:Nts
Fuente: Instituto Nacional de Estadística (padrón de habitantes de 2014)[1]

Jeografia

Un mapa fisical de Espania

Situada en Europa ueste e en Africa norde, lo ocupa la plu de la penisola iberian e, estra esta, du arcipelagos (la isolas Canario en la Mar Atlantica e la isolas Balear en la Mar Mediteraneo), du sites autonom en la norde de Africa (Ceuta e Melilla), la isola Alboran e otra isolas en la costa de Africa (la Isolas Txafarina, la Roca de Vélez de Gomera e la Isolas Alhucema).

Lo es la pais la numero cuatro de la plu grandes de la continente, pos Rusia, Ucraina e Frans e la numero du de la Uni European.

La limitas fisical de Espania es la seguente: a la ueste, Portugal e la Mar Atlantica; la Mar Mediteraneo a la este; la Streta de Jibraltar, la Mar Atlantica e la Mar Mediteraneo a la sude; e la Montes Pirineo, la Golfo de Biscaia e la Mar Cantabrian a la norde.

Politica

Espania es un stato sosial e democrata cual ave la monarcia parlamental como sua forma political. La direto de governa parteni a la popla espaniol, de cual la autoria de la stato veni.

La xef de stato es la re de Espania.

En Espania on ave promoves diversa como la catalan, la galego e la euscara cual reclama la autonomia de la pais.

Relatas esterna

Espania es un stato-membro de la Uni European de pos 1 janero 1986.

Espania contribui a la finansia de la ONU con 2,52% de sua bujeta anial.

Linguas

Linguas de Espania.

La lingua ofisial e la plu parlada (par 99% de la popla) es espaniol. Lo es la lingua propre de 89% de espanioles. Lo es parlada par 500 miliones de persones en tota la mundo e es la lingua propre la plu parlada pos putong.

En Espania ance otra linguas es parlada:

Relijio

La relijio major de Espania es catolicisme. La Eglesa Catolica es la sola nomida en la Constitui. La relijio du de la plu importantes es protestantisme, con 1 200 000 membros. Islam segue, con 800 000 seguentes, de ci la majoria es migrores de la norde de Africa. Ance la Atestores de Iaue con 100 000 seguentes, la mormones con 20 000 credentes, e la iudis con 15 000 es comunias importante.

Economia

Asta la desenio de 1960, la economia espaniol ia es xef suportada par cultiva, ma oji lo emplea sola 5% de la popla ativa. La cultivadas xef es trigo, orzo, mais, patatas, segal, avena, beta, oniones e tomates. La pais ave cultiverias de frutas sitrica e de olivas.

Espania es un de la produores xef de vino.

La mone usada en Espania es la euro, e la banco sentral es la Banca Sentral de Espania, coordinada con la Banca Sentral European.


Esporta aEmporta de
PaisPersentoPaisPersento
Model:FRA16,2 %Model:DEU10,9 %
Model:DEU10,6 %Model:FRA10,6 %
Model:ITA7,4 %Model:CHN6,9 %
Model:POR7,0 %Model:ITA6,2 %
Model:GBR6,3 %Model:NED4,4 %
Model:USA4,0 %Model:GBR4,1 %
Model:NED3,1 %Model:USA3,8 %
Model:BEL2,8 %Model:POR3,5 %
Otra42,6 %Otra49,6 %
ContinentePersentoContinentePersento
Europa67,2 %Europa55,4 %
America10,8 %Asia19,8 %
Asia10,5 %America12,6 %
Africa6,7 %Africa10,8 %
Oseania1,1 %Oseania0,3 %
Otra3,8 %Otra1,1 %
Fonte: Instituida Nasional de Statistica[2][3] (2012)

Musica

La cantor la plu popular aora es Pablo Albaran, ci es ance multe popular en Portugal.

