Ջենարո Գատուզո

Football pictogram.svg
Ջենարո Գատուզո
Gennaro Gattuso 2008.jpg
Անձնական տվյալներ
ՔաղաքացիությունըFlag of Italy.svg Իտալիա
ՄականունՊիտբուլ, Ռինո, Քաջ Սիրտ
Ծննդյան ամսաթիվհունվարի 9, 1978()[1] (40 տարեկան)
ԾննդավայրԿորիլիանո Կալաբրո, Կոզենցա, Կալաբրիա, Իտալիա
Հասակ177 սմ
Քաշ77 կգ
Դիրքկիսապաշտպան
Պատանեկան կարիերա
1990-1997Իտալիա Պերուջա
Մասնագիտական կարիերա*
ՏարիԱկումբԽաղ(Գոլ)
1996-1997Իտալիա Պերուջա10 (0)
1997-1998Շոտլանդիա Ռեյնջերս34 (3)
1998-1999Իտալիա Սալերնիտանա25 (0)
1999-2012Իտալիա Միլան335 (9)
2012-2013Շվեյցարիա Սյոն27 (1)
1996-2013Ընդհանուր կարիերայում431 (13)
Ազգային հավաքական
1995-1996Իտալիա Իտալիա (մինչև 18)14 (3)
1998-2000Իտալիա Իտալիա (մինչև 21)21 (1)
2000-2010Իտալիա Իտալիա73 (1)
Մարզչական կարիերա
2013Շվեյցարիա Սյոն
2013-2014Իտալիա Պալերմո
2014-2015Հունաստան ՕՖԻ
2015-2017.Իտալիա Պիզա
2017-Իտալիա Միլան
* Մասնագիտական կարիերայում ընդգրկված են միայն առաջնության խաղերը և գոլերը:

Ջենարո Իվան Գատուզո (իտալ.՝ Gennaro Ivan Gattuso; հունվարի 9 1978, Կորիլյանո Կալաբրո, Կալաբրիա, Իտալիա), իտալացի ֆուտբոլիստ և մարզիչ։ Աշխարհի 2006 թվականի առաջնության հաղթող Իտալիայի հավաքականի կազմում։ 1999 թվականից հանդես է եկել «Միլանում», որի հետ 2 անգամ հաղթել է Չեմպիոնների Լիգան:

Կարիերա

Խաղացողի կարիերա

Ջենարո Գատուզոն «Միլանի» կազմում

Գատուզոն իր ֆուտբոլային կարիերան սկսել է իտալական «Պերուջայում», որի կազմում նորամուտը նշել է 1996 թվականի դեկտեմբերի 22-ին Սերիա Ա-ի շրջանակներում կայացած «Բոլոնիայի» դեմ խաղում։

Իտալիայի պատանեկան հավաքականի կազմում Գատուզոն մասնակցել է Եվրոպայի մինչև 18 տարեկանների առաջնությանը։ Երիտասարդական ակումբների շարքում 2000 թվականի Եվրոպայի չեմպիոն է։

1997 թվականի հուլիսին տեղափոխվեց շոտլանդական «Ռեյնջերս», որտեղ արժանացավ երկրպագուների հիացմունքը, իսկ նրա «ուլտրա-ագրեսիվ» տեխնիկան մեղմացավ մարզումների և Վոլտեր Սմիթի ազդեցությամբ, ով միաժամանակ նաև «Ռեյնջերսի» մարզիչն էր։ Հետագայում Ջենարոն նրան նկարագրում էր որպես իր 2-րդ հայր։ Մարզչական պաշտոնում Սմիթի հաջորդը՝ Դիկ Ադվոկատը, թիմում Գատուզոյի համար տեղ չգտավ, ինչի արդյունքում 1998 թվականի հոկտեմբերին նա վաճառվեց «Սալերնիտանա» իտալական ակումբին։

Սերիա Ա-ի 1998/99 մրցաշրջանում Գատուզոն այդ թիմի կազմում անցկացրեց 25 խաղ։

10 ամիս անց 8 միլիոն եվրոյի դիմաց Գատուզոն տեղափոխվեց «Միլան»: Առաջին անգամ «Միլանի» կազմում խաղացել է 1999 թվականի սեպտեմբերի 15-ին Չեմպիոնների Լիգայի շրջանակներում կայացած «Չելսիի» դեմ խաղում։ Առաջին մրցաշրջանում անցկացրեց 22 խաղ և դարձավ 1 գոլի հեղինակ։ Հաջորդ մրցաշրջաններում նա խաղաց համապատասխանաբար 24 և 32 խաղ։ 2009 թվականի օգոստոսի 22-ին Գատուզոն «Միլանի» կազմում խաղաց իր 400-րդ խաղը։

