Basa baku

Basa baku (uga disebut dhialèk baku utawa dhialèk kabakokaké) iku varian basa sing dianggo déning wong-wong sajeroning wacana umum. [1] Utawa, basa baku iku varian basa sing ngalami pambakonan. Sarana lelakon iku, basa ditata saperlu digawé paramasastrané lan bausastrané lan ditulisaké tumrap pustaka-pustaka rujukan mangkono. [1] Lumrahé, varian basa sing dibakokaké iku dhialèk enggon-enggonan sing dicaturaké ing laladan punjering padagangan lan pamaréntahan awit tumuwuh kabutuhan marang basa kanggo kaperlon sing ngungkuli kabutuhan basa enggon-enggonan. Basa baku kena  plurisèntris [2] (contoné basa Arab, Inggris, Jerman, Parsi, Serbo-Kroasia, Prancis, Portugis, lan Spanyol) [3] utawa monosèntris (contoné basa Islan, Itali, [4] Jepang, [5] lan Ruslan [5]). [6] Basa tulis baku kala-kala ditembungaké sarana tembung  Jerman Schriftsprache.

Sipat

Siji-sijiné sarat varian basa bisa dadi baku iku manawa varian iku kerep dianggo ing papan-papan umum utawa ing wacana umum. [1] Panyiptaning basa baku prèskriptif lumantar kabutuhan marang katunggalan nasional (budaya, pulitik, lan sosial) saéngga butuh varian basa sing dibakokaké lan adhedhasar kasarujukan.[ butuh sitiran] Basa baku adaté nonjolaké:

  • Bausastra sing diakoni (éjaan lan kosatembung baku)
  • Paramasastra sing diakoni
  • Pangucap baku (tuturan dhidhikan)
  • Bebadan basa sing nemtokaké aturaning panganggoning basa; contoné Académie française utawa Real Academia Española
  • Status ( légal) mawa undhang-undhang (racaké minangka basa resmi)
  • Panganggo ing papan umum sing tumama (ing pangadilan, bebadan lègislatif, sekolah)
  • Kanon sastra
  • Tuturan sarwa guna [7]
  • Turutan sing kaloka lan tinampa ing masarakat [7]
  • Cacah jiwa [7]
  • Tuturan sing dianggo ing siyaran lan médhia pawarta
Other Languages
Alemannisch: Standardsprache
العربية: معيرة لغة
български: Книжовен език
Cymraeg: Iaith safonol
Esperanto: Norma lingvo
suomi: Yleiskieli
français: Langue standard
עברית: שפה תקנית
हिन्दी: मानक भाषा
Bahasa Indonesia: Bahasa baku
íslenska: Ritmál
italiano: Lingua standard
日本語: 標準語
한국어: 표준어
Кыргызча: Адабий тил
Limburgs: Sjtandaardtaal
Bahasa Melayu: Bahasa baku
Nederlands: Standaardtaal
norsk nynorsk: Målform
português: Norma culta
română: Limbă standard
sicilianu: Standarduluggìa
سنڌي: ٺيٺ ٻولي
srpskohrvatski / српскохрватски: Standardni jezik
slovenčina: Spisovný jazyk
slovenščina: Knjižni jezik
српски / srpski: Стандардни језик
Kiswahili: Lahaja sanifu
தமிழ்: தகுமொழி
татарча/tatarça: Стандарт тел
oʻzbekcha/ўзбекча: Adabiy til
中文: 标准语
Bân-lâm-gú: Piau-chún-gí