Somersetensis comitatus

Vide etiam paginam discretivam: Somersetensis Comitatus (discretiva)

Wikidata-logo.svg Somersetensis comitatus
Res apud Vicidata repertae:
Somersetensis comitatus: insigne
Somersetensis comitatus: vexillum
comitatus Angliae sollemnis, comitatus Angliae geographicus
Civitas: Situs interretialis

Fines

Subdivisio superior: South West England
Territoria finitima: Devonia, City of Bristol, Dorcestria, Glocestriensis comitatus, Wiltoniensis comitatus

Forma

Area: 4 171 chiliometrum quadratum
Caput: Tantonia
Subdivisiones: Bath and North East Somerset, South Somerset, Taunton Deane, West Somerset, Sedgemoor, Mendip, North Somerset

Vita

Incolae: 940 200

Tabula aut despectus

Somersetensis comitatus: situs

Somersetensis comitatus seu Somersetia (Anglice Somerset seu Somersetshire) est comitatus geographicus et traditionalis Angliae inter meridiem et occidentem spectans. Urbes continet Bathoniam et Wellas; caput autem comitatus, olim Somerton, hodie est Tantonia. Haec regio clara est ob siceram ibi a saeculo fere XII confectam et ob caseum, Cheddar ex oppido eiusdem nominis nuncupatum, quae praesertim e ruribus Wellarum, Glastoniae et Shepton Mallet circumiacentibus provenit.

Somersetia est comitatus historicus, et a principio regni Occidentalium Saxonum provincia. A medio saeculo IX in Chronicis Anglosaxonum refertur, nomine Anglosaxonico Sumorsæte.[1]. Pagi finitimi sunt Glocestria septentrione versa, Wiltonia ad orientem spectans, Dorcestria et Devonia ad meridiem. Ora maritima, ad manicam Bristoliensem iacens, occidentalem partem comitatus confinit. Urbs Bristolium interdum a geographos in Somersetia comprehenditur, interdum in Glocestria. Somersetia enumeratur inter comitatus sollemnes Angliae hodiernae, suburbiis meridionalibus Bristolii e territorio historico demptis (Bristolium enim comitatum sollemnem in se ipso constituit).

Somersetensis comitatús situs inter comitatus geographicos regni Britanniarum

Somersetia est etiam comitatus administrativus, sed limitibus parvioribus. Separatim enim pagus Somersetia borealis gubernatur (oppida Weston-super-Mare, Portishead, Clevedon et Nailsea cum ruribus adiacentibus includens). Separatim et pagus Bathonia et Somersetia boreorientalis administratur cum urbe Bathonia oppidisque Keynsham, Midsomer Norton et Radstock. In Somersetia "administrativa" hodierna manent Tantonia (sedes gubernii); Wellae urbs parva; oppida iuxta oram maritimam iacentia Porlock, Minehead, Watchet cum Williton, Bruga Walteri, Burnham-on-Sea cum Highbridge; oppida mediterranea Axa, Bruton, Castle Cary, Chard, Cheddar, Crewkerne, Dulverton, Dunestorum castrum, Frome, Glastonia, Ilchester, Ilminster, Langport, Milborne Port, North Petherton, Shepton Mallet, Somerton, South Petherton, Street, Wellington, Wincanton, Wiveliscombe, Yeovil; oppida parviora fere trecenta et quinquaginta.

Inter fastigia huius comitatús excelsissima sunt Dunkery Beacon saltús Exmoor, Wills Neck collium Quantocks et Beacon Batch montium Mendipporum.

Etymologia

E Somersetia "geographica" distinguuntur Somersetia "administrativa" (78), Somersetia borealis (59), Bathonia et Somersetia boreorientalis (60), suburbia meridionalia Bristolii (58)

Nomen venit ab Anglosaxonico Sumorsǣte, quod est forma brevis Sumortūnsǣte nominis, id est "Sumortūnensium sedes". "Sumortūn" est nunc Somerton et Anglosaxonice "saeptum aestivum" vel "agri habitati [numquam nisi] in aestate" significat. Sententia comitatús hodierna est Sumorsaete ealle, quod Anglosaxonice "omnes Somersetenses" significat.

Other Languages
Afrikaans: Somerset
Ænglisc: Sumorsǣte
asturianu: Somerset
azərbaycanca: Somerset
беларуская: Сомерсет
български: Съмърсет
brezhoneg: Somerset
català: Somerset
нохчийн: Сомерсет
čeština: Somerset
Cymraeg: Gwlad yr Haf
dansk: Somerset
Deutsch: Somerset
English: Somerset
Esperanto: Somerset
español: Somerset
eesti: Somerset
euskara: Somerset
suomi: Somerset
français: Somerset
Nordfriisk: Somerset
Frysk: Somerset
Gaeilge: Somerset
galego: Somerset
Gaelg: Somerset
עברית: סאמרסט
हिन्दी: समरसेट
magyar: Somerset
հայերեն: Սոմերսեթ
interlingua: Somerset
Bahasa Indonesia: Somerset
íslenska: Somerset
italiano: Somerset
日本語: サマセット
한국어: 서머싯주
kernowek: Gwlas an Hav
Lëtzebuergesch: Somerset
lietuvių: Somersetas
latviešu: Somerseta
मराठी: सॉमरसेट
Bahasa Melayu: Somerset
norsk nynorsk: Somerset
norsk: Somerset
occitan: Somerset
polski: Somerset
پنجابی: سمرسٹ
português: Somerset
română: Somerset
русский: Сомерсет
Scots: Somerset
srpskohrvatski / српскохрватски: Somerset
Simple English: Somerset
slovenščina: Somerset (grofija)
српски / srpski: Самерсет
svenska: Somerset
Türkçe: Somerset
اردو: سمرسیٹ
Tiếng Việt: Somerset
Volapük: Somerset
Winaray: Somerset
中文: 森麻實郡
Bân-lâm-gú: Somerset
粵語: 森麻錫郡