Хелена Бонэм Картер

Хелена Бонэм Картер ( англ. Helena Bonham Carter;1966-жылы 26-майда туулган) — англиялык актриса. Ал аз бюджеттүү артхаустардагы жана өзүнчө тасмалардагы ролдорунан тарта Голливуддагы кеңири масштабдагы кинофильмдерде жараткан образдары менен белгилүү. Ал « Сүйүшкөн канат» (1997) тасмасындагы Кэйт Кройдун ролун аткарганы үчүн «Оскардын» «Эң мыкты актриса» наамына көрсөтүлгөн. Ал эми « Падышанын сөзү» (2010) тасмасындеги ханыша Элизабеттин образын жаратканы үчүн «Оскардын» «Экинчи пландагы эң мыкты актриса» наамына көрсөтүлүп, «БАФТАнын» «Экинчи пландагы эң мыкты актриса» сыйлыгын жеңип алган. Андан тышкары ал « Энид» кинотасмасында британиялык автор Энид Блайтондун ролун аткарганы үчүн 2010-жылдагы « Эмми» эл аралык сыйлыгынын «Эң мыкты актриса» наамына татыган.

Бонэм Картер өзүнүн карьерасын «Көрүнүшкө ээ болгон бөлмө» жана «Жэйн айым» (1986) тасмасындагы кичинекей образы менен баштаган. Ал тартылган башка тасмаларга « Гамлет» (1990), «Периштелер басуудан корккон жер» (1991), « Говардс Энд» (1992), « Франкенштейн» (1994), « Кудуреттүү Афродита» (1995), « Мушташ клубу» (1999), «Гарри Поттер сериялары» (2007-2011), « Терминатор: Куткаруучу» (2009), «Улуу тилектер» (2012), « Бактысыздар» (2012) жана « Золушка» (2015) кирет. Ал режиссер Тим Бартон менен көп жолу кызматташкан. Алар: « Маймылдар планетасы» (2001), « Чоң балык» (2003), «Колуктунун сөөгү» (2005), « Чарли жана шоколад фабрикасы» (2005), « Суинни Тодд» (2007), « Караңгыдагы көлөкө» (2012), « Алиса керемет дүйнөдө» (2010) жана анын уландысы болгон « Алиса күзгүнүн ичи аркылуу» (2016) тасмалары болуп саналат. Ал «Розанын белгилери» (1983), «Кара жолтой калпычы» (1993), « Багдаттан түз эфир» (2002), « Тост» (2010) жана «Бартон менен Тэйлор» (2013) тасмаларында да ролдорду аткарган.

Ал драмага кызмат кылганы үчүн 2012-жылдагы жаңы жылдык сыйлык тапшыруу салтанатында британ империясынын орденине арзыган. Ал эми 2014-жылы британ премьер-министри Дэвид Кэмерон Бонэм Картерди Британиянын жаңы улуттук Холокост комиссиясына бекитекен.

Өмүр таржымалы

Other Languages
Bahasa Indonesia: Helena Bonham Carter
Lëtzebuergesch: Helena Bonham Carter
norsk nynorsk: Helena Bonham Carter
srpskohrvatski / српскохрватски: Helena Bonham Carter
Simple English: Helena Bonham Carter
slovenščina: Helena Bonham Carter
татарча/tatarça: Хелена Бонэм Картер
Tiếng Việt: Helena Bonham Carter
Bân-lâm-gú: Helena Bonham Carter