ამბროზია (გვარი)

Disambig-dark.svgსიტყვას „ამბროზია“ აქვს სხვა მნიშვნელობებიც, იხილეთ ამბროზია.

ამბროზია (Ambrosia) — ერთწლოვან და მრავალწლოვან მცენარეთა გვარი რთულყვავილოვანთა ოჯახისა. აქვს დატოტვილი ღერო და მორიგეობით ან მოპირისპირედ განლაგებული ფოთლები. მისი 30-მდე სახეობა ველურად იზრდება ამერიკაში. ზოგი შეტანილია ატლანტისა და წყნარი ოკეანეების კუნძულებზე, აგრეთვე ჩრდილოეთ ავსტრალიაში. სამხრეთ აზიაში, ევროპასა და აფრიკაში. ავშაფოთლიანი ამბროზია (Ambrosia artemisiifolia) გვხვდება ხორბლეულისა და სათოხნ კულტურებში; სამნაკვთიანი ამბროზია (Ambrosia trifida) - აფხაზეთში, კახეთში, განსაკუთრებით ლაგოდეხის რაიონში, გერანისა და თამბაქოს პლანტაციებში და მარცვლეულ კულტურებში; მრავალწლოვანი ამბროზია (Ambrosia psilostachya) - კულტურულ მცენარეებს შორის. სამივე სახეობა აბეზარი საკარანტინო სარეველაა, ასარევლიანებს თითქმის ყველა სასოფლო-სამეურნეო კულტურას, აშრობს და ფიტავს ნიადაგს, ამცირებს მოსავლიანობას, თავისი მსხვილი და უხეში ღეროებით ხელს უშლის პურეულის აღებას.

ბრძოლის ღონისძიებანი: ნაწვერალის აჩეჩვა, ნიადაგის ღრმად ხვნა, ჰერბიციდების გამოყენება და სხვა. ამბროზიის მტვერი იწვევს დაავადებას, რომელიც ცნობილია თივისმიერი ცხელების სახელით.

  • ლიტერატურა

ლიტერატურა

Other Languages
العربية: دمسيسة
Cebuano: Ambrosia
čeština: Ambrozie
dansk: Ambrosie
English: Ragweed
Esperanto: Ambrosio
español: Ambrosia
فارسی: کهنه‌واش
suomi: Tuoksukit
hrvatski: Ambrozija
қазақша: Ойраншөп
кырык мары: Амбрози (кушкыш)
Nederlands: Ambrosia
português: Ambrosia (gênero)
slovenščina: Ambrozija (rastlina)
svenska: Ambrosior
українська: Амброзія (рослина)
vèneto: Anbroxia
Tiếng Việt: Chi Cỏ phấn hương
Winaray: Ambrosia
მარგალური: ამბროზია
中文: 豚草屬