DJ Shadow

DJ Shadow
DJ Shadow tim festival.jpg
DJ Shadow, 2010
ბიოგრაფია
ნამდვილი სახელი ჯოშუა პოლ დეივისი
მეტსახელი DJ Shadow
დაიბადა 29 ივნისი, 1972 (1972-06-29) (45 წლის)
წარმოშობა სან-ხოსე, აშშ
ჟანრ(ებ)ი ჰიპ-ჰოპი, ტარნტეიბლიზმი, ტრიპ-ჰოპი, ელექტრონული მუსიკა
საქმიანობა პროდიუსერი, დისკ-ჟოკეი, მუსიკოსი
ინსტრუმენტ(ებ)ი ტარნტეიბლი, სინთეზატორი, სემპლერი
აქტიური 1989 - დღემდე
ლეიბლ(ებ)ი Mo'Wax, Quannum Projects, Solesides, MCA, Universal, Verve, Liquid Amber
ასოციაციები UNKLE, Cut Chemist
საიტი djshadow.com
Commons-logo.svg
ვიკისაწყობში ? არის გვერდი თემაზე:

ჯოშუა პოლ დეივისი ( ინგლ. Joshua Paul "Josh" Davis; დ. 29 ივნისი, 1972) [1] [2] უფრო ცნობილი, როგორც DJ Shadow — ამერიკელი პროდიუსერი და DJ. ის ცნობილია, როგორც ინსტრუმენტალური ჰიპ-ჰოპის ერთ-ერთი ფუძემდებელი და პირველი მუსიკოსი, რომელმაც გამოუშვა მთლიანად სემპლირებული ალბომი ( Endtroducing….., 1996). [3]

ისტორია

ადრეული წლები

DJ Shadow-მ მუსიკალური კარიერა დაიწყო როგორც დისკ-ჟოკეიმ კალიფორნიის უნივერსიტეტის კამპუსის რადიო სადგურზე KDVS. [4] [5] ამ პერიოდის განმავლობაში მან მნიშვნელოვანი წვლილი შეიტანა ექსპერიმენტალური ჰიპ-ჰოპის შექმნაში, რომელიც იმ დროს დაკავშირებული იყო ლონდონის ჩამწერ ლეიბლ Mo' Wax-სთან. მის ადრეულ სინგლებში, „In/Flux“ და „Lost and Found (S.F.L.)“, გაერთიანებული იყო ფანკის, როკის, ჰიპ-ჰოპის, ემბიენტის, ჯაზის და სოულის ელემენტები. ენდი პემბერტონმა, Mixmag-ის მუსიკალურმა რედაქტორმა, 1994 წლის ივნისში პირველად გამოიყენა ტერმინი „ტრიპ-ჰოპი“, რათა დაეხასიათებინა Shadow-ს სინგლი „In/Flux“ და მსგავსი ტრეკები, რომლებსაც იმ დროს ატრიალებდნენ ლონდონის კლუბებში. [6] მიუხედავად იმისა, რომ რთული იყო მუსიკის კლასიფიცირება, მისი წვლილი უდავოდ მნიშვნელოვანია ალტერნატიული ჰიპ-ჰოპისთვის. მან აღნიშნა, რომ Kurtis Mantronik, Steinski და Prince Paul იყვნენ სემპლირებული მუსიკის შთაგონებები.

Endtroducing.....

Shadow's პირველი სრულფორმატიანი ნამუშევარი, Endtroducing....., გამოვიდა 1996 წლის ბოლოს. 2001 წელს Endtroducing..... შევიდა გინესის მსოფლიო რეკორდების წიგნში, როგორც „პირველი მთლიანად სემპლირებული ალბომი“. [7] 2006 წლის ნოემბერში ჯურნალ Time-მა შეიყვანა ის სიაში „ყველა დროის“ 100 საუკეთესო ალბომი. [8] 2014-ის ნოემბერში ავტომწარმოებელმა Chevrolet გამოიყენა სემპლი DJ Shadow-ს სიმღერიდან „Building Steam With a Grain of Salt“ თავის სარეკლამო რგოლში. [9]

