Leeuwarden

Leeuwarden

Leeuwarden (West-FrizianaLjouwert, Stadsfries: Liwwadden) esas urbo e municipo kun habitantaro 108.249 en Frizia, Nederlando.

Leeuwarden esas la chefurbo dil provinco Frizia.

La regiono esas kontinue habitata depos la 10ma yarcento.  Ol nomizesis Leeuwarden en la frua 9ma yarcento.  Ol esas la ekonomiala nabo di Frizia, situita en verda ed aquo-richa ambiento.

Leeuwarden esas olima rejala rezideyo e havas historiala urbo-centro, multa historiala edifici, granda butiko-centro kun placi e restorerii.  Leeuwarden esas la Europana Chefurbo di Kulturo 2018.

La Elfstedentocht (Turo di Dek-e-un Urbi), glacio-sketo-turo tra dek-e-un urbi en Frizia, komencis e finis en Leeuwarden.

La sequanta urbi en la municipo havas habitantari plu kam 1000 homi:  Leeuwarden, Grou, Goutum, Wergea, Jirnsum, Reduzum e Wirdum.  La municipo guvernesas da urbestro Ferd Crone e koalisuro de la partisi PvdA, CDA e GroenLinks.

Nomo

La nomo "Leeuwarden" unesme uzesis por Nijehove, la max importanta de tri vilaji (l'altra du esis Oldehove e Hoek) qui en la frua 9ma yarcento kombinesis aden Leeuwarden (Villa Lintarwrde c. 825).  La origino dil nomo esas necerta.   Historiisto ed arkivisto Wopke Eekhoff trovis entote 200 diferanta espelo-manieri, ek qui Leeuwarden, Liwwadden e Ljouwert ankore uzesas.

La duesma parto dil nomo esas facile explikebla: Warden, "artificala lojo-kolino" o *terpo.

La unesma parto dil nomo, leeuw, signifikas "leono" en moderna nederlandana.  Ica interpreto korespondas kun la blazono adoptita dal urbo.  Tamen, moderna nederlandana ne uzesis en ta regiono dum la Mezepoko, kande l'urbo nomesis Lintarwrde.

Ula experti asertas ke la nomo devenas de leeu-, korupturo di luw- ("shirmata kontre la vento) o de lee- ("aquo-voyo").

Historio

De Waag

La max anciena restaji di domi esas de la 2ma yarcento, do dum la Romana epoko, e deskovresis dum exkavo proxim la Oldehove.  Habitata kontinue depos la 10ma yarcento, la unesma refero al urbo kom populo-centro esas en germana fonti de 1285.  Situita alonge la  Middelzee, ol esis aktiva centro di marala komerco til la 15ma yarcento.

En 1901 La habitantaro dil urbo esis 32.203.  Pos longa okupo dal germana armeo, la Rejala Kanadana Dragoni desobediis direta komandi ye 15ma aprilo 1945, ed asaltis la forte defensita urbo, e rapide ekpulsis la germani.  La aniversario di ta liberigo celebresas da la Dragoni e dal urbo.

Leeuwarden esas la naskeyo di Mata Hari.

Geografio

Leeuwarden situesas en centrala Frizia.  Ol havas la sequanta vicineyi:

Leeuwarden, Grouw. Goutum, Warga, Irnsum, Roordahuizum, Wirdum,

Wartena, Wijtgaard, Lekkum, Snakkerburen, Hempens, Idaard, Friens,

Swichum, Warstiens, Miedum, Aegum, Teerns

Kulturo

Ye 6ma septembro 2013 Leeuwarden elektesis kom Europana Chefurbo di Kulturo por la yaro 2018.  La regiono havas 617 nacionala monumenti, 375 ikonala edifici, e multa parti dil urbo-centro protektesas pro lia historiala o futura arkeologiala valoro.  La max anciena monumenti, exemple la kirko  Jacobijnerkerk, existas de la 13ma yarcento.

La urbo esas hosto di multa eventi tra la yaro e havas plura muzei: la maxim granda esas la  Fries Museum, la olima palaco Princessehof, nun la  Nacionala Skulturo-Muzeo, la  Tresoar pri la friziana linguo, la olima karcero Blokhuispoort, nun eventeyo, la  Verzetsmuseum Friesland pri la germana okupo dum la Duesma Mondo-Milito, la  Natuurmuseum Fryslân, e muzeo pri la lokala skultisto Pier Pander.

