Պետր Կորդա

Picto infobox tenis.png
Պետր Կորդա
Սեռ արական
Քաղաքացիություն Չեխիա  Չեխիա
Բնակվելու վայր Մոնտե Կարլո, Մոնակո
Ծննդյան ամսաթիվ 1968 թվական հունվարի 23
Ծննդավայր Պրահա, Չեխոսլովակիա
Հասակ 190 սմ
Քաշ 73 կգ
Կարիերայի սկիզբ 1987 թվական
Կարիերայի ավարտ 1999 թվական
Աշխատող ձեռք ձախ
Հարված ձախից մեկձեռքանի
Պարգևավճար, USD 10 448 900
Մենախաղ
Խաղեր Հ/Պ 410–248 [1]
Ամենաբարձր վարկանիշ 2 ( 1998 թվականի փետրվարի 2)
Մեծ Սաղավարտի մրցաշարեր
Ավստրալիա Հաղթանակ (1998)
Ֆրանսիա Եզրափակիչ (1992)
Ուիմբլդոն 1/4 եզրափակիչ (1998)
ԱՄՆ 1/4 եզրափակիչ (1995, 1997)
Զուգախաղ
Խաղեր Հ/Պ 234–160 [1]
Ամենաբարձր վարկանիշ 10 ( 1990 թվականի հունիսի 11)
Մեծ Սաղավարտի մրցաշարեր
Ավստրալիա Հաղթանակ (1996)
Ֆրանսիա Եզրափակիչ (1990)
Ուիմբլդոն 2-րդ շրջան (1990, 1991)
ԱՄՆ 3-րդ շրջան (1989, 1991, 1995)
Ավարտել է կարիերան

Պետր Կորդա ( չեխ․՝ Petr Korda, ծնվել է 1968 թվականի հունվարի 23-ի, Պրահա, Չեխոսլովակիա), չեխ նախկին պրոֆեսիոնալ թենիսիստ։ Ավստրալիայի թենիսի բաց առաջնության մենախաղի ( 1998 թվական) և տղամարդկանց զուգախաղի ( 1996 թվական) մրցաշարերի հաղթող, Մեծ Սաղավարտի գավաթի հաղթող 1993 թվականին։ 1998 թվականին որակազրկվել է դոպինգի օգտագործման համար։

Մարզական կարիերա

1984-1989 թվականներ

1984 թվականին, 16 տարեկան հասակում, Պետր Կորդան դառնում է Չեխոսլովակիայի չեմպիոն պատանիների շրջանում (մինչև 18 տարեկանների կարգում)։ 1985 թվականին նա հաղթանակ է տանում Ֆրանսիայի բաց առաջնության մրցաշարի պատանեկան զուգախաղում, իր հայրենակից Ցիրիլ Սուկի հետ զույգով։ 1986 թվականին նա հաղթում է Ուիմբլդոնի մրցաշարի պատանիների զուգախաղի մրցաշարում՝ նույնպես Սուկի հետ։ 1987 թվականին, պրոֆեսիոնալ թենիսում իր առաջին տարում, նա հասնում է մինչև Կիցբյուելի «Գրան-Պրի» մրցաշարի զուգախաղի կիսաեզրափակիչ, Սուկի հետ զույգով, իսկ այնուհետև մինչև Պալերմոյի «Գրան-Պրի» մրցաշարի եզրափակիչ, մեկ այլ հայրենակից Տոմաշ Շմիդի հետ միասին։ Նա նաև հաղթում է «Չելենջեր» դասի իր առաջին պրոֆեսիոնալ մրցաշարում, Բուդապեշտի մրցաշարի մենախաղում։ 1988 թվականին, Մյունխենի «Գրան-Պրի» մրցաշարի քառորդ եզրափակիչ դուրս գալուց հետո, Կորդան մտնում է ATP դասակարգման վարկանիշային աղյուսակի մենախաղի 100 լավագույն թենիսիստների մեջ։ Զուգախաղում նա շահում է իր առաջին երկու «Գրան-Պրի» մրցաշարերը՝ Գշտադում (Միլան Շրայբերի հետ) և Պրահայում և մրցաշրջանն ավարտում է զուգախաղի լավագույն 50 թենիսիստների շարքում։ Այդ թվականից նա նաև մասնակցում է Դևիսի Գավաթի խաղարկությունում՝ Չեխոսլովակիայի ազգային հավաքականի կազմում։ Հաջորդ տարի նա առաջին անգամ հասնում է մինչև «Գրան-Պրի» մենախաղի մրցաշարի եզրափակիչ, իսկ զույգով հաղթում է ևս մեկ «Գրան-Պրի» մրցաշարում և ևս երեք անգամ խաղում է եզրափակիչում, մրցաշրջանն ավարտելով զուգախաղի 30 ուժեղագույն թենիսիստների շարքում։

