ამოს წინასწარმეტყველი

ამოს წინასწარმეტყველი

წმინდა ამოს წინასწარმეტყველიმართლმადიდებელი ეკლესიის წმინდანი, ხსენების დღე არის ძველი სტილით 15 ივნისი, ახალი სტილით — 28 ივნისი. თორმეტ მცირე წინასწარმეტყველთაგან მესამე, ქრისტეს შობამდე VII საუკუნეში ცხოვრობდა. ამ დროს ებრაელთა სახელმწიფო ორ სამეფოდ იყო დაყოფილი: იუდეად და ისრაელად. იერუსალიმში მეფობდა იუდეველთა მეფე ოზია, მათგან გამოყოფილ, ჭეშმარიტი ღვთისგან განმდგარ ისრაელთა ათ ტომს კი კერპთაყვანისმცემელი იერობოამ II განაგებდა. მან ბეთილში ოქროს ხბოს კერპი აღმართა და უსჯულოებაში ჩავარდნილ მთელ თავის სამეფოსთან ერთად მას ეთაყვანებოდა.

წინასწარმეტყველი ამოსი იუდეველი იყო, სოფელ თეკუიდან. ლიტონსა და უსწავლელ, მაგრამ მხურვალე რწმენითა და საღვთო მოშურნეობით გაძლიერებულ მწყემსს უფალმა საწინასწარმეტყველო მსახურებისათვის მოუწოდა და ისრაელში გაგზავნა სჯულის მაგინებელი იერობოამისა და მის გზა შეცდომილ მკვიდრთა სამხილებლად. ამოსი წინასწარ უცხადებდა მათ იმ უბედურებებს, რომელიც ისრაელის სამეფოსა და მის გარშემო მცხოვრებ წარმართ ხალხს უნდა დასტყდომოდა თავს უღმრთოებისთვის. ამის გამო მრავალჯერ უხდებოდა გვემისა და დევნის დათმენა, მაგრამ იგი კვლავ უბრუნდებოდა ბეთილს, ისრაელელებს მოწევნილ რისხვას მოაგონებდა და სინანულისკენ მოუწოდებდა. წინასწარმეტყველი განსაკუთრებით სძულდა საკერპოს ქურუმს, ამასიას. ამოსმა კერპთმსახურსა და მთელ მის სახლეულს აღსასრულის მოახლოება უწინასწარმეტყველა. ამასიას ვაჟმა, ოზიამ წმიდანს ხელკეტი ჩასცხო თავში და სასიკვდილოდ დაჭრა. სულთმობრძავმა წინასწარმეტყველმა გაჭირვებით მიაღწია მშობლიურ სოფელს და იქ გარდაიცვალა ქრისტეს შობამდე დაახლოებით 783 წელს.

  • ლიტერატურა

ლიტერატურა

  • „წმიდანთა ცხოვრება“, ტომი II, თბილისი, 2001 წ.
Other Languages
العربية: عاموس (نبي)
brezhoneg: Amos (profed)
català: Amós
čeština: Ámos
Esperanto: Amos (profeto)
español: Amós (profeta)
eesti: Aamos
فارسی: عاموس
suomi: Aamos
français: Amos (prophète)
Gaeilge: Ámós
galego: Amós
עברית: עמוס
Bahasa Indonesia: Amos
italiano: Amos (Bibbia)
lietuvių: Amosas
Malagasy: Amosa
Nederlands: Amos (profeet)
norsk nynorsk: Amos
norsk: Amos
português: Amós
русский: Амос (пророк)
slovenčina: Amos (prorok)
slovenščina: Amos (prerok)
српски / srpski: Амос
svenska: Amos (profet)
Kiswahili: Amosi
தமிழ்: ஆமோஸ்
українська: Амос (пророк)
اردو: عاموس
中文: 阿摩司