Sint-Bonifatiuskerk

Famoza edifici en la urbo-centro inkluzas la Kanselarij (olima kancelereyo), la Stadhouderlijk hof, la Waag (olima komerco-centro),  Sint-Bonifatiuskerk (importanta kirko neogotika), e la inklinanta nefinita kirko,  Oldehove.

La max alta edifico en la urbo esas la 114-metra Achmeatoren (Achmea-turmo), konstruktita en 2001 e desegnita da Abe Bonnema - qua anke desegnis la Averotoren (77 m).  La historiala tren-staciono konstruktesis en 1863.

Transporto

Staciono Leeuwarden esas la chef-staciono di Leeuwarden.  La staciono finisesis ye 27ma oktobro 1863.  La unesma lineo vehis de Leeuwarden a Harlingen.  La staciono depose expansesis e nun anke inkluzas supermerkato, kuaferio, apoteko, librerio e floro-butiko.

Esas lokala, regionala e nacionala treni qui konektas la urbo al cirkumajo, la vicina provinci Groningen e Drenthe, e cetera Nederlando.  La altra stacioni en la municipo esas Leeuwarden Achter de Hoven, Leeuwarden Camminghaburen e Grou-Jirnsum.  Kinesma staciono Leeuwarden Werpsterhoek apertesos en 2018.

En Leeuwarden, esas 40 lokal, regional e national autobuso-servi provizata da kun destini en la urbo, ad altra urbi en Frizia, ed ad Alkmaar en Nord-Holando.  Esas anke sis regional autobuso-servi provizata da  Qbuzz adeste ad Oosterwolde e Drachten.

Other Languages
Afrikaans: Leeuwarden
aragonés: Ljouwert
العربية: ليوواردن
azərbaycanca: Leuvarden
беларуская: Леўвардэн
беларуская (тарашкевіца)‎: Леэўвардэн
български: Леуварден
brezhoneg: Leeuwarden
català: Ljouwert
čeština: Leeuwarden
Cymraeg: Ljouwert
dansk: Leeuwarden
Deutsch: Leeuwarden
Ελληνικά: Λέουβαρντεν
emiliàn e rumagnòl: Leeuwarden
English: Leeuwarden
Esperanto: Leeuwarden
español: Leeuwarden
eesti: Leeuwarden
euskara: Leeuwarden
فارسی: لیوواردن
suomi: Leeuwarden
føroyskt: Leeuwarden
Nordfriisk: Ljouwert (stää)
Gaeilge: Leeuwarden
Gàidhlig: Leeuwarden
galego: Leeuwarden
Gaelg: Ljouwert
客家語/Hak-kâ-ngî: Leeuwarden
עברית: ליוורדן
hrvatski: Leeuwarden
magyar: Leeuwarden
Bahasa Indonesia: Leeuwarden
íslenska: Leeuwarden
italiano: Leeuwarden
Basa Jawa: Leeuwarden
Latina: Leovardia
Limburgs: Leeuwarden
lietuvių: Leuvardenas
latviešu: Leuvardena
Baso Minangkabau: Leeuwarden
Bahasa Melayu: Leeuwarden
Plattdüütsch: Liwwadden
Nedersaksies: Liwwadden (stad)
Nederlands: Leeuwarden (stad)
norsk nynorsk: Leeuwarden
norsk: Leeuwarden
occitan: Leeuwarden
polski: Leeuwarden
português: Leeuwarden
Runa Simi: Leeuwarden
română: Leeuwarden
русский: Леуварден
sardu: Leeuwarden
Scots: Leeuwarden
srpskohrvatski / српскохрватски: Leeuwarden
Simple English: Leeuwarden
slovenčina: Leeuwarden
slovenščina: Leeuwarden
shqip: Leeuwarden
српски / srpski: Леуварден
Seeltersk: Ljouwert
svenska: Leeuwarden
Kiswahili: Leeuwarden
ślůnski: Leeuwarden
Türkçe: Leeuwarden
українська: Леуварден
اردو: لیوردن
Tiếng Việt: Leeuwarden
West-Vlams: Leeuwarden
Volapük: Leeuwarden
Winaray: Leeuwarden
吴语: 吕伐登
Zeêuws: Leeuwarden
中文: 吕伐登
Bân-lâm-gú: Leeuwarden (siâⁿ)
粵語: 呂華登