1990-1993 թվականներ

1990 թվականին Կորդան իր առաջին հաղթանակն է տանում համաշխարհային թենիսի առաջին տասնյակի թենիսիստի նկատմամբ։ Դա տեղի է ունենում Ֆիլադելֆիայի մրցաշարում, որտեղ քառորդ եզրափակիչում նա հաղթում է աշխարհի 10-րդ ռակետ Ջեյ Բերգերին։ Սակայի գքխավոր հաջողությունների նա հասնում է կրկին զուգախաղում։ Սկզբում Շմիդի հետ հաղթում է ATP «Մասթերս» շարքի Մոնտե Կարլոյի մրցաշարում, ամենահեղինակավորը նոր կազմավորված ATP տուրում, իսկ այնուհետև, Գորան Իվանիշևիչի հետ միասին, հեսնում է մինչև Ֆրանսիայի բաց առաջնության եզրափակիչ, ճանապարհին առավելության հասնելով երեք «դասակարգված» զուչգերի նկատմամբ, այդ թվում աշխարհի առաջին զույգ Ռիկ Լիչին և Ջիմ Պյուին։ Ֆրանսիայի բաց առաջնությունից հետո նա բարձրանում է զուգախաղի դասակարգման աղյուսակի 10-րդ հորիզոնական։

1991 թվականը Կորդայի համար դառնում է առավել հաջողակ մենախաղում։ Նա հինգ անգամ խաղում է ATP մրցաշարերի եզրափակիչներում և նրանցից երկուսում հաղթանակ է տանում՝ Նյու Հեյվենում և Բեռլինում։ Այդ նույն մրցաշարերում նա հաղթում է նաև զուգախաղում։ Մրցաշրջանի ընթացքում նա չորս անգամ առավելության է հասնում առաջին տասնյակի թենիսիստների նկատմամբ, այդպիսի երկու հաղթանակ տանելով Մոնրեալի ATP «Մասթերս» շարքի եզրափակիչի ճանապարհին։ Արդյունքում, նա մրցաշրջանի վերջում առաջին անգամ մտնում է մենախաղի ուժեղագույն տասնյակի մեջ։ 1992 թվականին նա հաղթում է մենախաղի երկու մրցաշարերում և, չհանդիպելով ոչ մի «դասակարգված» մրցակցի, հասնում է մինչև Ֆրանսիայի բաց առաջնության եզրափակիչ, որտեղ զիջում է աշխարհի առաջին ռակետ Ջիմ Կուրիեին։ Մրցաշրջանի վերջում նա խաղում է միանգամից երկու ամփոփիչ մրցաշարերում՝ ATP Աշխարհի առաջնությունում և Մեծ Սաղավարտի գավաթում։ Երկու դեպքում էլ նրան չի հաջողվում դուրս գալ քառորդ եզրափակիչ, սակայն նա մրցաշրջանն ավարտում է դասակարգման աղյուսակի 6-րդ հորիզոնականում։ Բացի դրանից, նա Չեխոսլովակիայի հավախականի հետ միասին հասնում է մինչև Աշխարհի թիմային գավաթի եզրափակիչ, մենախաղային և զուգախաղային յոթ հանդիպումներում տանելով հինգ հաղթանակ։

1993 թվականին Կորդան հաղթում է զուգախաղի երեք մրցաշարերում, նրանցից երկուսը շարքում և Ստեֆան Էդբերգի հետ հասնում է մինչ Ֆրանսիայի բաց առաջնության եզրափակիչ։ Մենխաղում նա դուրս է գալիս Ավստրալիայի բաց առաջնության քառորդ եզրափակիչ և ԱՄՆ բաց առաջնության չորրորդ շրջան, երկրորդ տարին անընդմեջ իրավունք նվաճելով մասնակցելու Մեծ Սաղավարտի գավաթում, որը նա անսպասելիորեն հաղթում է, հերթականությամբ առավելության հասնելով Ալեքսանդր Վոլկովի, Սերխի Բրուգերայի, Փիթ Սամփրասի և Միխաել Շտիխի նկատմամբ։ Այդ մրցաշարը Կորդայի համար դառնում է այդ մրցաշրջանում շահած միակ մենախաղային մրցաշարը։

