Santa Kitts e Nevis

Santa Kitts e Nevis
Federation of Saint Kitts and Nevis
Flag of Saint Kitts and Nevis.svgCoat of arms of Saint Kitts and Nevis (variant).svg
Standardo di Santa Kitts e NevisBlazono di Santa Kitts e Nevis
Nacionala himno:
O Land of Beauty!
LocationSaintKittsAndNevis.png
Urbi:
Chefurbo:Basseterre
· Habitanti:13.262 (2003)
Precipua urbo:Basseterre
Lingui:
Oficala lingui:Angliana
Guvernerio:
Tipo:Monarkio
· Rejino:Elizabeth la 2ma di Unionita Rejio
· Generala-guberniestro:Tapley Seaton
· Chefministro:Timothy Sylvester Harris
Surfaco: (207ma granda)
· Totala:261 km²
· Aquo:neglijebla %
Habitanti: (209ma granda)
· Totala:51.300 (2005)
· Denseso di habitantaro:164 hab./km²
Plusa informi:
Valuto:Dolaro di Estal Karibia
Veho-latero:sinistre
ISO:KN
KNA
659
Reto-domeno:.kn*
Precipua religio:kristanismo, 96,1%


Santa Kitts e Nevis esas mikra lando jacanta an Karibia. La plena nomo dil arkipelago esas Santa Christopher e Nevis. Kit es Angla familiara nomo por Christopher.

Bazala fakti pri Santa Kitts e Nevis.

Historio

Fadrique de Toledo kaptas Santa Kitts.
 Precipua artiklo: Historio di Santa Kitts e Nevis

Cirkume 500 yari ante l'arivo di Europani, indijeni habitis l'insuli. L'indijeni Kalinango, la lasta populo qua establisis su en l'insuli, arivis 300 yari ante l'Europani. L'arkipelago deskovresis da Cristoforo Colombo en 1493 e probable nomesis da lu segun lua patron-santo.

En 1538 Franca hugenoti establisis su en Santa Kitts, ma la Hispani destruktis la kolonio e deportis la transvivinti. En 1623 l'Angli establisis kolonio en l'insulo e pose la Franci. Angli e Franci unionis por konfrontar le Kalinago e facis gentocido kontre li en 1626. Tri yari pose, en 1629, Hispani komandita da Fadrique de Toledo invadis Santa Kitts ed ekpulsis l'Angli.

L'insulo Nevis koloniigesis dal Angli en 1628. De ibe, ol komencis koloniigar altra insuli, exemple Antigua, Montserrat, Anguila e Tortola. Britaniani okupis omna teritorio en 1814, e formacis kolonio nomizita St.Kitts-Nevis-Anguila.

Santa Kitts-Nevis-Anguila divenis autonoma en 1967. Anguila rebelesis e divenis separita kolonio en 1971. Santa Kitts e Nevis divenis nedependanta de Unionita Rejio ye la 19ma di septembro 1983.

Politiko

Santa Kitts e Nevis esas konstitucala monarkio. Elizabeth la 2ma di Unionita Rejio reprezentesas da Tapley Seaton, generala-guberniestro. La chefo di guvernerio esas la chefministro, qua elektesas da la generala-guberniestro, e ordinare esas la chefo dil partiso qua recevis la majoritato di la voti.

La parlamento (National Assembly) havas 14 o 15 membri, di qui 11 esas deputati qui elektesas dal populo por 5-yara periodo en elektala distrikti. L'altra 3 esas senatani qui elektesas da la generala guberniestro. La lasta membro dil parlamento esas la supera statala advokato (attorney-general, en Angla), qua esas membro ex officio.

La maxim alta korto esas la Supra Korto di Estal Karibia, kun sideyo en Santa Lucia. Un ek la judiciisti di la supra korto vivas en Santa Vincent. La konstituco di Santa Kitts e Nevis aprobesis ye la 22ma di junio 1983 ed adoptesis la sequanta dio[1].

Geografio

Mapo di Santa Kitts e Nevis.

L'insuli havas volkanal origino. La maxim alta monto dil arkipelago esas Mount Liamuiga (1.156 m) en Saint Christopher. La maxim alta monto di Nevis esas Mount Nevis (956 m). Nevis jacas 3 km sude de Saint Christopher (Santa Kitts). La total extenseso dil litoro esas 135 km.

