Frédéric Passy

Frédéric Passy.

Frédéric Passy (lair ing Paris, 20 Mèi 1822 – pati ing Neuilly-sur-Seine, 12 Juni 1912 ing yuswa 90 taun) inggih punika salah satunggaling ékonom saking Prancis lan salah satunggaling pamenang (sesarengan kaliyan Henri Dunant) Penghargaan Nobel Bedhamèn ingkang kapisanan ingkang dipunanugrahaken nalika taun 1901.[1]

Pakdhé Passy, Hippolyte Passy inggih punika mantri wonten ing kabinèt nalika jaman pamaréntahan Louis Philippe lan Louis Napoleon. Passy sinau kukum lan salajengipun dados akuntan wonten ing Dewan Nagara. Nanging, piyambakipun wangsul malih dhateng universitas saperlu ngangsu kawruh babagan ékonomi lan dados ékonom profésional nalika taun 1857.

Reputasinipun minggah kanthi esainipun Mélanges économiques lan satunggaling kuliah ingkang dipunparingaken wonten ing Universitas Montpellier lan nerbitaken Leçons d'économie politique. Piyambakipun inggih punika panganjur perdagangan bébas lan pangagum Richard Cobden. Nalika taun 1877 piyambakipun dados anggota Académie des sciences morales et politiques Prancis, satunggaling komponén Institut de France.[2]

Passy kagayut langsung wonten ing babagan pulitik, nganjuraken reformasi pendidikan lan ndhérék nyegah perang antawising Prancis lan Prusia ingkang ngrebutaken Luksemburg. Piyambakipun mbiyantu ndhirikaken Ligue internationale et permanente de la paix kanggé nyegah konflik ingkang mungkin kémawon konflik punika kalajengaken. Nalika organisasi punika dipunbubaraken akibat Perang Prancis-Prusia, Passy mbiyantu restrukturisasi malih minangka Société française des amis de la paix lajeng dados Société d'arbitrage entre les Nations ingkang dipunbentuk taun 1889.

Nalika taun 1881, piyambakipun menangaken pamilihan Bilik Deputi, ing pundi piyambakipun nganjuraken éwah-éwahan kabijakan asing lan reformasi perburuhan, kalebet legislasi wonten ing kacilakan indhustri. Piyambakipun menangaken pamilihan punika malih nalika taun 1886 nanging kalah nalika taun 1889. Piyambakipun ugi njurung sistem arbitrase konflik internasional, ingkang dipunilhami déning resolusi Randal Cremer ingkang nyiptakaken arbitrase antawising Amérika Sarékat lan Inggris. Nalika taun 1888, usahanipun saged ngasilaken pertemuan antawising anggota parlemen Britania lan deputi Prancis ingkang ngrembag konsèp arbitrase ingkang dipunwontenaken. Wonten ing taun candhakipun, Persatuan Antarparlemen dipundhirikaken kaliyan Passy minangka salah satunggaling pimpinanipun.[3]

Seratan lan sesorah Passy, nganjuraken perdamaian dipunsarujuki déning tiyang kathah. Nalika taun 1909, piyambakipun nerbitaken Pour la paix ingkang ndhaptaraken sajumlah organisasi perdamaian lan arbitrase ing pundi kémawon piyambakipun kagayut.

  • cathetan suku

Cathetan suku

Other Languages
العربية: فريدريك باسي
azərbaycanca: Frederik Passi
беларуская: Фрэдэрык Пасі
беларуская (тарашкевіца)‎: Фрэдэрык Пасі
български: Фредерик Паси
čeština: Frédéric Passy
français: Frédéric Passy
Bahasa Indonesia: Frédéric Passy
lietuvių: Frédéric Passy
Bahasa Melayu: Frédéric Passy
Nederlands: Frédéric Passy
norsk nynorsk: Frédéric Passy
پنجابی: فریڈرک پاسے
português: Frédéric Passy
Simple English: Frédéric Passy
slovenčina: Frédéric Passy
slovenščina: Frédéric Passy
Kiswahili: Frédéric Passy
Türkmençe: Fridrih Passy
татарча/tatarça: Фредерик Пасси
українська: Фредерік Пассі
Tiếng Việt: Frédéric Passy