Ceará

Ceará
Bandeira do Ceará.svgBrasão do Ceará.svg
Chef-urboFortaleza
Brazil State Ceara.svg
Surfaco148 920 km²
Habitanti
Denseso di habitantaro
8 904 459 (2015)
59.79 hab./km²
GuberniestroCamilo Santana (PT)
Horala zonoUTC-3
TNP (yaro)108.8 miliardi (2013)
Retowww.ceara.gov.br

Ceará esas Braziliana stato. Ol jacas en Nord-estala regiono di la lando. Lua vicina stati esas Rio Grande do Norte e Paraíba este, Pernambuco sude, e Piauí weste. Norde jacas l'Oceano Atlantiko.

Bazala fakti pri Ceará.

Historio

Armi dil indijeni de Ceará

La teritorio di Ceará origine habitesis da diversa indijena grupi, exemple le Tabajara, Potyguara, Anacés, Kariri, Inhamum, Jucá, Kanindé, Tremembé, Paikaú ed altri, qui mantenis kambii di vari kun Europani, note Franci, ante l'arivo di Portugalani a la regiono, en 1534. Portugalani probis krear vilajeto proxim l'estuario dil fluvio Ceará en 1603, ma pro ke ne preparesis por longa periodo di sikeso, li abandonis ol. Franci duris operacar en la regiono, de lua bazi en Maranhão ed en Ibiapaba, ube li establisis kolonieto en 1590.

En 1612 Martim Soares Moreno komandis sucesoza expediciono por ekpulsar Franci de la regiono. La sama yaro, ilu konstruktis la fuorto São Sebastião. Nederlandani invadis la regiono du foyi: en 1637 ed en 1649. En 1637 li kaptis la fuorto, qua atakesis e destruktesis en 1644 dal indijeni, qui mortigis Nederlandana guberniestro Gedeon Morris e multa soldati. Nula Europano vivis en la regiono de 1644 til 1649, kande Nederlandano Matias Beck konstruktis la fuorto Schoonenborch an l'estuario dil fluvio Pajeú. En 1654, kande Nederlandani abandonis lia posedaji en Brazilia, anke la fuorto Schoonenborch abandonesis.

Mapo di Ceará en 1800.

Ceará esis parto de la kapitanio di Pernambuco de 1680 til 1799, kande la kapitanio di Ceará kreesis. Dum la nedependo-proceso di Brazilia, en 1822, eventis feroca lukti en Ceará, qua divenis provinco dil imperio Braziliana la sam yaro. En 1824 ol partoprenis en la movado Kunfederuro dil Equador, pri la nedependo di la regiono e kontre centrala guvernerio dil imperio.

Ceará esis un del unesma provinci di Brazilia qui abolisis la sklaveso, ante 1888. Dum la regno di Pedro la 2ma di Brazilia diversa substruktura verki konstruktesis en la regiono, quale l'unesma fervoyo en 1877-1878 e l'unesma barilo por prezervar l'aquo e permisar irigacado.

Kun la proklamo di la republiko en Brazilia en 1889, Ceará divenis stato. Dum l'Unesma republiko (1889 til 1930), quankam la stato sufris kun la forta sikesi, Fortaleza duris kreskar e developar ekonomiale e politikale, kontree l'altra regioni del stato. La stato recevis exterlanda enmigranti, note Portugalani e Siriani-Libanani. Dum ta epoko kreskis l'agado di kriminozi konocita kom cangaceiros (pronuncez "kangaseiros"), qui atakis e spoliis mikra urbi e rurala proprieti. De 1896 til 1912 la politiko en la stato kontrolesis dal familio Nogueira Accioly, qua establisis povoza oligarkio, qua finis kande li decidis suportar Domingos Carneiro por guvbernar la stato, kontre Franco Rabelo, kandidato di lore prezidanto di la republiko Hermes da Fonseca. La forta represo kontre demonstro di pueri kontre Domingos Carneiro stimulis la revolto dil habitantaro di Fortaleza e, pro to, Accioly renuncis e Franco Rebelo asumis povo.

