Ravenclaw

Ravenclaw es un domo del schola pro magos Hogwarts in le serie "Harry Potter" scribite per J. K. Rowling. Le studentes in illo es multo intelligente. Le fundator del domo es Rowena Ravenclaw, un del quatro magos e magas qui ha fundate Hogwarts in le decime seculo. Le symbolo del domo es un aquila.

Le dormitorio de Domo Ravenclaw, como illo de Domo Gryffindor, es locate in un torre de Hogwarts. Ma dissimilar a Torre Gryffindor e Donjon Slytherin, in Torre Ravenclaw le residentes non usa un contrasigno pro entrar. In le porta il ha un colpator de bronzo in le forma de un aquila qui demanda le responsa correcte a un enigma difficile (un enigma differente cata vice). Un studente qui non responde correctemente non pote entrar usque un altere studiante usa le porta.

Le chef de Domo Ravenclaw es Professor Filius Flitwick. Le spectro de Torre Ravenclaw es Helena Ravenclaw, alsi apellate le Dama Gris, le filia del fundator del domo. Altere Ravenclaws include: Luna Lovegood; Cho Chang; Penelope Clearwater; Terry Boot; Anthony Goldstein; Padma Patil; e Garrick Ollivander.

In le prime libro del serie Harry Potter, Harry Potter e le Petra Philosophic, in le canto del Cappello de Assortir, post explicar al studentes nove que illes pote ser in Gryffindor o in Hufflepuff le Cappello canta:

"O in sapiente Ravenclaw,

Si tu ha un preste mente,

Ubi sagios erudite

Semper trovara lor gente."


(In le anglese original le verso es: "Or yet in wise old Ravenclaw,/If you've a ready mind,/Where those of wit and learning,/Will always find their kind.")

In le quarte libro, Harry Potter e le Calice de Fogo, le Cappello de Assortir dice in su canto que Rowena Ravenclaw era de "glen," un parola anglese de origin scote que significa un valle stricte in Scotia. Iste referentia indica que Rowena Ravenclaw era scote.

In le mesme canto le Cappello dice que:

"Per Gryffindor, le plus coragiose

Certemente era le prime;

Pro Ravenclaw le plus ingeniose

Semper seria le optime."

[Anglese: "By Gryffindor, the bravest were/Prized far beyond the rest;/For Ravenclaw, the cleverest/Would always be the best"]

Blason de Ravenclaw
Other Languages
español: Ravenclaw
eesti: Ravenclaw
euskara: Ravenclaw
فارسی: ریونکلا
íslenska: Ravenclaw
Nederlands: Ravenklauw
slovenčina: Bystrohlav
slovenščina: Drznvraan
svenska: Ravenclaw
татарча/tatarça: Когтевран
українська: Рейвенклов
中文: 拉文克劳