Preemptive Strike

1998 წელს Shadow-მ გამოუშვა Preemptive Strike, ადრეული სინგლების კომპილაციური ალბომი. ასევე ის იყო პროდიუსერი Unkle-ის სადებიუტო ალბომ Psyence Fiction-ის, რომელიც გამოვიდა მოგვიანებით იმავე წელს და რომლის ჩაწერაში მონაწილეობას იღებდნენ ცნობილი მუსიკოსები: ტომ იორკი ( Radiohead), რიჩარდ ეშკროფტი ( The Verve), Mike D ( Beastie Boys), Kool G. Rap, და ჯეისონ ნიუსტედი ( Metallica).

2002 წლის ივნისში გამოვიდა მეორე ალბომი The Private Press და მუსიკალური ვიდეო სიმღერაზე „Six Days“, რომლის რეჟისორი იყო ვონგ კარ-ვაი.

The Outsider

ალბომი The Outsider გამოვიდა 2006 წლის 18 სექტემბერს. ასევე გამოიცა სპეციალური CD ბოქს-სეტი, რომელშიც შედიოდა The Outsider, ალბომი CD-ზე და DVD Tour Visuals. The Outsider-მა, რომლის ჩაწერაში მონაწილეობდა რამდენიმე შემსრულებელი ადგილობრივი, სან-ფრანცისკოს, hyphy ჰიპ-ჰოპ მოძრაობიდან, არაერთგვაროვანი შეფასებები მიიღო. კრიტიკაზე პასუხის გასაცემად, DJ/პროდიუსერმა საკუთარ ბლოგში ახსნა, რომ ერთფეროვნება თავიდანვე არ შედიოდა მის გეგმებში და მისთვის აუცილებელი იყო ჟღერადობის, სტილის შეცვლა. [10] [11] DJ Shadow ასევე თანამშრომლობდა DJ Cut Chemist-თან. ერთად მათ შექმნეს სამი პოპულარული მიქსტეიპი: Brainfreeze, Product Placement და, ახლახან, The Hard Sell, რომლებმაც მოაქციეს ჯაზი, ფანკი და სოული ერთი კონცეფციის ჩარჩოში. ასევე ის თანამშრომლობდა რამდენიმე სხვა არტისტთან: Blackalicious, Zack de la Rocha, Keak Da Sneak, Mos Def, David Banner და Dr. Octagon. 2006 წელს მან ხელი მოაწერა შეთანხმებას Universal Records-თან. DJ Shadow-მ და Cut Chemist-მა 2008-ში ჩაატარეს ტურნე მიქსტეიპ The Hard Sell-ის მხარდასაჭერად.

The Less You Know, the Better

2011 წლის 4 ოქტომბერს გამოვიდა მეოთხე სტუდიური ალბომი The Less You Know, the Better, ლეიბლზე Verve Records. ისევე როგორც Shadow-ს წინა ნამუშევრები, ალბომი შეიცავს უამრავ სხვადასხვა დროის და ჟანრის სიმღერის სემპლს.

Other Languages
العربية: دي جاي شادو
български: Диджей Шадоу
català: DJ Shadow
čeština: DJ Shadow
dansk: DJ Shadow
Deutsch: DJ Shadow
Ελληνικά: DJ Shadow
English: DJ Shadow
español: DJ Shadow
فارسی: دی‌جی شدو
suomi: DJ Shadow
français: DJ Shadow
magyar: DJ Shadow
italiano: DJ Shadow
日本語: DJシャドウ
қазақша: Диджей Шэдоу
한국어: DJ 섀도
Nederlands: DJ Shadow
norsk nynorsk: Dj Shadow
norsk: Dj Shadow
polski: DJ Shadow
português: DJ Shadow
русский: DJ Shadow
Simple English: DJ Shadow
svenska: DJ Shadow
українська: DJ Shadow