Max Frisch

De Max Rudolf Frisch, gebuer de 15. Mee 1911 zu Zürich an och do de 4. Abrëll 1991 gestuerwen, war e Schwäizer Schrëftsteller an Architekt. Mat Theaterstécker wéi Biedermann und die Brandstifter oder Andorra a mat sengen dräi grousse Romaner Stiller, Homo faber a Mein Name sei Gantenbein huet hien e breede Public erreecht a koum op vill Schoulprogrammer als Lecture. Donieft huet hie Lauschterspiller, Erzielungen a Prosawierker publizéiert sou wéi och zwee literaresch Dagebicher, dat eent vun 1946 bis 1949 an dat anert vun 1966 bis 1971.

Wéi e jonk war, war de Frisch der Meenung, eng biergerlech an eng kënschtlerech Existenz wieren net kompatibel, a sou huet hien, nodeem en e Germanistikstudium ofgebrach hat (während deem en ë. a. fir d' Neue Zürcher Zeitung geschriwwen hat), Architektur studéiert an duerno e puer Joer laang als Architekt geschafft. Eréischt nom Succès vu sengem Roman Stiller huet e sech ganz dofir decidéiert, Schrëftsteller ze ginn, an en huet dofir och seng Famill verlooss, fir just nach vu sengem Schreiwen ze liewen.

Am Frisch sengem Wierk geet et dacks ëm Ausenanersetzunge mat sech selwer, woubäi déi Problemer, ëm déi et geet, fir de postmoderne Mënsch typesch ugesi ginn: eng eegen Identitéit fannen a se duerchsetzen, besonnesch am Kontrast zu etabléierte Biller, déi anerer vun engem hunn; Konstruktioun vun engem senger Biographie, Geschlechterrollen an hir Opléisung, souwéi d'Fro, wat een iwwerhaapt mat Sprooch soe kann. De Frisch hat Freed un Dagebicher, déi en, besonnesch, wat Erzielungen iwwer Reesen ubelaangt, literaresch developpéiert huet, a sou Autobiographesches mat fiktionalen Elementer verbonnen huet. Nodeem e laang am Ausland gelieft hat, huet de Frisch sech, nodeem en a seng Heemecht d'Schwäiz hannescht goung, kritesch mat hir auserneegesat.

Other Languages
Alemannisch: Max Frisch
العربية: ماكس فريش
تۆرکجه: ماکس فریش
беларуская: Макс Фрыш
беларуская (тарашкевіца)‎: Макс Фрыш
български: Макс Фриш
català: Max Frisch
čeština: Max Frisch
dansk: Max Frisch
Deutsch: Max Frisch
eesti: Max Frisch
Ελληνικά: Μαξ Φρις
English: Max Frisch
español: Max Frisch
Esperanto: Max Frisch
euskara: Max Frisch
فارسی: ماکس فریش
français: Max Frisch
galego: Max Frisch
한국어: 막스 프리슈
Հայերեն: Մաքս Ֆրիշ
hrvatski: Max Frisch
íslenska: Max Frisch
italiano: Max Frisch
עברית: מקס פריש
ქართული: მაქს ფრიში
latviešu: Makss Frišs
lietuvių: Max Frisch
magyar: Max Frisch
Nederlands: Max Frisch
norsk: Max Frisch
polski: Max Frisch
português: Max Frisch
română: Max Frisch
русский: Фриш, Макс
shqip: Maks Frish
slovenčina: Max Frisch
српски / srpski: Макс Фриш
srpskohrvatski / српскохрватски: Max Frisch
suomi: Max Frisch
svenska: Max Frisch
Türkçe: Max Frisch
українська: Макс Фріш
Tiếng Việt: Max Frisch