Բարբարա Սթրեյզանդ

Բարբարա Սթրեյզանդ
Barbra Streisand at Health Matters Conference.jpg
Բարբարա Սթրեյզանդը 2013 թվականին
Հիմնական տվյալներ
Բնօրինակ անունBarbra Streisand
Ի ծնե անունանգլ.՝ Barbara Joan Streisand
Ծնվել էապրիլի 24, 1942
Բրուքլին, Նյու Յորք
ԵրկիրԱմերիկայի Միացյալ Նահանգներ ԱՄՆ
Ժանրերջազ և ավանդական փոփ երաժշտություն
Մասնագիտություներգչուհի, կինոռեժիսոր, դերասանուհի, կինոպրոդյուսեր
Երգչաձայնմեցցո-սոպրանո
Գործունեություն1960 - ներկա
ԼեյբլColumbia Records
ՇրջանավարտԷրասմուս Հոլլի բարձրագույն դպրոց և Լի Ստրասբերգի թատրոնի և կինոյի ինստիտուտ
ԱմուսինՋեյմս Բրոլին
ԿայքՊաշտոնական կայք

Բարբարա Սթրեյզանդ (անգլ.՝ Barbra Streisand, արտասանվում է ['straɪsænd], այսինքն՝ Սթրայեսենդ, ապրիլի 24, 1942, Բրուքլին, Նյու Յորք, ԱՄՆ), ամերիկացի երգչուհի և դերասանուհի, ինչպես նաև մեծ հաջողությունների է հասել որպես պրոդյուսեր, ռեժիսոր և քաղաքական ակտիվիստ։ «Օսկար» մրցանակի կրկնակի դափնեկիր «Լավագույն դերասանուհի» և «Լավագույն օրիգինալ երգ» անվանակարգերում, ինչպես նաև «Էմմի», «Գրեմմի» և «Ոսկե գլոբուս» մրցանակների դափնեկիր է։

Սթրեյզանդը համարվում է ժամանակակից շոու-բիզնեսի ամենահաջողակ կանանցից մեկը։ Նա եզակի կատարողներից է, ով իր Billboard 200 ալբոմով գլխավորում էր 1960-ական, 1972-ական, 1980-ական, 1990-ական, 2000-ական և 2010-ական թվականներին։ Ամբողջ աշխարհում վաճառվել է երգչուհու ավելի քան 145 միլիոն ձայներիզ։

Կենսագրություն

Երիտասարդ տարիներ

Բարբարա Ջոան Սթրեյզանդը ծնվել է 1942 թվականի ապրիլի 24-ին, Բրուքլինում (Նյու Յորք) հրեական ընտանիքում։ Նրա հայրը՝ Էմանուել Սթրեյզանդը, Ավստրիայից արտագաղթած քերականության ուսուցիչը, մահացել է, երբ Բարբարան դեռ մեկ տարեկան էր։ Խորթ հոր՝ Լուիս Քայնդի հետ նա վատ հարաբերությունների մեջ էր, քանի որ նա իրեն անընդհատ ծեծի էր ենթարկում։ 1951 թվականին Սթրեյզանդը քույր է ունենում ( Ռոսլին Քայնդ), ով հետագայում նույնպես դարձել է երգչուհի։ 1959 թվականին Սթրեյզանդը ավարտում է «Էրասմաս Հոլլ» միջնակարգ դպրոցը, որը նա երբեմն էր հաճախում և որտեղ երգում էր երգչախմբում Նիլ Դայմոնդի հետ։ Այնտեղ նա ծոնոթանում է նաև աշխարհի ապագա շախմատի չեմպիոն Ռոբերտ Ֆիշերի հետ։ Երբ Բարբարա Սթրեյզանդը որոշում է իր կարիերան սկսել շոու-բիզնեսում, նրա մայրը՝ դպրոցական քարտուղար Դայանա Իդա Ռոուզենը, գոհ չէր իր դստեր ընտրությամբ, քանի որ նրան համարում էր ոչ այնքան գրավիչ այդ ոլորտի համար։

Կարիերայի սկիզբ

Երաժշտական մրցույթներից մեկում հաղթանակից հետո Սթրեյզանդին գիշերային ակումբում աշխատանք են առաջարկում։ Ի սկզբանե նա ուզում էր դերասանուհի դառնալ և մասնակցում էր թատերական տարբեր ներկայացումներում, որոնցից մեկում նա խաղում էր դերասանուհի Ջոն Ռիվրզի հետ։ 1960 թվականին նրա ընկերոջ՝ Բարրի Դեննենի հրավերով Սթրեյզանդը սկսում է երգել մանհեթենյան Գրինվիչ-Վիլլիջում գտնվող գեյ բար բարում, որտեղ մեծ հաջողությունների է հասնում։ Նույն ժամանակ նա կրճատում է իր անունը և դարձնում Բարբրա, որպեսզի դարձնի այն ավելի տարբերվող[1][2][3]:

1962 թվականին Սթրեյզանդը առաջին անգամ հանդես է գալիս Բրոդվեյում ոչ մեծ, բայց նրան հեղինակություն բերած դերում։ Նույն թվականին նա պայմանագիր է ստորագրում Columbia Records-ի հետ։ 1962 թվականին նա հանդես է գալիս «Էդ Սալիվան շոու»-ում, որտեղ նրան նկատում է հայտնի դաշնակահար Վլադզի Լիբերաչեն: Շուտով նա երգչուհուն համագործակցության առաջարկ է անում, և Սթրեյզանդը սկսում է նրա հետ հանդես գալ Լաս Վեգասում:

1963 թվականին լույս է տեսնում նրա դեբյուտային «The Barbra Streisand Album» ալբոմը, որն արժանացել է «Գրեմմի» երկու մրցանակների։ Սթրեյզանդի հայտնիությունը շարունակում էր աճել, և նրա մյուս երեք ալբոմները հայտնվում էին Billboard 200-ի հորիզոնականներում։

Other Languages
aragonés: Barbra Streisand
asturianu: Barbra Streisand
azərbaycanca: Barbra Streyzand
беларуская: Барбра Стрэйзанд
беларуская (тарашкевіца)‎: Барбара Страйзанд
brezhoneg: Barbra Streisand
Esperanto: Barbra Streisand
føroyskt: Barbra Streisand
français: Barbra Streisand
Bahasa Indonesia: Barbra Streisand
Lëtzebuergesch: Barbra Streisand
lietuvių: Barbra Streisand
македонски: Барбра Страјсенд
Bahasa Melayu: Barbra Streisand
Nederlands: Barbra Streisand
norsk nynorsk: Barbra Streisand
Kapampangan: Barbra Streisand
português: Barbra Streisand
Runa Simi: Barbra Streisand
srpskohrvatski / српскохрватски: Barbra Streisand
Simple English: Barbra Streisand
slovenščina: Barbra Streisand
српски / srpski: Барбра Страјсенд
Kiswahili: Barbra Streisand
українська: Барбра Стрейзанд
oʻzbekcha/ўзбекча: Barbra Streisand
Tiếng Việt: Barbra Streisand