Дуралюмин

Дуралюмин, дюралюминий, дюраль (нем. Duren; Дюрен – куйманы өнөр жайлык жол менен алуу башталган шаардын аталышы жана алюминий) – алюминийдин Си (3–5 %), Mg (0,4—2,4%) жана Мn (0,3—1%) менен болгон куймасы. Дуралюмин – алгачкы кеңири колдонулган, деформациялануучу алюминий куймасы. Чыңалган дуралюминди табигый шартта эскирткенде, анын бекемдиги артары белгилүү болгон. Дуралюмин 500°Сна жакын температурадагы суюктукта чыңалат да, 4 сутка бою табигый шартта же 190°Сна жакын температурада жасалма түрдө эскиртилет. Ушундай термиялык жол менен иштетүүдөн кийин дуралюминдин ар түрдүү маркаларынын бекемдик чеги 400–500 Мн/м2га (40–50 кг/мм2) жетет. Үзгүлтүктүү куюу ыкмасы менен дуралюминден уютмалар алынат да, алар басым аркылуу (чоюп, созуп, ныктап жана башка) иштетилип, плита, калдыркан, түтүк, жоон зым жана башка даярдалат. Башка алюминий куймалары менен катар дуралюмин авиацияда, транспортто, машина курууда жана техниканын башка тармактарында кеңири колдонулат.

  • Колдонулган адабияттар

Колдонулган адабияттар

“Кыргызстан”. Улуттук энциклопедия: 1-том. Башкы ред. Асанов Ү. А., Б.: Мамлекеттик тил жана энциклопедия борбору, 2006. ISBN 9967—14— 046—1

Other Languages
العربية: ديورالومين
asturianu: Duraluminiu
беларуская: Дзюралюміній
български: Дуралуминий
català: Duralumini
čeština: Dural
Deutsch: Duraluminium
English: Duralumin
Esperanto: Duraluminio
español: Duraluminio
français: Duralium
Gaeilge: Dúralúman
galego: Duraluminio
hrvatski: Duraluminij
italiano: Duralluminio
한국어: 두랄루민
lietuvių: Duraliuminis
Nederlands: Duraluminium
occitan: Duralium
polski: Duraluminium
português: Duralumínio
română: Duraluminiu
русский: Дюралюминий
srpskohrvatski / српскохрватски: Duraluminij
Simple English: Duralumin
slovenčina: Dural
slovenščina: Duraluminij
српски / srpski: Дуралуминијум
svenska: Duraluminium
українська: Дюралюміній
oʻzbekcha/ўзбекча: Dyuralyuminiy
Tiếng Việt: Đura
中文: 杜拉鋁