ურანოსი

ურანოსის კასტრირება კრონოსის (სატურნი) მიერ: ჯორჯო ვაზარის და ქრისტოფანო ჯერარდის ფრესკა, 1560 წელი (კოზიმო I მედიჩის დარბაზი, პალაცო ვეკიო, ფლორენცია).

ურანოსი (ბერძ. Οὐρανός) — ცის განმასახიერებელი უძველესი და უზენაესი ღვთაება. ზოგიერთი მითის თანახმად, ურანოსი გეამ შვა, ზოგის მიხედვით კი იგი მისი მეუღლეა. გეამ იგი ეროსის მეშვეობით გააჩინა. ურანოსთან ერთად სამყაროში პირველი მამრობითი ელემენტი შემოვიდა. ორივენი უძველეს ღმერთებს განეკუთვნებიან. თავად ურანოსი კი სამყაროს პირველი გამგებელი იყო. მან გეასთან ერთად შვა: ტიტანები, ჰეკატონქეიროსები, მთები, ზღვები, ციკლოპები, ნიმფები და ასხელიანები. მითებში ურანოსის შვილთა რიცხვი თორმეტიდან ორმოცდახუთამდე აღწევს. ურანოსი იყო ბოროტი ქმარი და მამა, მას სძულდა თავისი შვილები. ყოველ ახალშობილ ტიტანს დედამიწის დამალულ ადგილებში ამწყვევდა, რათა მათ არასოდეს ეხილათ დღის სინათლე, ურანოსი თავისი ბოროტებით ტკბებოდა, ამ ყველაფერმა განარისხა გეა, რადგანაც მისი წიაღი აივსო მისგანვე შობილი ბუმბერაზებით. მან თავისი უმრწემესი ძე, კრონოსი, მამის წინააღმდეგ წააქეზა, ადამანტისგან ვეებერთელა ნამგალი გაუკეთა და სათანადოდაც დაარიგა. მიმწუხრისას, როდესაც ურანოსი ყოველი მხრიდან შემოეფინა გეას, ჩასაფრებულმა კრონოსმა მამას ნამგლით ნაყოფიერების ასო მოჰკვეთა და ზურგს უკან მოისროლა. ურანოსის ფალოსიდან ჩამონადენმა სისხლის წვეთებმა უკანასკნელად გაანაყოფიერეს გეა, რომელმაც წლის დასალიერს შვა ერინიები, გიგანტები და მელიებად წოდებული ნიმფები. ხოლო თავად ფალოსი ჩავარდა ზღვაში, რომლის აქაფებული ზვირთებიდანაც დაიბადა მშვენიერი აფროდიტე.

ურანოსის შემდეგ უზენაესი ღვთაების სახელი დაიმკვიდრა კრონოსმა.

  • რესურსები ინტერნეტში

რესურსები ინტერნეტში

Other Languages
Afrikaans: Uranos
azərbaycanca: Uran (mifologiya)
Boarisch: Uranos
беларуская: Уран (бог)
български: Уран (митология)
brezhoneg: Ouranos
català: Úranos
čeština: Úranos
Deutsch: Uranos
Esperanto: Urano (dio)
eesti: Uranos
suomi: Uranos
français: Ouranos
furlan: Uran
Hawaiʻi: ʻUlano
magyar: Uranosz
հայերեն: Ուրանոս
Bahasa Indonesia: Uranus (mitologi)
日本語: ウーラノス
kalaallisut: Uranusi (guuti)
한국어: 우라노스
Lëtzebuergesch: Uranos
latviešu: Urāns (dievs)
македонски: Уран (митологија)
Nederlands: Ouranos
norsk nynorsk: Uranos
norsk: Uranos
occitan: Uranos
polski: Uranos
Piemontèis: Uran
português: Urano (mitologia)
srpskohrvatski / српскохрватски: Uran (mitologija)
Simple English: Uranos
slovenčina: Ouranos
slovenščina: Uran (mitologija)
српски / srpski: Уран (митологија)
svenska: Uranos
Kiswahili: Urano
українська: Уран (міфологія)
oʻzbekcha/ўзбекча: Uran (mifologiya)
Tiếng Việt: Uranus (thần thoại)
吴语: 乌拉诺斯
中文: 乌拉诺斯
粵語: 烏拉諾斯