Lingua djudeo-espanyola

 
Cudyo espanyol
    
Djudeo-espanyol / גֿודֿיאו־איספאנײול
Favlado prinsipalmente en:* Israel, Turkia, Bosnia i Hersegovina, Gresia, Masedonia i Bulgaria
Favlantes:150.000
Klasifikasiyon jenetika:Indoevropea

 Italiko
  Grupo Romanze
   Romanze
    Italo-okzidental
     Subgrupo Okzidental
      Ibero-romanze
       Ibero-okzidental
        Djudeo-espanyol

Estatus ofisial
Lingua rekonosida por:Yisrael
Regulado por:Autoridad Nasionala del Ladino
Kodigo
ISO 639-1-
ISO 639-2lad
ISO 639-3lad

El Djudeo-espanyol (/dʒudeo espanjol/) o ladino (גֿודֿיאו־איספאנײול) es la lingua avlada por los sefardim, djudios ekspulsados de Espanya en 1492. Es una lingua derivada del espanyol i avlada por 150.000 personas en komunitas en Israel, la Turkiya, antika Yugoslavia, Gresia, Marroko, entre otros.

Ladino o "Djidio" es una lingua djudeo-romanse, kualo leksiko es derivado prisipalmente del Viejo Kastiyano i del Ebreo. La relasyon del Ladino kon el Espanyol Kastiyano o "Espanyol Halis" es parejida kon la del Idish ke avlavan los ashkenazim kon el Aleman. Los avlantes son aktualmente kaji i solo djudios sefaradim, kualas famiyas, por enshemplo, binieron de Salonika, Sarajevo, Skopia, Rodas, Izmir i de Istanbul. Ama fina empesijos del syeklo XX, munchos goym la avlavan en Salonika, ande era la su lingua prinsipala.

El Ladino ay guadrado la prenunsiasion de los fonemas [ʤ] i [ʒ] del Viejo Kastiyano, kualos se trokaron en [x] en Kastiyano moderno. La "j" en /dijo/ es prenunsiada komo ח (ḥet) [x] en Espanyol Kastiyano, ansina en el Nord de Afrika, en la hakitia re-kastiyanizada del siekolo XIX, enmientras ke guadrada komo "j" franzesa [ʒ] o "dj" engleza [ʤ], o inda "sh" [ʃ], en muestra alingua. El Ladino tiene ansina un fonema [x] ke mos viene del Ebreo (ḥet seguido por kaf final o medial (חכ o חך). Tambien guadra la Z "francesa" [z], ke en espanyol kastiyano se troko en [θ] i en el espanyol de Amerika en [s].

En dingunas redjiones ansina se dezveloparon trokamientos mui proprios de muestra alingua i ke la deferensian del Kastiyano Moderno, komo por enshemplo "muestro", "mozotros" i "eshfuenyo" por "nuestro", "nosotros" i "sueño" en Izmir i Estambol. Su estruktura gramatikala es muncho i bien parejida a la lingua espanyola, ama kon biervos a la orijin en Ivrit, Portugez, Fransez, Turko, Grego, i del Eslavo (Serbocroata i Bulgaro), de akodro a donde moraban los favlantes i por modre de la enfluensya politika i ekonomika de las otras linguas en la vida de kadaldia.

Partaja kon otros dialektos del Kastilyano (komo Andalus i Amerikano) el yeismo, ke kere dizir ke la diferensia entre LL (ly) i Y se depedrio. Ama, a deferensia del kastiyano andalus i del rioplatense, el fonema para LL y Y es Y (i semikonsonante) i no DJ o J (sonidos ke no se depedrieron en el djidio, dunke no se pueden trokar sin trokar la sinyifikasion).

Partaja tambien kon el espanyol halis la pedrida de la deferensya entre B i V, malgrado ke akorruto se auzan las dos letras en la eskritura, ama sin valor fonetiko. Sus vokales son las del kastiyano, i ansina las del ivrit sefardit de RaDaK: a, e, i, o, u.

El ladino no konose Usted non vuesa / su merced, komo si el espanyol kastiyano: para el tratamiento de respekto, se uza vos en Marroko i el / eya en oriente.

Other Languages
Afrikaans: Ladino
Alemannisch: Ladino
አማርኛ: ላዲኖ
aragonés: Chodigo-espanyol
azərbaycanca: Ladino dili
башҡортса: Сефард теле
беларуская: Ладзіна
беларуская (тарашкевіца)‎: Сэфардзкая мова
brezhoneg: Ladinoeg
čeština: Ladino
Cymraeg: Iddew-Sbaeneg
Deutsch: Judenspanisch
euskara: Ladino
suomi: Ladino
français: Judéo-espagnol
Gaelg: Ladeenish
עברית: לאדינו
Fiji Hindi: Ladino language
magyar: Ladino nyelv
Bahasa Indonesia: Bahasa Ladino
ქართული: ლადინო
한국어: 라디노어
lietuvių: Ladino kalba
latviešu: Ladino
македонски: Ладино
മലയാളം: ലാഡിനോ
Mirandés: Judiu-spanhol
norsk nynorsk: Jødespansk
Ирон: Ладино
Deitsch: Ladino
Piemontèis: Lenga giudé-ladin
پنجابی: لاڈینو
português: Judeu-espanhol
română: Limba ladino
Simple English: Ladino language
slovenčina: Ladino
svenska: Ladino
Kiswahili: Ladino
українська: Ладіно
ייִדיש: לאדינא
中文: 拉迪諾語