Skólasöngleikurinn

Skólasöngleikurinn

High School Musical
Leikstjóri	Kenny Ortega
Handritshöfundur	Peter Barsocchini
Framleiðandi	Don Schain
Leikarar	Zac Efron Vanessa Hudgens Corbin Bleu Ashley Tisdale Lucas Grabeel Monique Coleman
Dreifingaraðili	Disney Channel, Family
Frumsýning	20. janúar 2006
Lengd	97 mín.
Aldurstakmark	Leyfð öllum
Tungumál	enska
Ráðstöfunarfé	$4.200.000 (áætlað)
Undanfari	'
Framhald	' Skólasöngleikurinn 2'
Verðlaun
Heildartekjur
Síða á IMDb

Skólasöngleikurinn ( enska: High School Musical) er bandarísk sjónvarpsmynd frá Disney Channel sem kom út 20. janúar 2006. Hún hefur unnið Emmy-verðlaunin, og er fyrsta myndin í High School Musical-röðinni. Hún varð vinsælli en nokkur önnur kvikmynd frá Disney Channel, sem leiddi til þess að Skólasöngleikurinn 2 var gerð árið 2007 og High School Musical 3: Senior Year árið 2008. Fjórða myndin hefur verið tilkynnt og er hún í vinnslu. Lögin úr myndinni var best selda plata í Bandaríkjunum árið 2006.

HSM var myndin með mesta áhorfið á sínum tíma, með 7,7 milljón áhorfendur þegar hún var frumsýnd í Bandaríkjunum. Í Bretlandi horfðu 789.000 manns á frumsýninguna (og 1,2 milljón áhorfenda yfir alla fyrstu vikuna), sem gerði myndina að öðrum vinsælasta sjónvarpsdagskrárlið bresku Disney-stöðvarinnar það árið. 29. desember 2006 varð hún fyrsta Disney-stöðvarmyndin sem var sýnd á BBC.

Með söguþræði sem er lýst af höfundi og mörgum gagnrýnendum sem nútímaútgáfu af Rómeó og Júlíu er High School Musical saga um tvo menntaskólanema á 2. ári, sem koma úr mismunandi klíkum skólans — Troy Bolton ( Zac Efron, fyrirliði körfuboltaliðsins, og Gabriella Montez ( Vanessa Hudgens), falleg og feimin stúlka sem er nýkomin í skólann og er fyrirmyndarnemandi í stærðfræði og eðlisfræði. Saman fara þau í prufur fyrir aðalhlutverkin í skólaleikritinu upp á grín og koma öllum í skólanum á óvart. Þrátt fyrir tilraunir annarra nemenda til þess að eyðileggja drauma þeirra standast Troy og Gabriella þrýsting og neikvæðni og hvetja hina til þess að ekki „stick to the status quo“ (vera hrædd við að fara út af svæðinu sem þau hafa verið sett á og geti ekki verið neitt annað en það ...).

High School Musical var kvikmynduð í East High School sem er í Salt Lake City, Utah, í sal Murray-skólans og í miðbæ Salt Lake City. Murray-skólinn var m.a. líka leiksvið í myndum eins og Take Down (1978), Read It and Weep (2006), Minutemen (2008) og High School Musical: Get in the Picture (2008).