Жейк Жилленхол

Жилленхолдун сахнада интервью берип жаткан учуру. 2016-ж.

Жейкоб Бенжамин "Жейк" Жилленхол (англ. Jacob Benjamin "Jake" Gyllenhaal, айтылышы: [/ˈdʒɪlənhɑːl/ jil-ən-hahl]; 1980-жылы 19-декабрь) – америкалык актер. Режиссер Стивен Жилленхол менен сценарист Наоми Фонердин уулу. Актер бала кезинен бери "Шаардык мактанчаактар" (англ. City Slickers, 1991), "Коркунучтуу аял" (англ. A Dangerous Woman, 1993) жана "Колдо туума" (англ. Homegrown, 1998) сыяктуу тасмаларда тартылган. Актер "Октябрь асманы" (англ. October Sky, 1999) тасмада Хомер Хикэмдин ролун аткарып атактуулукка жеткен. "Донни Дарко" (англ. Donnie Darko, 2001) тасмасында эжеси Мэгги Жилленхол менен бирге тартылып, психологиялык жактан оорулуу өспүрүм баланын ролун аткарганы үчүн Independent Spirit Award сыйлыгынын "Эң мыкты башкы актер" номинациясына татыган. Кийин "Тартиптүү" (англ. The Good Girl, 2002) аталышындагы инди жанрындагы тасмада тартылган. "Бүрсүгүнү" (англ. The Day After Tomorrow, 2004) тасмасында климаттын катастрофалык өзгөрүлүшүнө курчалган студенттин ролун аткарган.

2005-жылы Жилленхол "Деңиз пехотасы" (англ. Jarhead) тасмасында Энтони "Суофф" Суоффордтун ролун, "Далил" (англ. Proof) тасмада Гвинет Пэлтроудун сүйгөнүнүн ролун жана Энг Линин "Тоонун сыры" (англ. Brokeback Mountain) тасмасында Жек Твисттин ролун аткарган. "Тоонун сыры" тасмада роль аткарганы үчүн актер киносынчылар тарабынан жогору бааланып, BAFTA сыйлыгынын "Эң мыкты жардамчы актер" номинациясына татыган, ал эми АКШ киноактерлор гилдиясынын сыйлыгынын "Экинчи пландагы актердун көрүнүктүү роль аткаруусу" номинациясына, "Спутник" сыйлыгынын "Эң мыкты жардамчы актер" номинациясына жана "Оскар" сыйлыгынын "Экинчи пландагы эң мыкты актер" номинациясына талапкерлиги коюлган.

Актер "Зодиак" (англ. Zodiac, 2007), "Бир туугандар" (англ. Brothers, 2009), "Фарс канзаадасы: Заман кумдары" (англ. Prince of Persia: The Sands of Time, 2010), "Сүйүү жана башка чаралар" (англ. Love & Other Drugs, 2010) – ("Алтын глобус " сыйлыгынын "Эң мыкты актер" номинациясынын талапкерлиги), "Баштапкы код" (англ. Source Code, 2011), "Кайгуул топтун кезметинин соңу" (англ. End of Watch, 2012), "Абактагылар" (англ. Prisoners, 2013), "Душман" (англ. Enemy, 2013), "Түнкү чайкоочулук" (англ. Nightcrawler, 2014), "Сологой" (англ. Southpaw, 2015) жана "Түнкү жырткычтар" (англ. Nocturnal Animals, 2016) сыяктуу тасмаларда роль аткарганы үчүн көпчүлүккө таанымал болгон. "Түнкү чайкоочулук" тасмада аткарган ролу үчүн актер кеңири атактуулукка жетип, киносынчылар тарабынан жогору бааланган, ошондой эле ал "Алтын глобус " сыйлыгынын "Эң мыкты актер" номинациясынын жана АКШнын киноактерлор гильдиясы сыйлыгынын "Башкы актердун көрүнүктүү роль аткаруусу" номинациясынын жана BAFTA сыйлыгынын "Эң мыкты актер" номинациянын талапкери болгон.

Other Languages
Afrikaans: Jake Gyllenhaal
العربية: جيك جيلنهال
asturianu: Jake Gyllenhaal
azərbaycanca: Ceyk Cillenhol
Bikol Central: Jake Gyllenhaal
български: Джейк Джилънхол
čeština: Jake Gyllenhaal
español: Jake Gyllenhaal
français: Jake Gyllenhaal
hrvatski: Jake Gyllenhaal
Bahasa Indonesia: Jake Gyllenhaal
italiano: Jake Gyllenhaal
lietuvių: Jake Gyllenhaal
Nederlands: Jake Gyllenhaal
português: Jake Gyllenhaal
română: Jake Gyllenhaal
srpskohrvatski / српскохрватски: Jake Gyllenhaal
Simple English: Jake Gyllenhaal
slovenčina: Jake Gyllenhaal
slovenščina: Jake Gyllenhaal
српски / srpski: Џејк Џиленхол
Basa Sunda: Jake Gyllenhaal
Türkçe: Jake Gyllenhaal
українська: Джейк Джилленгол
Tiếng Việt: Jake Gyllenhaal
მარგალური: ჯეიკ ჯილენჰოლი
粵語: 積佳蘭賀