Gurat sisi

Lukisan gurat sisih ing iwak cucut
Sederetan sisik kanthi gurat sisih (tengah) ing iwak Rutilus rutilus.

Gurat sisih (Ingg.: lateral line, Lat.: linea lateralis) ya iku kaya déné indera peraba kang ana ing kéwan-kéwan vertebrata akuatik, utamanw ing iwak. Indera iki padatan kanggo ngerteni owahing getaran lan perobahan ing kolom banyu ing sakiteré. Kaprigelan ngindra iki mbok manawa awit anané modifikasi sèl-sèl epitelial, kang dikenal minangka sèl-sèl rambut, kang bisa ndeteksi pergeseran utawa perpindahan massa banyu akibat perobahan iwak utawa obahan liyané, lan ngowahine dadi impuls listrik lumantar sawijining sinapsis panampa rangsang.

Gegayutan karo fungsine, gurat sisih duwé peran wigati ing orientasi lingkungan, perilaku nggrombol, lan uga predasi. Ikan pemangsa tuladhané, kanthi migunakaké gurat sisih, bisa ngindra lan nglacak mangsane lumantar jejak vorteks, ya iku kaya déné turbulensi banyu kang ditinggalake iwak nalika nglangi rikat.

Gurat sisih, kaya déné arane, padatan keton minangka garis samar-samar ing sisih badan iwak, saka wewengkon sakiwa-tengené operkulum (tutup angsang) tekan mburi badan nganti pucuk buntut. Ing sapérangan spésies, organ pengindera ing gurat sisih iki owah fungsi dadi kaya déné elektroreseptor kang bisa ndeteksi impuls listrik ing kiwa-tengené iwak. Akeh-akèhé larva amfibia, lan uga diwasa saka sapérangan jinisé kang sejatine akuatik, ana sistem indera peraba mekanosensitif kang setara karo gurat sisih[1].

Cathetan suku

  1. Budelmann, Bernd U.; Bleckmann, Horst (1988). "A lateral line analogue in cephalopods: Water waves generate microphonic potentials in the epidermal head lines of Sepia and Lolliguncula". Journal of Comparative Physiology A 164 (1): 1–5. 3236259. 10.1007/BF00612711. 
Other Languages
Afrikaans: Sylyn
aragonés: Linia lateral
asturianu: Llinia llateral
български: Странична линия
English: Lateral line
Esperanto: Flanka linio
español: Línea lateral
eesti: Küljejoon
français: Ligne latérale
հայերեն: Կողագիծ
Bahasa Indonesia: Gurat sisi
italiano: Linea laterale
日本語: 側線
қазақша: Бүйір сызығы
Кыргызча: Каптал сызыгы
lingála: Mopanzí
lietuvių: Šoninė linija
Nederlands: Zijlijn
polski: Linia boczna
português: Linha lateral
română: Linie laterală
Simple English: Lateral line
slovenščina: Pobočnica
српски / srpski: Латерални систем
українська: Бічна лінія
Tiếng Việt: Cơ quan đường bên
中文: 体侧线