Իտալիայի հավաքականում իր նորամուտը նշել է 2000 թվականի փետրվարին Շվեդիայի հավաքականի դեմ խաղում։ Մասնակցել է 2000 թվականի ամառային խաղերին, ինչպես նաև 2002-2010 թվականների ընթացքում կայացած բոլոր աշխարհի և Եվրոպայի առաջնություններին։ 2006 թվականի Աշխարհի առաջնության ժամանակ Ջենարոն հավաքականի առանցքային խաղացողներից մեկն էր։ Նա խաղացել է առաջնության 7 խաղերից 6-ում[2][3]: Ֆրանսիայի դեմ եզրափակչում խաղադաշտում անց է կացրել 120 րոպե, բայց հետխաղյա 11 մետրանոցաշարի ժամանակ չի խփել։ Առաջնության արդյունքներով Գատուզոն ընդգրկվել է առաջնության 23 աստղերի հավաքականի մեջ։

Իտալիայի հավաքականի կազմում միակ գնդակը Ջենարոն խփել է 2000 թվականի նոյեմբերի 15-ին Թուրինում՝ Անգլիայի հավաքականի դեմ ընկերական խաղում (1:0)։ 2010 թվականի աշխարհի առաջնության նախօրեին հայտարարեց, որ որոշել է առաջնությունից հետո ավարտել ելույթները հավաքականի կազմում[4]:

2012 թվականի մայիսի 13-ին «Միլանի» մարզաշապիկով խաղաց վերջին խաղը։ Ամբողջ 90 րոպեն խաղաց ավագի թևկապով։ Իր 8 համարը «Միլանում» կտակեց Անտոնիո Նոչերինոյին, ով խաղում է նույն դիրքում։

2012 թվականի հունիսի 15-ին համացանցում հայտնվեց տեղեկություն, որ «Միլանի» կիսապաշտպանը կարող է տեղափոխվել շվեյցարական «Սյոն»: Տեղեկությունը հաստատվեց, և մի քանի օր հետո Գատուզոյի տրանսֆերի մասին պաշտոնապես հայտարարվեց։ Ինչպես հետո խաղացողն անձամբ ասաց.

Aquote1.png «Ես եկել եմ այստեղ, որպեսզի օգնեմ Սյոնին մրցակցել և հաղթել Բազելին չեմպիոնական տիտղոսի համար: Ես հավաստիացրեցի կառավարությանը, որ թիմը կստանա աշխատասեր մարտիկ՝ հանձինս ինձ»: Aquote2.png

Զբաղեցրեց խաղացող մարզչի պարտականությունը, բայց 2013 թվականի մայիսի 13-ին անբավարար արդյունքների պատճառով թողեց մարզչի պաշտոնը, չնայած մնաց «Սյոնի» խաղացող։

Մարզչական կարիերա

2013 թվականի հունիսի 4-ին «Պալերմոյի» նախագահ Մաուրիցիո Ձամպարինին հայտարարեց, որ Ջուզեպե Սաննինոյի հետ պայմանագրի բոլոր հարցերը կարգավորելուց հետո Ջենարո Գատուզոն կդառնա իր թիմի գլխավոր մարզիչը[5]:

2014 թվականի հունիսի 5-ին Գատուզոն գլխավորեց հունական «ՕՖԻ»-ն՝ կնքելով 1 տարվա պայմանագիր[6].

Other Languages
العربية: جنارو غاتوزو
تۆرکجه: جنارو گتوسو
беларуская: Джэнара Гатуза
български: Дженаро Гатузо
čeština: Gennaro Gattuso
Esperanto: Gennaro Gattuso
español: Gennaro Gattuso
français: Gennaro Gattuso
hrvatski: Gennaro Gattuso
Bahasa Indonesia: Gennaro Gattuso
italiano: Gennaro Gattuso
lietuvių: Gennaro Gattuso
Malagasy: Gennaro Gattuso
македонски: Џенаро Гатузо
Bahasa Melayu: Gennaro Gattuso
Napulitano: Gennaro Gattuso
Nederlands: Gennaro Gattuso
norsk nynorsk: Gennaro Gattuso
português: Gennaro Gattuso
română: Gennaro Gattuso
sicilianu: Gennaru Gattusu
Simple English: Gennaro Gattuso
српски / srpski: Ђенаро Гатузо
Türkçe: Gennaro Gattuso
українська: Дженнаро Гаттузо
Tiếng Việt: Gennaro Gattuso