Seculo 17

Seculo 17
instantia de: seculo
parte de: 2nd millennium[*]


precedite per: Seculo 16 , succedite per: Seculo 18
initio: 1601 , fin: 1700
Commons: 17th century

Le seculo 17 o le seculo XVII es un seculo passate, in accordo con le calendario gregorian. Illo comenciava le 1 de januario 1601, e finiva le 31 de decembre 1700. In le uso popular, iste periodo extende del 1 de januario 1600 a 31 de decembre 1699. Le seculo indurava un minimo climatic verso 1650 in le Hemispherio Nord, con consequentias sever pro agricultura.

Samurai como iste (Miyamoto Musashi, auto-portrait) esseva combattentes central in le guerras que resultava in le shogunato de Tokugawa Ieyasu.

In Asia del Est, le seculo es marcate per le consolidation del poter static central e clausura exterior. Desde 1618, le dynastia Ming es menaciate per un rebellion manchu e mongol sub Nurhachi, cuje hereditor Shunzhi compliva le conquesta del China in 1644, establiente le forte dynastia Qing. Shunzhi prosequeva un politica limitante le commercio e navigation chinese verso le exterior. China suffreva anque un collapso demographic, perdente 30% de su population. In Japon, le seculo 17 coincide al comenciamento del «epocha de Edo», a saper le periodo del assendentia del shogunes Tokugawa (desde 1600), marcate per un autarkia commercial, diplomatic e cultural (sakoku) e un feudalismo rigide.

Le Taj Mahal, mausoleo constructe per le imperator mughal Shah Jahan pro su uxor Mumtaz Mahal.

Post le morte de Akbar, India viveva le apogeo continuate del Imperio Mughal con le imperatores Jahangir, Shah Jahan e Aurangzeb. Le mughales patronisava le cultura indo- persan e islamic. Lor imperio esseva prospere, con centros urban floriente; lor nautas frequentava le costas swahili e chinese.

Le Castello de Bon Esperantia, constructe per le nederlandeses in le Citate del Capo, es representative del nove unde de colonisation europee e del ephemere ascendentia naval del Pais Basse.

In Europa, le seculo es marcate per le grande disruptiones del Guerra de Trenta Annos ( 1618- 1648), que affligeva le quasi-totalitate de statos europee salvo Anglaterra e Russia. Le guerra causava un importante depopulation e le fin del Sacre Imperio Roman como poter major. Anglaterra, Scotia e Irlanda superviveva tres grande transformationes politic: le constitution de un republica sub Oliver Cromwell, le restoration del monarchia sub Carolo II, e le «Gloriose» Revolution de 1688. Isto fixeva definitivemente le character del stato como un systema mixte ( parlamentari e monarchic) in qual protestantismo esseva dominante. Al mesme epocha, absolutismo deveniva le doctrina politic dominante trans le continento europee, e notabilemente in Francia ubi le poter royal se consolidava post le guerra civil del Fronde. Le «rege-sol» Louis XIV incarnava le plus alte disveloppamento del absolutismo; de plus, ille expulseva le protestantes ab Francia e persequeva le judeos post le revocation del Edicto de Nantes in 1685. In Europa del est, le seculo 17 marcava le etate de auro del Republica del Duo Nationes ( Polonia e Lituania) e le continuation del ascendentia ottoman, directe notabilemente per le Grande Vesires del familia Köprülü. Sub Gustavo Adolpho, Svedia rivalisava a Russia pro le suprematia in le region del Mar Baltic. Le Pais Basse se imponeva como un poter commercial e naval del prime ordine, displaciante le portugeses in le Indias.

Un monumento a Zumbi, fundator del regno de ex-sclavos de Palmares.

Colonisation europee del Americas cresceva, con le establimento de nove colonias per le fanceses, angleses, nederlandeses e svedeses. Nove Francia e Sancte Dominico deveniva centros de influentia e ricchessa francese, durante que le Dece-Tres Colonias anglese attingeva rapidemente un grande peso demographic. Altere colonias como Barbados, Jamaica, le Guyanas e Pernambuco debeva lor importantia al industrias de sucro que se implantava la. Le Compania anglese del Indias Oriental, fundate in 1600, establiva factorias a character ambe mercantil e militar in India, includente Surat, Madras, Bombay e Calcutta. Altere poteres europee establiva lor proprie Companias del Indias Oriental pro avantiar lor interesses. Typic de iste epocha de mercantilismo es le exploitation massive de minas latinoamerican como illo a argento de Potosí (in Mexico); le influxo massive de argento e auro american causava seriose inflation in Europa. Le importation de sclavos african in America (super toto in Brasil) deveniva enorme, e con illo le resistantia sclave. Sclavos escappate establiva statos a parte (quilombos), de qual le plus grande, Palmares, durava de 1605 usque 1694.

In Africa, regnos indigena continuava a emerger malgrado le tensiones provocate per le trato de sclavos e incursiones europee. Le mameluccos de Egypto reganiava lor poter al carga del Imperio Ottoman. Importante regnos del epocha includeva Marocco, Dahomey, Buganda, Lunda, Rwanda, Maravi e Butua/Rozvi. Le grande Imperio Songhai del Sahel dissolveva in plure statos. Post le Battalia de Mbwila (1665), le regno de Kongo, disfacte per le portugeses e lor alliatos african, se rumpeva in plure politias hostil que se batteva pro prener captivos a vender como sclavos.

