Bathara Kamajaya

Samak buku édisi Kakawin Smaradahana saka Bali. Samak iki nudhuhaké Kamajaya kang diobong déning Bathara Guru/Siwah.

Bathara Kamajaya utawa Bathara Asmara iku déwa kang nguwasani rasa tresna lan karukunan sarta gadhah jejibahan nurunaké kanugrahan (wahyu) marang para titah manungsa ing marcapada. Déné déwa kang nguwasani rasa asmara iku bebisiké Bathara Asmara, putrané Bathara Guru klawan Bathari Umarakti.

Kahyangan Bathara Kamajaya ana ing Cakrakembang. Garwané asma Dèwi Ratih, putra putriné Bathara Soma. Bathara Kamajaya lan Dèwi Kamaratih kondhang rukuné, ora tau congkrah (padudon) padha bisané anggoné ngemong, padha tresnané, saéngga dadi lambang karukunané salaki rabi (basa Indonésia: suami-istri). Bathara Kamajaya tansah gegandhéngan runtang-runtung karo Bathari Kamaratih manuksma ing manungsa njaga tresna.

Miturut pedhalangan, Kamajaya iku putrané Hyang Ismaya lan Dèwi Sanggani. Sasedulur kabèh ana sepuluh kanthi urut-urutané: Sang Hyang Bongkokan, Sang Hyang Siwahoya, Wrahaspati, Yamadipati, Bathara Surya, Candra, Kuwera, Temboro, Kamajaya lan Sarmanawati iya Dharmastuti.

Dedegé Bathara Kamajaya

Wujudé Bathara Kamajaya iku yèn wayang gagrak Surakarta kaya Raden Janaka (Arjuna), rikmané digelung sapit urang, ngagem busana kadéwatan lan sepatu, déné wayang gagrak Ngayogyakarta pasuryané tumungkul/luruh kaya Arjuna nanging ngagem kethu oncit (kethu keyongan) ya iku tutup mustaka kang wujudé ubel-ubelan kain. Bathara Kamajaya pasuryané bagus, jagad ora ana kang timbang. Yèn ing marcapada kang bagusé tanpa tandhing iku Arjuna, nanging yèn ing kahyangan iya Bathara Kamajaya.

Other Languages
भोजपुरी: कामदेव
বাংলা: কামদেব
català: Kamadeva
Deutsch: Kamadeva
English: Kamadeva
Esperanto: Kamadeva
español: Kamadeva
हिन्दी: कामदेव
magyar: Kámadéva
Bahasa Indonesia: Kamajaya
ಕನ್ನಡ: ಕಾಮದೇವ
lietuvių: Kama (dievas)
मैथिली: कामदेव
മലയാളം: കാമദേവൻ
मराठी: कामदेव
नेपाली: कामदेव
Nederlands: Kamadeva
norsk nynorsk: Guden Kama
ଓଡ଼ିଆ: କାମଦେବ
ਪੰਜਾਬੀ: ਕਾਮਦੇਵ
polski: Kama (bóg)
português: Kamadeva
русский: Кама (бог)
српски / srpski: Кама (река)
svenska: Kama (gud)
தமிழ்: காம தேவன்
తెలుగు: మన్మథుడు
татарча/tatarça: Кама Ходае
українська: Камадева
中文: 伽摩