Zwak (Mythologie)

E weiblechen Zwak an enger mëttelalterlecher Duerstellung (1474)

En Zwak, dacks gëtt dat däitscht Wuert Zwerg gebraucht, ass an der Mythologie e Wiesen, dat meeschtens ënner dem Buedem lieft. Dacks gëtt sou Wiesen eng iwwermënschlech Kraaft a Muecht nogesot. Der Seeche no, gëlle se als raffinéiert a kënne souguer Zauberkräft hunn. Hiren Urspronk hu se an der nordescher Mythologie.

Ernimmt gi se virun allem an der Edda, donieft awer och an anere Seeërcher. D'Zwake spillen awer och a ville Märercher aus dem 14. a 15. Joerhonnert eng grouss Roll. Haut begéint ee se heefeg an der moderner Fantasy-Literatur, sou zum Beispill am J. R. R. Tolkien sengem Buch De klengen Hobbit oder dem Lord of the Rings-Epos.

D'Etymologie vum Wuert Zwak oder Zwerg ass ongewëss. Ugeholl gëtt, datt et en Zesummenhang mam alhéichdäitsche Wuert gidrog (Geescht, Gespenst) resp. mam alindeschen dhvaras (dämonescht Wiesen). Grad dat lescht Beispill ass Famill mam engleschen Dwarf. Munnech Zwaken hunn Nimm, déi drop hiweisen, datt se ursprénglech Doudesdämone waren, zum Beispill Nár (Läich), Bláinn (Blo, dës Faarf symboliséiert den Doud) oder Dáinn (Doud).Dat lëtzebuergescht Wuert Zwak, u sech schonn en aalt Wuert, fënnt zanter kuerzem nees eng gréisser Verbreedung duerch d'Iwwersetzung vum Klengen Hobbit.

Other Languages
български: Джудже
čeština: Trpaslík
Cymraeg: Corrach
Esperanto: Nano (mito)
Հայերեն: Թզուկներ
Bahasa Indonesia: Kurcaci
ქართული: ჯუჯები
Kreyòl ayisyen: Tinen
latviešu: Rūķis
lietuvių: Nykštukai
magyar: Törpék
македонски: Џуџе
日本語: ドワーフ
polski: Krasnolud
português: Anões (mitologia)
română: Pitic
Romani: Bono
русский: Гномы
Scots: Droich
Simple English: Dwarf (mythology)
slovenščina: Palček
српски / srpski: Патуљак
suomi: Kääpiö
українська: Гном
اردو: بونا
中文: 矮人