Amnestio Internaciona

Protesto di Amnestio Internacionala kontre l'existo di Usana karcerala centro en Guantánamo.

Internaciona Amnestio, IA, od Angle Amnesty International, AI esas internaciona neguvernala organizuro qua laboras por defensar la homala yuri en la tota mondo, segun la texto di l'Universala deklaro pri homala yuri ed altra internaciona kontrati. Ol fondesis en 1961 dal Britaniana advokato Peter Benenson[1]. Benenson lektis pri Portugalana studenti enkarcerigita por defensar lia idei ed, indignita, il skribis alegajo pri lia defenso[1]. Benenson publikigis lua texto en 1961 sub la titulo The Forgotten Prisoners ("l'obliviita karcerani") en l'Angla jurnalo The Observer, e to esis l'origino dil organizuro, qua komence havis la nomo Amnestio 61. Lua unesma renkontro eventis ye julio sam yaro, kun delegitari de Belgia, Unionita Rejio, Usa, Republiko di Irlando, West-Germania e Suisia. Nuntempe ol existas en multa landi.

L'unesma oficala raporto di Internaciona Amnestio esis pri la karceri de Sudafrika dum Apartheid-rejimo. Ol publikigesis en 1965, un yaro pos la celebro di un judicio qua desvelizis la sistemal uzo di tormento da Sudafrikana polico kontre negri enkarcerigita, dum la policala inquesti. Kelka personi mortis pro intensa tormenti. Ank en 1965 altra du raporti - pri la situesi en Portugal dum la rejimo Salazarista, ed en Rumania dum la rejimo komunista - lansesis. La sequanta yaro ol lansis raporto pri la rasista rejimo en Rhodezia.

L'organizuro recevis Nobel-premio pri paco en 1977.

Skopi

La precipua skopi di IA esas:

  • defensar libereso di kredo
  • demandar yusta judicii por politikala karcerani
  • aboliso di tormenti
  • denuncar asasini kun politikala skopi
  • aboliso di mortopuniso
  • kondamnar kidnapi, tormenti kontre gajo-homi e l'asasino di karcerani, ed anke kondamnar gentocidi ed altra sango-krimini
  • helpar exilita personi qui subisas minaci pri lia fundamentala yuri en extera landi, edc.
Other Languages
azərbaycanca: Amnesty International
беларуская: Amnesty International
беларуская (тарашкевіца)‎: Міжнародная амністыя
Bahasa Indonesia: Amnesty International
ქართული: Amnesty International
Bahasa Melayu: Amnesty International
norsk nynorsk: Amnesty International
پنجابی: ایمنیسٹی
русский: Amnesty International
srpskohrvatski / српскохрватски: Amnesty International
Simple English: Amnesty International
slovenščina: Amnesty International
татарча/tatarça: Amnesty International
українська: Amnesty International
Tiếng Việt: Ân xá Quốc tế