Referes

  1. Model:Cita web
  2. [1]
  3. [2]
Other Languages
Аҧсшәа: Испаниа
Acèh: Seupanyo
адыгабзэ: Испание
Afrikaans: Spanje
Akan: Spain
Alemannisch: Spanien
አማርኛ: እስፓንያ
aragonés: Espanya
Ænglisc: Spēonland
العربية: إسبانيا
ܐܪܡܝܐ: ܐܣܦܢܝܐ
مصرى: اسبانيا
asturianu: España
авар: Испан
Aymar aru: Ispaña
azərbaycanca: İspaniya
تۆرکجه: ایسپانیا
башҡортса: Испания
Bali: Spanyol
Boarisch: Spanien
žemaitėška: Ispanėjė
Bikol Central: Espanya
беларуская: Іспанія
беларуская (тарашкевіца)‎: Гішпанія
български: Испания
भोजपुरी: स्पेन
Bislama: Spain
বাংলা: স্পেন
བོད་ཡིག: ཞི་པན་ཡ།
বিষ্ণুপ্রিয়া মণিপুরী: স্পেন
brezhoneg: Spagn
bosanski: Španija
буряад: Испани
català: Espanya
Chavacano de Zamboanga: España
Mìng-dĕ̤ng-ngṳ̄: Să̤-băng-ngà
нохчийн: Испани
Cebuano: Espanya
Chamoru: España
Tsetsêhestâhese: Spain
کوردی: ئیسپانیا
corsu: Spagna
qırımtatarca: İspaniya
čeština: Španělsko
kaszëbsczi: Szpańskô
словѣньскъ / ⰔⰎⰑⰂⰡⰐⰠⰔⰍⰟ: Їспанїꙗ
Чӑвашла: Испани
Cymraeg: Sbaen
dansk: Spanien
Deutsch: Spanien
Zazaki: İspanya
dolnoserbski: Špańska
डोटेली: स्पेन
ދިވެހިބަސް: އިސްޕެއިން
ཇོང་ཁ: སིཔཱེན་
eʋegbe: Spain
Ελληνικά: Ισπανία
emiliàn e rumagnòl: Spaggna
English: Spain
Esperanto: Hispanio
español: España
eesti: Hispaania
euskara: Espainia
estremeñu: España
فارسی: اسپانیا
Fulfulde: Hispaanya
suomi: Espanja
Võro: Hispaania
føroyskt: Spania
français: Espagne
arpetan: Èspagne
Nordfriisk: Spaanien
furlan: Spagne
Frysk: Spanje
Gaeilge: An Spáinn
Gagauz: İspaniya
贛語: 西班牙
kriyòl gwiyannen: Lèspangn
Gàidhlig: An Spàinn
galego: España
گیلکی: ائسپانيا
Avañe'ẽ: Epáña
गोंयची कोंकणी / Gõychi Konknni: स्पेन
𐌲𐌿𐍄𐌹𐍃𐌺: 𐌷𐌴𐌹𐍃𐍀𐌰𐌽𐌾𐌰
ગુજરાતી: સ્પેન
Hausa: Hispania
客家語/Hak-kâ-ngî: Sî-pân-ngà
Hawaiʻi: Sepania
עברית: ספרד
हिन्दी: स्पेन
Fiji Hindi: Spain
hrvatski: Španjolska
hornjoserbsce: Španiska
Kreyòl ayisyen: Espay
հայերեն: Իսպանիա
Արեւմտահայերէն: Սպանիա
interlingua: Espania
Bahasa Indonesia: Spanyol
Interlingue: Hispania
Igbo: Spain
Iñupiak: Spaña
Ilokano: Espania
ГӀалгӀай: ХIиспани
íslenska: Spánn
italiano: Spagna
ᐃᓄᒃᑎᑐᑦ/inuktitut: ᓯᐸᐃᓐ
日本語: スペイン
Patois: Spien
la .lojban.: sangu'e
Jawa: Spanya
ქართული: ესპანეთი
Qaraqalpaqsha: İspaniya
Taqbaylit: Spenyul
Адыгэбзэ: Эспаниэ
Kabɩyɛ: Ɛsɩpaañɩ
Kongo: Espania
қазақша: Испания
kalaallisut: Spania
ភាសាខ្មែរ: អេស្ប៉ាញ
ಕನ್ನಡ: ಸ್ಪೇನ್
한국어: 스페인
Перем Коми: Эспання
къарачай-малкъар: Испания
kurdî: Spanya
коми: Испания
kernowek: Spayn
Кыргызча: Испания
Latina: Hispania
Ladino: Espanya
Lëtzebuergesch: Spuenien