  • cultura

Cultura

Le seculo 17 es importante in le disveloppamento continue de litteraturas vernacular in Europa. Al comenciamento, Cervantes publicava le duo volumines de Don Quixote e Shakespeare scribeva multe pecias excellente. Molière, Corneille e Racine le sequeva in le drama francese, Lope de Vega in le espaniol. Altere scriptores importante del seculo include Calderón de la Barca, John Donne, Dryden, Gryphius, La Fontaine, Milton, Quevedo, e Vondel. Compositores importante del seculo 17 include Jean-Baptiste Lully, Arcangelo Corelli, Johann Pachelbel, e Henry Purcell.

Inter le philosophos e scientificos del seculo, es a notar Galileo, Newton, Descartes, Pascal, Spinoza, Kepler, Bacon, Leibniz, John Locke, Huygens e Hobbes.

Durante le seculo 17, logarithmos e calculo infinitesimal esseva disveloppate. On inventava le telescopio refractor e le pendula. Le prime jornal impresse, Relation aller Fürnemmen und gedenckwürdigen Historien, esseva publicate in Strasbourg (alora in le Sacre Imperio Roman). The e caffe deveniva biberages popular in Europa; le uso de tabaco anque se diffundeva la.

Celebration del Pace de Münster, un evento que marcava le independentia definitive del Pais Basse ab Espania. Le pictura, per Bartholomeus van der Helst (1648), exemplifica le arte del Etate de Auro nederlandese.
Other Languages
Afrikaans: 17de eeu
Alemannisch: 17. Jahrhundert
aragonés: Sieglo XVII
العربية: القرن 17
asturianu: Sieglu XVII
azərbaycanca: XVII əsr
تۆرکجه: ۱۷. یوز ایل
башҡортса: XVII быуат
žemaitėška: XVII omžios
беларуская: XVII стагоддзе
беларуская (тарашкевіца)‎: 17 стагодзьдзе
български: 17 век
brezhoneg: XVIIvet kantved
bosanski: 17. vijek
català: Segle XVII
Mìng-dĕ̤ng-ngṳ̄: 17 sié-gī
нохчийн: XVII бӀешо
čeština: 17. století
Чӑвашла: XVII ĕмĕр
Cymraeg: 17eg ganrif
Ελληνικά: 17ος αιώνας
emiliàn e rumagnòl: XVII sécol
English: 17th century
Esperanto: 17-a jarcento
español: Siglo XVII
eesti: 17. sajand
euskara: XVII. mendea
estremeñu: Sigru XVII
suomi: 1600-luku
føroyskt: 17. øld
français: XVIIe siècle
Nordfriisk: 17. juarhunert
Frysk: 17e iuw
Gaeilge: 17ú haois
贛語: 17世紀
Gàidhlig: 17mh Linn
galego: Século XVII
Gaelg: 17oo eash
עברית: המאה ה-17
Fiji Hindi: 17th century
hrvatski: 17. stoljeće
magyar: 17. század
Հայերեն: 17-րդ դար
Bahasa Indonesia: Abad ke-17
íslenska: 17. öldin
italiano: XVII secolo
日本語: 17世紀
Basa Jawa: Abad ping 17
ქართული: XVII საუკუნე
қазақша: XVII ғасыр
한국어: 17세기
Latina: Saeculum 17
Lëtzebuergesch: 17. Joerhonnert
лезги: XVII виш йис
Limburgs: Zeventiende iew
Ligure: XVII secolo
lumbaart: Sécul XVII
lietuvių: XVII amžius
latviešu: 17. gadsimts
Basa Banyumasan: Abad kaping-17
олык марий: XVII курым
Māori: Rautau 17
македонски: 17 век
монгол: 17-р зуун
Bahasa Melayu: Abad ke-17
Malti: Seklu XVII
မြန်မာဘာသာ: ၁၇ ရာစုနှစ်
эрзянь: XVII пинге
Napulitano: XVII seculo
Plattdüütsch: 17. Johrhunnert
Nedersaksies: 17e eeuw
Nederlands: 17e eeuw
norsk nynorsk: 1600-talet
Novial: 17esmi sekle
Nouormand: XVIIe s.
Sesotho sa Leboa: Ngwagakgolo 17
occitan: Sègle XVII
Ирон: XVII æнус
polski: XVII wiek
português: Século XVII
русский: XVII век
саха тыла: XVII үйэ
sicilianu: Sèculu XVII
davvisámegiella: 1600-lohku (jahkečuohti)
srpskohrvatski / српскохрватски: 17. vijek
Simple English: 17th century
slovenčina: 17. storočie
slovenščina: 17. stoletje
српски / srpski: 17. век
Seeltersk: 17. Jierhunnert
Basa Sunda: Abad ka-17
svenska: 1600-talet
Kiswahili: Karne ya 17
Türkmençe: 17-nji asyr
Türkçe: 17. yüzyıl
татарча/tatarça: XVII гасыр
українська: XVII століття
oʻzbekcha/ўзбекча: XVII asr
vèneto: XVII secoło
Tiếng Việt: Thế kỷ 17
მარგალური: XVII ოშწანურა
ייִדיש: 17טער י"ה
中文: 17世纪
Bân-lâm-gú: 17 sè-kí
粵語: 17世紀