ჯეიკ ჯილენჰოლი

ჯეიკ ჯილენჰოლი
Gyllenhaal in 2016.jpg
დაბ. თარიღიჯეიკობ ბენჯამინ ჯილენჰოლი
19 დეკემბერი, 1980 (1980-12-19) (37 წლის)
ლოს-ანჟელესი, აშშ
საქმიანობამსახიობი
აქტიური1991-დღემდე
BAFTA

საუკეთესო მსახიობი კაცი მეორეხარისხოვან როლში

2005 — კუზიანი მთა

ჯეიკობ ბენჯამინ "ჯეიკ" ჯილენჰოლი (Jacob Benjamin "Jake" Gyllenhaal; დ. 19 დეკემბერი, 1980) — ამერიკელი მსახიობი. რეჟისორ სტივენ ჯილენჰოლისა და სცენარისტ ნაომი ფონერის ვაჟი. მისი უფროსი და, მეგი ჯილენჰოლი, ასევე ცნობილი მსახიობია.

ბიოგრაფია

ჯილენჰოლი დაიბადა ლოს-ანჯელესში, კალიფორნიაში. ხელოვანი ოჯახის შვილს მსახიობობა თავიდანვე მოსწონდა. სკოლა 1998 წელს დაამთავრა და ამავე წელს, სწავლა კოლუმბიის უნივერსიტეტში განაგრძო. მისი პირველი მნიშვნელოვანი როლი კინოფილმში 2001 წლის საკულტო ჰიტი „დონი დარკო“ იყო, რომელშიც ფსიქოლოგიური პრობლემებით დატვირთული მოზარდის როლი ითამაშა. 2004 წელს დენის ქუეიდთან ერთად ითამაშა ბლოკბასტერში „ზეგ“, რომელშიც კატასტროფული გლობალური გამყინვარების პერიოდში სტუდენტის როლი განასახიერა.

კარიერა

მომავალ მსახიობს ფილმები და როლების თამაში თავიდანვე იზიდავდა. მართალია, მშობლებს არ სურდათ შვილი მსახიობი ყოფილიყო, მაგრამ ჯეიკისთვის ეს პროფესია მიზნად იქცა და მისი პერსონაჟებით მაყურებელს თავი უკვე მეოცე საუკუნის ბოლო წლებში გააცნო. 2000-იანი წლებიდან თანდათან, ფილმებში პირველი ნაბიჯების შემდეგ, ის მთელ მსოფლიოში ცნობილი ჰოლივუდელი მსახიობი გახდა. ფილმებში გამოჩენამ მას გზა თეატრალური სამყაროსკენაც გაუხსნა და 2004 წელს რამდენიმე როლი ლონდონის თეატრშიც ითამაშა. მისი კარიერის განსაკუთრებული აღმავლობა და მსოფლიო მაყურებლისთვის მისი გაცნობა განაპირობა 2005 წელს გადაღებულმა ფილმმა „კუზიანი მთა, რომელშიც მან მთავარ როლი ჰით ლეჯერთან ერთად ითამაშა. ამ ფილმში, რომელმაც ორივე მსახიობს დიდი პოპულარობა მოუტანა, ჯილენჰოლი თამაშობს ჯეკ ტვისტის, გეი კოვბოის როლს. მსახიობისთვის ასევე ძალიან წარმატებული აღმოჩნდა ფილმები: „ზეგ“ (2004), „ტყვეები“ (2013), „ღამის ქვეწარმავალი“ (2014), „ევერესტი“ (2015), „ნგრევა“ (2016) და „სიცოცხლე“ (2017). კარიერის წარმატება მის ფინანსურ მდგომარეობაზეც აისახება, კერძოდ, ჟურნალ People-ის თანახმად ჯილენჰოლი ჰოლივუდის მაღალანაზღაურებად მსახიობებს შორის ერთ-ერთი პირველია და მისი საბანკო ანგარიში, 2017 წლის მონაცემებით, 96 მილიონ აშშ დოლარს შეადგენს.

პირადი და საჯარო ცხოვრება

მიუხედავად იმისა, რომ ჯილენჰოლს წლების მანძილზე უამრავი ცნობილი რომანი ჰქონდა, ის ამჟამად თავისუფალია. მსახიობი ყოველთვის კამერების ყურადღების ცენტრშია და მას ცნობილ სახეებთან ერთადაც ხშირად აფიქსირებენ. მას ურთიერთობა ჰქონდა ასევე ჰოლივუდელ მსახიობ კირსტენ დანსტთან და მომღერალ ტეილორ სვიფტთან. მას თითქმის ყოველთვის ჰყავდა და ჰყავს მეგობარი ქალი, მაგრამ მიუხედავად ამისა, ის დაქორწინებული არასდროს ყოფილა და ჯერჯერობით არც შვილები ჰყავს. ჯილენჰოლი ძირითად დროს პროფესიას უთმობს და ახერხებს, რომ ყოველ წელს ფილმებში მინიმუმ ორ ახალ სახეს ქმნის. პროფესიის გარდა მსახიობი აგრეთვე დაინტერესებულია პოლიტიკითაც.

Other Languages
Afrikaans: Jake Gyllenhaal
العربية: جيك جيلنهال
asturianu: Jake Gyllenhaal
azərbaycanca: Ceyk Cillenhol
Bikol Central: Jake Gyllenhaal
български: Джейк Джилънхол
čeština: Jake Gyllenhaal
español: Jake Gyllenhaal
français: Jake Gyllenhaal
hrvatski: Jake Gyllenhaal
Bahasa Indonesia: Jake Gyllenhaal
italiano: Jake Gyllenhaal
Кыргызча: Жейк Жилленхол
lietuvių: Jake Gyllenhaal
Nederlands: Jake Gyllenhaal
português: Jake Gyllenhaal
română: Jake Gyllenhaal
srpskohrvatski / српскохрватски: Jake Gyllenhaal
Simple English: Jake Gyllenhaal
slovenčina: Jake Gyllenhaal
slovenščina: Jake Gyllenhaal
српски / srpski: Џејк Џиленхол
Basa Sunda: Jake Gyllenhaal
Türkçe: Jake Gyllenhaal
українська: Джейк Джилленгол
Tiếng Việt: Jake Gyllenhaal
მარგალური: ჯეიკ ჯილენჰოლი
粵語: 積佳蘭賀