Geologiale l'insuli esas yuna; la maxim olda roki probable formacesis 50 milion yari ante nun, dum Mioceno. Nevis komencis formacesar cirkume 3.45 milion yari ante nun, dum Plioceno.

La klimato esas tropikala temperata da marala venti. La pluvoza sezono eventas de mayo til novembro. Ne existas importanta fluvii en l'insuli.

Ekonomio

 Precipua artiklo: Ekonomio di Santa Kitts e Nevis

Turismo esas importanta fonto di revenuo.

Demografio

Santa Christopher o Santa Kitts, la maxim granda insulo, koncentras 80% de la habitantaro. La maxim grand urbo esas Basseterre, la chef-urbo. Altra importanta urbo esas Charleston.

Kulturo

Karnavalo en Santa Kitts eventas de la 18ma di decembro til la 3ma di januaro. En junio eventas festivalo di muziko en la lando.

Referi

  1. 1983 Saint Kitts and Nevis Constitution. URL vidita ye la 10ma di agosto 2014.


Stati e teritorii en Karibiana Maro
Antigua e Barbuda | Bahama | Barbados | Dominika | Dominikana Republiko | Grenada | Haiti | Jamaika | Santa Kitts e Nevis | Santa Lucia | Santa Vincent e Grenadini | Trinidad e Tobago
Dependanta teritorii: Anguila | Aruba | Virgin Insuli Britaniana | Guadelupa | Insuli Kaiman | Kuracao | Martinik | Montserrat | Navassa | Porto-Riko | Sant Maarten | Insuli Turks e Kaikos | Virgin Insuli Usana
Anciena Nederlandan Antili, nune parto di Nederlando: Bonaire | Saba | Sint Eustatius
Other Languages
Alemannisch: St. Kitts und Nevis
azərbaycanca: Sent-Kits və Nevis
žemaitėška: Sent Kitsos ėr Nevis
беларуская: Сент-Кітс і Невіс
беларуская (тарашкевіца)‎: Сьвяты Кітс і Нэвіс
বিষ্ণুপ্রিয়া মণিপুরী: সেন্ট কিট্‌স বারো নেভিস
Chavacano de Zamboanga: San Cristóbal y Nieves
Mìng-dĕ̤ng-ngṳ̄: Saint Kitts gâe̤ng Nevis
qırımtatarca: Sent Kitts ve Nevis
dolnoserbski: Saint Kitts a Nevis
Nordfriisk: St. Kitts an Nevis
गोंयची कोंकणी / Gõychi Konknni: सेंट किट्स आणि नेव्हिस
客家語/Hak-kâ-ngî: Saint Kitts lâu Nevis
hornjoserbsce: Saint Kitts a Nevis
Kreyòl ayisyen: Sen Kits ak Nevi
Արեւմտահայերէն: Սէյնթ Քիթս եւ Նեւիս
Bahasa Indonesia: Saint Kitts dan Nevis
Interlingue: Sant Kitts e Nevis
Lëtzebuergesch: Saint Kitts an Nevis
Lingua Franca Nova: San Kitts e Nevis
Bahasa Melayu: Santo Kitts dan Nevis
Plattdüütsch: St. Kitts un Nevis
norsk nynorsk: Saint Kitts og Nevis
Livvinkarjala: Sent-Kits da Nevis
Norfuk / Pitkern: Saint Kitts a' Nevis
Piemontèis: Saint Kitts e Nevis
संस्कृतम्: सेंट किट्
davvisámegiella: Saint Christopher ja Nevis
srpskohrvatski / српскохрватски: Saint Kitts i Nevis
Simple English: Saint Kitts and Nevis
српски / srpski: Сент Китс и Невис
SiSwati: IKhisinevi
татарча/tatarça: Сент-Китс һәм Невис
ئۇيغۇرچە / Uyghurche: سېنت كىتس ۋە نېۋىس
українська: Сент-Кіттс і Невіс
oʻzbekcha/ўзбекча: Sent Kitts va Nevis
vepsän kel’: Sent Kits da Nevis
Tiếng Việt: Saint Kitts và Nevis
Bân-lâm-gú: Saint Kitts kap Nevis