Կոբի Բրայանտ

Picto infobox baschet.png
Կոբի Բրայանտ
Kobe Bryant
Kobe Bryant Washington.jpg
ԱկումբԱմերիկայի Միացյալ Նահանգներ Լոս Անջելես Լեյքերս
ԴիրքըՊաշտպան
Համար№ 24
Ի ծնե տրված անունըԿոբի Բին Բրայանտ
Kobe Bean Bryant
Ծննդյան ամսաթիվսեպտեմբերի 25, 1978 (39 տարեկան)
ԾննդավայրԱմերիկայի Միացյալ Նահանգներ Ֆիլադելֆիա, Փենսիլվանիա, ԱՄՆ
ԱզգությունԱմերիկայի Միացյալ Նահանգներ Ամերիկացի
Հասակ198 սմ
Քաշ93 կգ[1]
ԴպրոցԼոուեր Մերիոն
(Արդմոր, Փենսիլվանիա)
Դրաֆթի տարի1996 / Ռաունդ` 1 / Ընտր.` 13-րդ
Դրաֆթ ակումբՇառլոթ Հորնեթս
Կարիերայի պատմություն
Ամերիկայի Միացյալ ՆահանգներԼոս Անջելես Լեյքերս (1996-2016)
Մրցանակներ

  • 5x NBA չեմպիոն(2000-2002, 2009-2010)
  • 2x NBA Եզրափակչի Ամենաարժեքավոր խաղացող(2009-2010)
  • NBA ամենաարժեքավոր Խաղացող(2008)
  • 16x NBA Բոլոր Աստղերի հավաքական(1998, 2000-2014)
  • 4x NBA Բոլոր աստղերի խաղի ամենաարժեքավոր խաղացող(2002. 2007, 2009, 2011)
  • 11x NBA բոլոր աստղերի առաջին հավաքական(2002-2004, 2006-2013)
  • 2x NBA բոլոր աստղերի երկրորդ հավաքական(2000-2001)
  • NBA բոլոր աստղերի երրորդ հավաքական(1999, 2005)
  • 9x NBA բոլոր պաշտպանների առաջին թիմ (2000. 2003-2004, 2006-2011)
  • 3x NBA բոլոր պաշտպանների երկրորդ թիմ(2001-2002, 2012)
  • NBA բոլոր նորեկների երկրորդ թիմ(1997)
  • NBA Slam Dunk մրցույթի հաղթող(1997)
  • 2x NBA ամենաառդյունավետ խաղացող(2006-2007)
  • Լոս Անջելես Լեյքերսի բոլոր ժամանակների լավագույն ռմբարկու
  • Նեյսմիթի մրցանակի դափնեկիր
Մեդալներ

 Ոսկի-Լոնդոն 2012
 Ոսկի-Պեկին 2008
 Ոսկի-Լաս Վեգաս 2007

Կոբի Բին Բրայանտ (անգլ.՝ Kobe Bean Bryant, ծնվ.` օգոստոսի 23, 1978 թ.), ամերիկացի նախկին բասկետբոլիստ։ Մասնագիտական ողջ կարիերան անցկացրել է Բասկետբոլի ազգային ասոցիացիայի (NBA) «Լոս Անջելես Լեյքերս» ակումբում։ Կարիերայի ընթացքում 5 անգամ նվաճել է NBA-ի գավաթը, 16 անգամ ճանաչվել է աստղ, 15 անգամ ընդգրկվել «All-NBA» 12 անգամ՝ «All-Defensive» խորհրդանշական հավաքականներում։

Բրայանտն ունեցել է հաջող դպրոցական կարիերա՝ հանդես գալով «Լոուեր Մերիոն» ավագ դպրոցի բասկետբոլային թիմի կազմում, որտեղ ճանաչվել է երկրի լավագույն դպրոցական բասկետբոլիստը։ Ընտրվել է NBA-ի 1996 թվականի դրաֆթի 13-րդ ընտրությամբ՝ «Շառլոթ Հորնեթսի» կողմից և միանգամից վաճառվել «Լոս Անջելես Լեյքերսին»։ Բրայանտը ձեռք բերեց մարզասերների սերն ու հարգանքը, երբ իր մեկնարկային տարում հաղթեց NBA սլեմ դանկ մրցույթը։