En 1915 eventis forta sikeso en la stato, e multa personi ekmigris vers Amazoniana regiono.

Geografio

Fluvio Acaraú e l'urbo Sobral.
Chapada do Araripe proxim l'urbo Crato.

La reliefo di Ceará esas plana, cirkondata per plataji (chapadas) e montareti (serras), exemple Serra de Ibiapaba an la frontiero kun Piauí, kun altitudi inter 700 metri e 900 metri, la Chapada do Araripe sude, e la Chapada do Apodi este.

La fluvio Jaguaribe esas la maxim longa del stato (633 km). Lua baseno okupas cirkume 50% del areo dil stato. Altra importanta fluvio esas Acaraú, longa de 315 km. La maxim multa fluvii e riveri dil stato esas kurta, e multi desaparas komplete dum la sika sezono.

La klimato dil stato esas precipue miarida, kun admaxime 4 monati di pluvoza sezono, ed alta temperaturi dum preske omna yaro. La temperaturo varias de 22°C til 36°C. En la litoro la klimato esas humida.

Ekonomio

La sektoro di servadi reprezentis 56,7% de la KLP, dum ke l'industrio reprezentis 37,9% e l'agrokultivo reprezentis 5,4% de la KLP en 2004. La precipua produkturi por exportacajo esis pedovesti (20.3%), krustacei (17,6%), texuro di kotono (16,9%), anakardo* (14,7%), ledro (13,1%), frukti, suki e mielo (5,4%) en 2002.

Referi

Other Languages
Afrikaans: Ceará
العربية: سيارا
asturianu: Ceará
Aymar aru: Ceara Istadu
azərbaycanca: Seara
беларуская: Сеара
български: Сеара
বিষ্ণুপ্রিয়া মণিপুরী: কিয়েরা
brezhoneg: Ceará
bosanski: Ceará
català: Ceará
corsu: Ceará
čeština: Ceará
Cymraeg: Ceará
dansk: Ceará
Deutsch: Ceará
Ελληνικά: Σεαρά
emiliàn e rumagnòl: Ceará
English: Ceará
Esperanto: Cearao
euskara: Ceará
فارسی: سئارا
suomi: Ceará
français: Ceará
Gaeilge: Ceará
galego: Ceará
Avañe'ẽ: Siara
客家語/Hak-kâ-ngî: Ceará-chû
עברית: סיארה
हिन्दी: सियारा
hrvatski: Ceará
magyar: Ceará
interlingua: Ceará
Bahasa Indonesia: Ceará
íslenska: Ceará
italiano: Ceará
日本語: セアラー州
ქართული: სეარა
қазақша: Сеара
한국어: 세아라주
kernowek: Ceará
Latina: Siarensis
Ladino: Ceará
Limburgs: Ceará
lietuvių: Seara
latviešu: Seara
Malagasy: Ceará
македонски: Сеара
मराठी: सियारा
Bahasa Melayu: Ceará
Nederlands: Ceará
norsk nynorsk: Ceará
norsk: Ceará
occitan: Ceará
Ирон: Сеара
polski: Ceará
Piemontèis: Cearà
پنجابی: کیارا
português: Ceará
Runa Simi: Ceará suyu
română: Ceará
русский: Сеара
Scots: Ceará
srpskohrvatski / српскохрватски: Ceará
Simple English: Ceará
slovenčina: Ceará
српски / srpski: Сеара
svenska: Ceará
Kiswahili: Ceará
தமிழ்: சியாரா
tetun: Ceará
тоҷикӣ: Сеара
Türkçe: Ceará
українська: Сеара
اردو: سئیرا
oʻzbekcha/ўзбекча: Seara
vèneto: Ceará
Tiếng Việt: Ceará
Volapük: Ceará
Winaray: Ceará
Yorùbá: Ceará
中文: 塞阿腊州
Bân-lâm-gú: Ceará
粵語: 塞阿拉州