Ալվարու Սիզա Վիեյրա

Ալվարու Սիզա Վիեյրա
Siza Vieira.jpg
Ծնվել էհունիսի 25, 1933()[1][2], Մատոզիիուշ, Porto District, Պորտուգալիա), պորտուգալացի հայտնի ճարտարապետ։

Aquote1.pngԵս կասեի, որ ճարտարապետությունը արվեստ է: Ճարտարապետությունը շատ դժվար է տրվում, այն այնքան խնդիրներ ունի: Դրա մասին որպես արվեստ խոսելը գրեթե արգելված է դարձել: Այսօր ճարտարապետության որակը բացասական ռեակցիա է արթնացնում, և ես զգում եմ պարզապես կանգ առնելու և նկարելու անհրաժեշտությունը: Ես նույնքան վտանգավոր կերպով հետաքրքրված եմ քանդակագործությամբ: Ես գիտեմ, որ Ռիչարդ Մայերը ճարտարապետությունից բացի զբաղվում է քանդակագործությամբ, և այլ ճարտարապետներ ևս: Հնարավոր է, որ քանդակագործության մեջ նրանք ավելի ազատ են արտահայտվում, քան ճարտարապետության մեջ:
- Ալվարու Սիզա
Aquote2.png


Կենսագրություն

Ծնվել է 1933 թվականին Մաոզինյուշ քաղաքում՝ Պորտուից ոչ հեռու։ 1955 թվականին ավարտել է Պորտուի համալսարանի ճարտարապետության ֆակուլտետը։

Աշխատանքային տարիների ընթացքում ավելի քան 140 նախագծեր է կազմել (այդ թվում Պորտուգալիայից դուրս՝ Հոլանդիայում, Իսպանիայում, Իտալիայում, Բրազիլիայում), ինչպիսիք են Էվորայի բնակելի թաղամասերը (1977—1995), Պորտուի ճարտարապետության ֆակուլտետը (1987—1993), Լիսաբոնում գտնվող Շիադու բնակելի թաղամասը (1988 թվականից սկսած), Սերալվեսի ժամանակակից արվեստի թանգարանը, Ամստերդամի թանգարանի նոր մասնաշենքը, Լոնդոնում Սերպանտինի թանգարանը, Սանտիագո դե Կոմպոստելայի ինֆորմատիկայի ֆակուլտետը, Նեապոլի մետրոյի կայարաններից մեկը, Մադրիդի զբոսաշրջիկների տեղեկատվության կենտրոններից մեկը, ինչպես նաև Լիսաբոնի էքսպո-98 միջազգային ցուցահանդեսում Պորտուգալիայի տաղավարը։ Միջազգային ճանաչում են ստացել Նիդերլանդներում Հաագայի Սխիլդերսվիկ թաղամասի (1989—1993), Բեռլինում «Bonjour Tristesse» բնակելի տան (1980-1984), Գերմանիայի Վիտրա կազմակերպության գրասենյակի (1991—1994) նախագծերը։

Աշխատում է նաև քանդակագործության, գրաֆիկայի և կահույքի դիզայնի ժանրերում։ Հանդիսանում է Պորտուի համալսարանի պրոֆեսոր։ Ալվարու Սիզային բնորոշ է զուսպ, խորամիտ ճարտարապետությունը, շրջապատող լանդշաֆտը։

Ալվարու Սիզան հանդիսանում է Մոսկվայում գտնվող «Մելնիկովի տան» հոգաբարձուների միջազգային խորհրդի անդամ[3]:

Որդին՝ Ալվարու Լեյտ Սիզա Վիեյրան, նույնպես ճարտարապետ է, 1994 թվականին ավարտել է Պորտուի համալսարանի ճարտարապետության ֆակուլտետը։

Other Languages