Klasifiko di klimati dil mondo.
Klimato envolvas statistiki pri temperaturi, atmosferala preso, venti, pluvi ed altra meteorogiala elementi de un regiono partikulara dum longa periodi di tempo. On povas kontrastar la klimato kun vetero, qua esas la prezenta stando de la sama elementi dum kurta periodo, ordinare un o du semani.
"Klimato" havas origino en Greka vorto klima, qua signifikas "tendenco". Ordinare klimato esas definita kom la "mezvalora vetero" dum longa periodo di tempo[1], ordinare la mezvalora informi di 30 yari[2] ma altra periodi povas uzesar, konforme ad intenco.
La klimato di un regiono afektesas per latitudo, altitudo, tereno, kovrilo da glacio o nivo e/o per la proximeso o la disto de granda fluvii, lagi, mari od oceani. Klimati povas klasifikesar segun mezvalora o tipala serii di diferenta varianti; maxim ordinare uzata esas la temperaturo e la pluvozeso. La maxim komuna metodo por klasifiko di klimati originale kreesis da Rusa meteorologiisto Wladimir Köppen, ed uzesas pos 1948.