34 տարեկան և 104 օրական հասակում, Բրայանտը դարձավ ամենաերիտասարդ բասկետբոլիստը, ով հատել է կարիերայի 30000 միավորի սահմանը։ Հանդիսանում է նաև «Լեյքերսի» բոլոր ժամանակների լավագույն ռմբարկուն։ NBA-ում հանդես գալու երկրորդ տարուց սկսած ընտրվել է որպես NBA-ի բոլոր աստղերի խաղի հիմնական կազմի խաղացող, ընդ որում՝ բոլոր աստղերի հանդիպման ամենաարժեքավոր խաղացողի մրցանակի քառակի դափնեկիր է (2002, 2007, 2009, 2011

Կենսագրություն

Վաղ շրջան և կրթություն

Բրայանտը ծնվել է Փենսիլվանիա նահանգի Ֆիլադելֆիա քաղաքում։ Ընտանիքի ամենափոքր երեխան էր և միակ որդին։ Բրայանտը Ջոու "Ջելիբին" Բրայանտի՝ տեղի բասկետբոլային թիմի՝ Ֆիլադելֆիա Սիքսերսի նախկին խաղացող և Լոս Անջելես Սպարքսի գլխավոր մարզչի և Պամելա Կոքս Բրայանտի որդին է։ Ծնողներն իրենց միակ որդու անունը դրել են ի պատիվ ճապոնացի խոհարար Կոբիի, որին տեսել էին տեղի ռեստորաններից մեկում։ Բրայանտը դավանում է կաթոլիկ եկեղեցուն։ Երբ Բրայանտը 6 տարեկան էր, նրա հայրը NBA-ից տեղափոխվեց Իտալիա` պրոֆեսիոնալ կարիերան շարունակելու։ Հենց Իտալիայում է Բրայանտը սովորում իտալերեն և իսպաներեն խոսել։ Միայն ամռանն էր կարողանում մասնակցել NBA ամառային լիգային։

Բրայանտը սկսել է բասկետբոլ խաղալ 3 տարեկանից և մանկուց երկրպագել Լոս Անջելես Լեյքերսին։ Բրայանտի պապը ուղարկում էր Լեյքերսի խաղերի տեսաերիզները, որով Կոբին սովորում էր։ Վաղ տարիքում Բրայանտը սովորեց նաև խաղալ ֆուտբոլ։ Միլանի երկրպագուն է դեռ մանկուց։ 1991 թվականին հայրը վերջացնում է կարիերան և Բրայանտների ընտանիքը վերադառնում է ԱՄՆ։

Ավագ դպրոց

Բրայանտն արժանացավ ազգային ճանաչման դեռևս ավագ դպրոցում` Lower Manion թիմի կազմում, որը գտնվում էր Ֆիլադելֆիայի արվարձանում՝ Արդմորում։ Բրայանտը խաղաց դպրոցի հիմնական կազմում, սակայն այդ տարին անհաջող էր նրանց համար(4 հաղթանակ, 20 պարտություն)։ Հաջորդ 3 տարիներին թիմը գրանցեց 77 հաղթանակ, 13 պարտություն, Բրայանտը այս շրջանում խաղում էր բոլոր 5 դիրքերում՝ կախված խաղային վիճակից։ Բրայանտը միջինը խաղում վաստակում էր 31.1 միավոր, 10.4 ռեբաունդ և 5, 2 փոխանցում։ Այս Ցուցանիշները նրան օգնեցին դառնալ Փենսիլվանիայի տարվա լավագույն բասկետբոլիստ։ Մրցաշրջանի ավարտից հետո նրա համար պայքար սկսեցին մի քանի համալսարաններ, որոնցից էին Դյուքը, Միչիգանը, Հյուսիսային Կառոլինան, Վիլլանովան և այլն։