1994-1998 թվականներ

1994 և 1995 թվականներին Կորդային չի հաջողվում հաղթել ոչ մենախաղային, ոչ զուգախաղային մրցաշարերում։ Նա երկու անգամ հասնում է մենախաղի եզրափակչի և երեք անգամ՝ զուգախաղի։ 1995 թվականի կեսերին նա, չնայած որ շարունակում է առանձին խաղերում կանոնավորապես հաղթել համաշխարհային թենիսի էլիտայի ուժեղագույն ներկայացուցիչներին, ինքն անձամբ իջնում է հարյուրյակի երկրորդ կեսը՝ մայիսի վերջին նա զբաղեցնում է դասակարգման աղյուսակի 60-րդ հորիզոնականը։ Զույգերում նա 1994 թվականի երկրորդ կեսն անց է կացնում առաջին հարյուրյակի սահմաններից դուրս։

Կորդայի նոր առաջընթացը սկսվում է ճողվածքի հեռացման վիրահատությունից հետո, որից նա տառապում էր նախորդ տարիներին [2], 1996 թվականի հունվարին, երբ նա կրկին հաղթում է Դոհայի մրցաշարի մենախաղում, իսկ այնուհետև Ստեֆան Էդբերգի հետ զույգով հաղթում է Ավստրալիայի բաց առաջնությունում, ճանապարհին պայքարից դուրս թողնելով երկու «դասակարգված» զույգի։ Դրանից հետո, նա կարիերայում երկրորդ անգամ դուրս է գալիս Աշխարհի թիմային գավաթի եզրափակիչ, մենախաղում հաղթանակի հասնելով չորս խաղից չորսում և զուգախաղում երկու հաղթանակ տանելով երեք խաղերում։ Այնուամենայնիվ, եզրափակիչում չեխերը զիջում են շվեյցարացիներին։ Կորդան մրցաշրջանն ավարտում է 30 ուժեղագույն թենիսիտների շարքում ինչպես մենախաղում, այնպես էլ զուգախաղում։

1997 թվականին Կորդան չորս անգամ հասնում է մինչև մրցաշարերի մենախաղի եզրափակիչ և հաղթում է նրանցից մեկում՝ Շտուտգարտում։ Այդ հաղթանակից հետո նա վերադառնում է ATP դասակարգման առաջին տասնյակ։ 1998 թվականը նա սկսում է երկու անընդմեջ հաղթանակով՝ Դոհայում և Ավստրալիայի բաց առաջնությունում, որից հետո բարձրանում է վարկանիշային աղյուսակի երկրորդ հորզոնական։ Նա երրորդ անգամ հասնում է Աշխարհի թիմային գավաթի եզրափակիչ, հաղթելով մենախաղի իր չորս խաղերից երեքում։ Մրցաշրջանի ընթացքում նա չորս անգամ հնարավորություն ուներ զբաղեցնել վարկանիշային աղյուսակի առաջին հորիզոնականը, սակայն ոչ մի անգամ չկարողացավ իրացնել այդ հնարավորությունը։

1998 թվականի Ուիմբլդոնի մրցաշարի ընթացքում Կորդայի մեզի անալիզում հայտնաբերվում է նանդրոլան արգելված դեղամիջոցը։ Տարվա վերջին Կորդան, ով պնդում էր, որ չի օգտագործել նանդրոլոնը, Թենիսի միջազգային ֆեդերացիայի (ITF) կողմից որակազրկման է ենթակվում մեկ տարով, սակայն նրանից հետո, երբ որակազրկման ժամկետն ավարտվում է, չի կարողանում վերականգնել մրցաշարերում լիակատար մասնակցությունը և ավարտում է մարզական կարիերան [3]։

Other Languages
العربية: بيتر كوردا
български: Петер Корда
català: Petr Korda
čeština: Petr Korda
dansk: Petr Korda
Deutsch: Petr Korda
Ελληνικά: Πετρ Κόρντα
English: Petr Korda
Esperanto: Petr Korda
español: Petr Korda
suomi: Petr Korda
français: Petr Korda
magyar: Petr Korda
italiano: Petr Korda
Nederlands: Petr Korda
norsk: Petr Korda
polski: Petr Korda
português: Petr Korda
русский: Корда, Петр
slovenčina: Petr Korda
slovenščina: Petr Korda
српски / srpski: Петр Корда
svenska: Petr Korda
Yorùbá: Petr Korda