Fosil

Jinise Fosil

Fosil ana pirang-pirang jinis, antarané ya iku:

1. Fosil kang arupa fragmen

Fosil jinis iki wujudé fragmen kang bisa owah lan ana uga kang tetep ora owah saka wujud asliné.

2. Fosil kang ora malih

Jinis fosil iki ora ana owah-owahane, tetep kaya wujud awalé.

3. Fosil kang owah

Ing fosil iki, wis ana owah-owahane, owah-owahane mau arupa:

• Permineralisasi: péranganing organisme ana kang kaisi mineral sekunder saka njaba.
• Replacement: material kang asli wis diganti déning material sekunder ing sajeroning fosil.
• Rekristalisasi: material kang alus ing mineral asli nyusun manèh ing njero kristal kang luwih gedhé tinimbang material sadurungé.

4. Fosil tipak

Fosil tipak dibedake dadi:

• rack, trail lan burrow

Track ya iku tipak kang arupa telapak, trail iku tipak kang arupa seretan, burrow iku tipak kang arupa dhudhukan saka organisme.

• Mold, Cast, dan Imprint

Mold iku cethakan saka fosil kang larut kabèh, cast iku mold kang diisi mineral sekunder kang mbentuk mirib kaya fosil asli.

• Cuprolite

Cuprolit iku fosil kang arupa telek kéwan. Saka telek iki bisa diteliti apa panganan, panggon urip, lan ukurane.

• Fosil kimia

Fosil kimia iku fosil kang arupa wujud kima ing jaman purba, kaya tipak asam organik.

5. Fosil indeks Fosil indek iku fosil kang minangka nuduhaké wektu géologi. Fosil iki ana 2, ya iku:

• Fosil kang duwé wektu dawa: fosil ana ing jaman-jaman watu kang urut.
• Fosil kang duwé wektu cendhak: fosil kang ana mung sawetara wektu, utawa ing sajaman watu, utawa mung ana ing sapérangan jaman.