დავიდ ტრეზეგე

დავიდ ტრეზეგე
David Trezeguet.jpg
პირადი მონაცემები
სრული
სახელი
დავიდ სერჟიო ტრეზეგე
დაბადების
თარიღი
15 ოქტომბერი, 1977 (1977-10-15) (40 წლის)
დაბადების
ადგილი
რუანი, საფრანგეთი
სიმაღლე1.90 მ
სათამაშო
პოზიცია
თავდამსხმელი
ახალგაზრდული კარიერა
1985–1993პლატენსე
პროფესიონალური კარიერა*
წლებიგუნდიმატჩი(გოლი)
1993–1995პლატენსე5(0)
1995–2010მონაკო93(52)
2000–2010იუვენტუსი245(138)
2010–2011ერკულესი31(12)
2011ბანიასი3(0)
2011–რივერ პლეიტი35(16)
2013-2014  ნიუელსი24(7)
2014პუნე სიტი9(2)
ეროვნული ნაკრები
1995-1996საფრანგეთი 18 წლ.12(15)
1996-1997საფრანგეთი 20 წლ.14(12)
1997საფრანგეთი 21 წლ.5(5)
1998-2008საფრანგეთი71(34)
* პროფესიონალურ კლუბებში გამოსვლა და გოლები მხოლოდ ეროვნული ლიგებისთვის იანგარიშება ბოლოს განახლდა: 15 მაისი 2013
‡ ეროვნული ნაკრების მატჩი და გოლი ბოლოს განახლდა: 26 მარტი 2008

დავიდ ტრეზეგე (ფრანგ. David Trezeguet; დ. 15 ოქტომბერი, 1977) — ვეტერანი ფრანგ-არგენტინელი ფეხბურთელი, მსოფლიოსა და ევროპის ჩემპიონი. 2014 წელს საფეხბურთო კარიერა პუნე სიტიში დაასრულა. დავიდმა საფეხბურთო კარიერა 8 წლის ასაკში პლატენსეს ახალგაზრდულ გუნდში დაიწყო, 17 წლის ასაკში კი პლატენზეს ძირითად გუნდში ჩაატარა 5 შეხვედრა, რასაც მოჰყვა მისი საფრანგეთის ლიგა 1-ის მონაწილე კლუბის, მონაკოში ტრანსფერი, სადაც მას თავდასხმაში პარტნიორობას უწევდა ტიერი ანრი. ტრეზეგემ ცოტა დრო მონაკოს სარეზერვო გუნდშიც გაატარა რათა სათამაშო პრაქტიკა და გამოცდილება მიეღო. 1996-97 წლების სეზონში, მონაკო გახდა საფრანგეთის ჩემპიონი, რითაც ასევე მოიპოვა 1997-98 უეფას ჩემპიონთა ლიგაში მონაწილეობის უფლება, სადაც ტრეზეგემ 9 თამაშიდან 4 გოლის გატანა შეძლო, ხოლო ქვეყნის ჩემპიონატის ამავე წლების სეზონში 27 თამაშიდან, 18 გოლი გაიტანა და ბომბარდირთა სიაში მეორე ადგილი დაიკავა. საერთო ჯამში მან მონაკოს მაისურით 93 თამაშიდან გაიტანა 52 გოლი, ქვეყნის ჩემპიონატში.

2000 წელს ტრეზეგე ტურინულმა კლუბმა, იუვენტუსმა გაიფორმა £20 მილიონის სანაცვლოდ. მან სერია A-ს პირველივე სეზონში 25 მატჩიდან 14 გოლი გაიტანა. მომდევნო სეზონში დავიდმა დიდი წვლილი შეიტანა სერია A-ს პირველი ადგილისთვის, მან გაიტანა 24 გოლი და დარიო ჰუბნერთან ერთად გაიყო პირველი ადგილი ბომბარდირთა დავაში. 2002-03 წლების სეზონში ტრეზეგემ ჩემპიონთა ლიგაშიც გამოიჩინა თავი - 10 მატჩიდან 8 გოლი, სადაც იუვენტუსი ფინალში 2-3 დამარცხდა მილანთან პენალტების სერიაში. როდესაც იუვენტუსი დაქვეითებულ იქნა სერია B-ში, ტრეზეგემ კლუბში დარჩენა გადაწყვიტა, მან 31 მატჩიდან 15 გოლი გაიტანა, იუვენტუსი გავიდა პირველ ადგილზე და დაბრუნდა სერია A-ში. დავიდმა ჯამში 245 მატჩი ჩაატარა და გაიტანა 138 გოლი სერია A-ში. 2010 წელს თავისუფალი აგენტის სტატუსით შეურთდა ესპანურ კლუბ ჰერკულესს, რომელიც ესპანეთის ლა ლიგაში მონაწილეობდა, ტრეზეგემ 31 მატჩიდან 12 გოლი გაიტანა, თუმცა ჰერკულესისთვის ლა ლიგაში ადგილის შენარჩუნება ვერ მოახერხა. 2011 წლის 30 აგვისტოს ცნობილი გახდა რომ ტრეზეგე თამაშს არაბულ გუნდ ბანიასში გააგრძელებდა, მაგრამ ტრავმის გამო მან მხოლოდ 3 მატჩის ჩატარება მოახერხა და დატოვა კლუბი. 2012 წელს გადავიდა მშობლიურ არგენტინაში, კერძოდ რივერ პლეიტში სადაც დღემდე ასპარეზობს.

ტრეზეგეს სანაკრებო კარიერაც შედეგიანი ჰქონდა, მან 71 მატჩიდან 34 გოლის გატანა შეძლო. მან ასევე საფრანგეთის ახალგაზრდულ 18 წლამდე, 20 წლამდე და 21 წლამდელთა ნაკრებებშიც გამოიჩინა თავი. ეროვნული ნაკრების მაისურით ის გახდა მსოფლიო ჩემპიონი 1998 წელსა და ევროპის ჩემპიონი 2000 წელს სადაც იტალიასთან ფინალში ტრეზეგემ გაიტანა გადამწყვეტი - ოქროს გოლი. ასევე 2006 წლის მსოფლიო ჩემპიონატის ვერცხლის პრიზიორი.

Other Languages
asturianu: David Trezeguet
беларуская: Давід Трэзегэ
български: Давид Трезеге
Esperanto: David Trezeguet
español: David Trezeguet
français: David Trezeguet
Bahasa Indonesia: David Trézéguet
italiano: David Trezeguet
latviešu: Davids Trezegē
Malagasy: David Trezeguet
македонски: Давид Трезеге
Nederlands: David Trezeguet
norsk nynorsk: David Trézéguet
Piemontèis: David Trezeguet
português: David Trezeguet
Runa Simi: David Trezeguet
română: David Trezeguet
srpskohrvatski / српскохрватски: David Trezeguet
Simple English: David Trezeguet
slovenčina: David Trezeguet
српски / srpski: Давид Трезеге
Türkmençe: Dawid Trezege
Türkçe: David Trezeguet
українська: Давід Трезеге
Tiếng Việt: David Trezeguet
粵語: 查斯古特