Մեծ Հարթավայրեր

Flat (267441683).jpg
Tokachi plain 01.jpg

Մեծ հարթավայրեր, նախալեռնային սարավանդ ԱՄՆ-ում և Կանադայում։ Արևմուտքից եզրավորվում է Հյուսիսային Ամերիկայի Կորդիլիերաներով։ Ձգվում է հարավ-արևելքից հյուսիս-արևմուտք, հս․ լայնության 29° և 62°-ների միջև։ Երկարությունը 3600 Կմ է, լայնությունը՝ 500—800 Կմ։ Հանդիսանում է Հյուսիս-Ամերիկյան պլատֆորմի ծայրամասը։ Սարավանդի մինչքեմբրյան բյուրեղային հիմքը ծածկված է նստվածքային ապարներով։ Մակերևույթն արլ-ից արմ․ աստիճանաբար բարձրանում է 500—1700 մ։ Շատ տեղերում երկրակեղևի վերին շերտերի ապարները լվացվել և տեղատարվել են գետերով՝ առաջացնելով 200—300 Կմ երկարությամբ հովիտների խիտ ցանց և մինչև 300 մ բարձրության ելուստներ։ Վերջիններս Մ․ հ․ բաժանում են առանձին մասերի՝ Լյանո Էստականդո, բարձր հարթավայրեր, էդուարդի և Միսսուրիի սարավանդներ։ Հվ-ում տիրապետում են կարստային ձևերով սեղանաձև բարձրությունները։ Մ․ հ․ հարուստ են նավթի, քարածխի, բնական գազի, կերակրի աղի հանքավայրերով և հազվագյուտ հողերի տարրերով։ Կլիման ցամաքային է, հս-ում՝ բարեխառն, հվ-ում՝ մերձարևադարձային։ Գետերը սակավաջուր են, արագահոս, հոսում են խոր հովիտներով։ խոշոր գետերն են Միսսուրին, Պլաթը, Արկանզասը, Կոլորադոն, Փեքոսը։ Հողերը առավելապես շագանակագույն են, հս-ում՝ սևահողային, գորշ անտառային, ծայր հվ-ում՝ դարչնագույն։ Մ․ հ-ի մեծ մասը ծածկված է չոր տափաստաններով, կանադական մասում գերակշռում է անտառատափաստանը։ Կենդանական աշխարհն աղքատ է։ Բնակչությունն զբաղվում է անասնապահությամբ, բուսաբուծությամբ (մշակում են բամբակ, կարտոֆիլ, շաքարի ճակնդեղ, կերաբույսեր) և անտառային տնտեսությամբ։

Այս հոդվածի կամ նրա բաժնի որոշակի հատվածի սկզբնական կամ ներկայիս տարբերակը վերցված է Քրիեյթիվ Քոմմոնս Նշում–Համանման տարածում 3.0 (Creative Commons BY-SA 3.0) ազատ թույլատրագրով թողարկված Հայկական սովետական հանրագիտարանից  (հ․ 7, էջ 436 CC-BY-SA-icon-80x15.png
Other Languages
Afrikaans: Groot Vlaktes
azərbaycanca: Böyük Düzənliklər
беларуская: Вялікія раўніны
български: Големи равнини
bosanski: Velika nizija
català: Grans Planes
čeština: Velké planiny
Deutsch: Great Plains
English: Great Plains
français: Grandes Plaines
hrvatski: Velika nizina
Bahasa Indonesia: Dataran Great Plains
italiano: Grandi Pianure
ქართული: დიდი ვაკეები
қазақша: Ұлы жазықтар
Lëtzebuergesch: Great Plains
Bahasa Melayu: Great Plains
Nederlands: Great Plains
پنجابی: وڈے میدان
português: Grandes Planícies
srpskohrvatski / српскохрватски: Velika nizina
Simple English: Great Plains
slovenčina: Veľké prérie
српски / srpski: Велике равнице
svenska: Great Plains
Türkçe: Büyük Ovalar
татарча/tatarça: Бөек тигезлекләр
українська: Великі рівнини
oʻzbekcha/ўзбекча: Buyuk tekisliklar
粵語: 大平原