Բրայանտի ավագ դպրոցի մարզաշապիկը

Ադիդասի կազմակերպած ճամբարում Բրայանտը նորից փայլեց՝ դառնալով լավագույն խաղացող։ Այստեղ նա ծանոթացավ իր ապագա թիմակից Լամար Օդոմի հետ։ Հերթական մրցաշրջանում Բրայանտը օգնեց իր թիմին առաջին անգամ 53 տարվա ընթացքում դառնալ նահանգի չեմպիոն։ Բրայանտը միջինը խաղում վաստակում էր 30, 8 միավոր, 12 ռեբաունդ, 6, 5 փոխանցում, 4 գնդակի խլում, 3, 8 բլոք-շոթ, իսկ իր թիմը հաղթեց 31 խաղում և պարտվեց միայն 3-ում։ Իր ավագ դպրոցի կարիերայի ավարտին Կոբին՝ իր հավաքած 2883 միավորով, հարավարևելյան Փենսիլվանիայի բոլոր ժամանակների առաջատարն էր միավորներով, իր ետևում թողնելով 60-ականների լեգենդ Ուիլթ Չեմբեռլենին։

Ավագ դպրոցի տարիներին Կոբին արժանացավ նաև Նայսմիթի մրցանակին՝ որպես տարվա լավագույն դպրոցային խաղացող, Gatorade-ի մրցանակին՝ որպես ԱՄՆ տղամարդկանց հավաքականի լավագույն խաղացող, Mc Donald's-ի լավագույն ամերիկացի բասկետբոլիստ և այլ մրցանակների։ 2012 թվականին Բրայանտը ճանաչվեց Mc Donald's-ի բոլոր ժամանակներին մասնակցած լավագույն 35 խաղացողներից մեկը։ Այս ամենը նրան օգնեցին ընտրել իր ուզած համալսարանը։

Other Languages
العربية: كوبي براينت
azərbaycanca: Kobi Brayant
беларуская: Кобі Браянт
български: Коби Брайънт
bosanski: Kobe Bryant
català: Kobe Bryant
Mìng-dĕ̤ng-ngṳ̄: Kobe Bryant
čeština: Kobe Bryant
Deutsch: Kobe Bryant
Ελληνικά: Κόμπι Μπράιαντ
English: Kobe Bryant
español: Kobe Bryant
euskara: Kobe Bryant
français: Kobe Bryant
galego: Kobe Bryant
客家語/Hak-kâ-ngî: Kobe Bryant
hrvatski: Kobe Bryant
Kreyòl ayisyen: Kobe bryant
magyar: Kobe Bryant
Bahasa Indonesia: Kobe Bryant
íslenska: Kobe Bryant
italiano: Kobe Bryant
Basa Jawa: Kobe Bryant
lietuvių: Kobe Bryant
latviešu: Kobe Braiants
Malagasy: Kobe Bryant
македонски: Коби Брајант
Nederlands: Kobe Bryant
norsk nynorsk: Kobe Bryant
polski: Kobe Bryant
português: Kobe Bryant
Runa Simi: Kobe Bryant
română: Kobe Bryant
русский: Брайант, Коби
srpskohrvatski / српскохрватски: Kobe Bryant
Simple English: Kobe Bryant
slovenčina: Kobe Bryant
slovenščina: Kobe Bryant
Soomaaliga: Kobe Bryant
српски / srpski: Коби Брајант
svenska: Kobe Bryant
Tagalog: Kobe Bryant
Türkçe: Kobe Bryant
українська: Кобі Браянт
vèneto: Kobe Bryant
Tiếng Việt: Kobe Bryant
Volapük: Kobe Bryant
Winaray: Kobe Bryant
მარგალური: კობი ბრაიანტი
Yorùbá: Kobe Bryant
Bân-lâm-gú: Kobe Bryant
粵語: 高比拜仁