Homo georgicus

ქართველი ადამიანი ( ლათ. Homo georgicus) — ადამიანის სახეობა, გარდამავალი ფორმა მარჯვე ადამიანსა (Homo habilis) და გამართულ ადამიანს (Homo erectus) შორის.

ადამიანის ნაშთები, რომელიც დაახლოებით 1.8 მილიონი წლისაა, აღმოაჩინეს 1991 წელს საქართველოში, დმანისში. ეს ევროპაში აღმოჩენილი ადამიანის უძველესი ნაშთებია.

ჩონჩხის ნაწილები აღმოაჩინეს 2001 წელს. განამარხებული ძვლები არის დაახლოებით 1.8 მილიონი წლის. ჩონჩხის ნარჩენები პირველად 1991 წელს აღმოაჩინა ქართველმა მეცნიერმა დავით ლორთქიფანიძემ, რომელსაც თან ახლდა საერთაშორისო მკვლევართა ჯგუფი. უძველესი ადამიანის ნარჩენებთან ახლოს ნაპოვნია იარაღები და ცხოველების ძვლები.

თავდაპირველად მეცნიერები ფიქრობდნენ, რომ მათი ნაპოვნი ქვედა ყბის ძვლები ჰომო ერგასტერს ეკუთვნოდა, თუმცა ზომებს შორის სხვაობამ ისინი დაარწმუნა იმაში, რომ ნარჩენები სხვა სახეობას ეკუთვნოდა და საჭირო გახდა ახალი ტერმინის შემოღება - ჰომო გეორგიკუსი.

პატარა თავის ქალა

დაახლოებით 600 კუბური სანტიმეტრი ტვინის მოცულობის მქონე თავის ქალა დათარიღებულია 1.77 მილიონი წლით და ის საკმაოდ კარგ მდგომარეობაშია. ეს არის ყველაზე პატარა და პრიმიტიული თავის ქალა, რაც კი აღმოუჩენიათ აფრიკის საზღვრებს გარეთ.

აფრიკაში Australopithecines და ადრეული Homo წარმოადგენენ ორ გამორჩეულ ევოლუციურ გზას, რომელთაც ჰყავთ საერთო წინაპრები.  საქართველოში აღმოჩენილი თავის ქალის ნიმუშები, რომლის ტვინიც ზომით თანამედროვე ადამიანის ტვინის ნახევარი უნდა ყოფილიყო, მიიჩნეოდა ყველაზე პატარა თავის ქალად, სანამ 2003 წელს არ აღმოაჩენდნენ Homo floresiensis ფლორესის კუნძულზე.

არსებობს მკვეთრი სქესობრივი დიმორფიზმი, მამაკაცები ბევრად უფრო დიდები არიან ქალებთან შედარებით. ეს ნაკლებად შეიმჩნევა ადამიანის ახალ სახეობებში ევროპაში (მაგალითად, Homo antecessor, Homo heidelbergensis და Homo neanderthalensis).

ამ სახეობების პატარა ზომა კონტრასტს ქმნის გაცილებით დიდი ზომის ჰომო ერექტუსთან. ჰომო გეორგიკუსი იყო ჰომოს პირველი სახეობა, რომელიც დასახლდა ევროპაში ჰომო ერექტუსამდე დაახლოებით 800 000 წლით ადრე.

მოგვიანებით აღმოაჩინეს ოთხი განამარხებული ჩონჩხი. მათგან ერთი არის ყველაზე დიდი Pleistocene Homo ქვედა ყბის ძვლები, ყველაზე პატარა Lower Pleistocene ქვედა ყბის ძვლები, თითქმის ზრდასრული და თავის ქალა კბილების გარეშე.

Other Languages
العربية: إنسان جورجيا
azərbaycanca: Homo georgicus
تۆرکجه: گورجو آدام
български: Homo georgicus
čeština: Homo georgicus
español: Homo georgicus
français: Homo georgicus
Bahasa Indonesia: Homo georgicus
italiano: Homo georgicus
Lëtzebuergesch: Homo georgicus
Nederlands: Homo georgicus
português: Homo georgicus
tarandíne: Homo georgicus
Simple English: Homo georgicus
slovenčina: Človek gruzínsky
Türkçe: Homo georgicus
українська: Людина грузинська
Tiếng Việt: Homo georgicus