Charles Édouard Guillaume

Charles Édouard Guillaume
Guillaume 1920.jpg
Naiyanak(1861-02-15)15 Pebrero 1861
Fleurier, Suisa
Natay13 Mayo 1938(1938-05-13) (tawen 77)
Sèvres, Pransia
PakipagilianSuiso
Alma materETH Zurich
Nakaam-ammuanInvar ken Elinvar
Dagiti gungunaMedalia ni John Scott (1914)
Premio Nobel iti Pisika (1920)
Sientipiko a pagsapulan
Dagiti pagobraanPisika
Dagiti patakderBureau International des Poids et Mesures, Sèvres
Urnosen dagiti datos iti Wikidata

Ni Charles Édouard Guillaume (15 Pebrero 1861, Fleurier, Suisa – 13 Mayo 1938, Sèvres, Pransia) ket maysa idi a Suiso a pisiko a nagungunaan iti Premio Nobel iti Pisika idi 1920 para iti pannakabigbigna iti serbisio a naitedna kadagiti panagrukod iti pisika babaen iti panagduktalna kadagiti anomalia dagiti aloy ti nikel ken landok.

Ni Guillaume ket naam-ammuan pay para iti panagduktalna kadagiti aloy ti nikel ken landok a ninagananna iti invar ken elinvar. Ti invar ket addaan iti asideg iti sero a koepisiente iti termal a panagpadakkel, a nangaramid a naserbi daytoy iti panagaramid kadagiti presision nga instrumento a dagiti dimensionda ket nasken a natalinaay urayno agdumaduma dagiti temperatura. Ti elinvar ket addaan iti asideg it isero a koepisiente iti modulus iti elektrisidad, a nangaramid a naserbi daytoy iti panagaramid kadagiti instrumento nga addaan kadagiti spring a nasken a saan a maapektaran kadagiti agdumaduma a temperatura, a kas ti kronometro ti marina. Ti elinvar ket saan pay a magnetiko, nga isu daytoy ket sekondario a naserbi a tagikua para kadagiti antimagnetiko a relo.

Kas anak ti Suiso a horologo, ni Guillaume ket nagay-ayat kadagiti kronometro ti marina. Para iti panag-usar a kas ti kompensasion iti balanse, isu ket nagparang-ay iti sabali a kita ti aloy ti invar nga addaan iti negatibo a kuadratiko a koepisiente iti panagpadakkel. Ti panggep iti panagaramid iti daytoy ket ti panagikkat iti biddut ti "tengnga a temperatura" iti balanse ti pilid.[1]

Ni Guillaume ket daulo idi ti International Bureau of Weights and Measures.[1] Isu ket kimmaddua a nagobra kenni Kristian Birkeland, ken nagserbi idiay Observatoire de Paris—Section de Meudon. Isu ket nagaramid kadagiti nadumaduma nga eksperimento kadagiti termostatiko a panagrukod idiay obserbatorio. Isu ti immuna a husto a nangikeddeng ti temperatura ti limbang.

Ni Guillaume ket inasawana ni A.M. Taufflieb idi 1888, ken nagannakda iti tallo.

Other Languages
беларуская: Шарль Эдуар Гіём
български: Шарл Едуар Гийом
Bahasa Indonesia: Charles Guillaume
latviešu: Šarls Gijoms
македонски: Шарл Едуар Гијом
oʻzbekcha/ўзбекча: Charles Édouard Guillaume
українська: Шарль-Едуар Гійом