лезги: Испания
Limburgs: Spanje
Ligure: Spagna
lumbaart: Spagna
lingála: Espania
لۊری شومالی: اْسپانیا
lietuvių: Ispanija
latgaļu: Spaneja
latviešu: Spānija
मैथिली: स्पेन
мокшень: Испания
Malagasy: Espaina
олык марий: Испаний
Māori: Pāniora
Minangkabau: Spanyol
македонски: Шпанија
മലയാളം: സ്പെയിൻ
монгол: Испани
मराठी: स्पेन
Bahasa Melayu: Sepanyol
Malti: Spanja
Mirandés: Spanha
မြန်မာဘာသာ: စပိန်နိုင်ငံ
مازِرونی: ایسپانیا
Dorerin Naoero: Pain
Nāhuatl: Caxtillan
Napulitano: Spagna
Plattdüütsch: Spanien
Nedersaksies: Spanje
नेपाली: स्पेन
नेपाल भाषा: स्पेन
Nederlands: Spanje
norsk nynorsk: Spania
norsk: Spania
Novial: Spania
Nouormand: Espangne
Sesotho sa Leboa: Spain
occitan: Espanha
Livvinkarjala: Ispuanii
Oromoo: Ispeen
ଓଡ଼ିଆ: ସ୍ପେନ
Ирон: Испани
ਪੰਜਾਬੀ: ਸਪੇਨ
Pangasinan: Espanya
Kapampangan: Espanya
Papiamentu: Spaña
Picard: Espanne
Deitsch: Schpaani
Pälzisch: Spanien
पालि: स्पेन
Norfuk / Pitkern: Spain
polski: Hiszpania
Piemontèis: Spagna
پنجابی: سپین
Ποντιακά: Ισπανία
پښتو: اسپانیا
português: Espanha
Runa Simi: Ispaña
rumantsch: Spagna
romani čhib: Spaniya
Kirundi: Esipanye
română: Spania
armãneashti: Ispania
tarandíne: Spagne
русский: Испания
русиньскый: Іспанія
Kinyarwanda: Esipanye
संस्कृतम्: स्पेन्
саха тыла: Испания
ᱥᱟᱱᱛᱟᱲᱤ: ᱮᱥᱯᱮᱱ
sardu: Ispagna
sicilianu: Spagna
Scots: Spain
سنڌي: اسپين
davvisámegiella: Spánia
Sängö: Espânye
srpskohrvatski / српскохрватски: Španija
සිංහල: ස්පාඤ්ඤය
Simple English: Spain
slovenčina: Španielsko
slovenščina: Španija
Gagana Samoa: Sepa­nia
chiShona: Spain
Soomaaliga: Isbania
shqip: Spanja
српски / srpski: Шпанија
Sranantongo: Spanyorokondre
SiSwati: Sipeyini
Sesotho: Spain
Seeltersk: Spanien
Sunda: Spanyol
svenska: Spanien
Kiswahili: Hispania
ślůnski: Szpańijo
Sakizaya: Spain
తెలుగు: స్పెయిన్
tetun: España
тоҷикӣ: Испания
ትግርኛ: ስፔን
Türkmençe: Ispaniýa
Tagalog: Espanya
lea faka-Tonga: Sepeni
Tok Pisin: Spen
Türkçe: İspanya
Xitsonga: Spaniya
татарча/tatarça: Испания
chiTumbuka: Spain
Twi: Spain
reo tahiti: Paniora
удмурт: Испания
ئۇيغۇرچە / Uyghurche: ئىسپانىيە
українська: Іспанія
اردو: ہسپانیہ
oʻzbekcha/ўзбекча: Ispaniya
Tshivenda: Spain
vèneto: Spagna
vepsän kel’: Ispanii
Tiếng Việt: Tây Ban Nha
West-Vlams: Spanje
Volapük: Spanyän
walon: Espagne
Winaray: Espanya
Wolof: Ispaañ
吴语: 西班牙
isiXhosa: ISpain
მარგალური: ესპანეთი
ייִדיש: שפאניע
Yorùbá: Spéìn
Vahcuengh: Sihbanhyaz
Zeêuws: Spanje
中文: 西班牙
文言: 西班牙
Bân-lâm-gú: Se-pan-gâ
粵語: 西班牙
isiZulu: ISpeyini